ଉଚ୍ଚତମ ନ୍ୟାୟାଳୟ ପକ୍ଷରୁ ୪୦ବର୍ଷ ପୁରୁଣା, ମାମଲାରେ ରାଜ୍ୟ ସରକାରଙ୍କୁ ନୋଟିସ୍
କେନ୍ଦୁଝର ଜିଲ୍ଲା ବଡବିଲ ତହସିଲ ଅନ୍ତର୍ଗତ ବେଲକୁଣ୍ଡି ଗ୍ରାମ ଜମିକୁ ୧୯୮୪ ମସିହାରେ ଭଦ୍ରସାହି-ବଡବିଲ-ନାଲଦା ରୋଡ୍ ନିର୍ମାଣ ପାଇଁ ସରକାରୀଭାବେ ବ୍ୟବହାର କରାଯାଇଥିବା ସତ୍ତେ, ଆଜିପର୍ଯ୍ୟନ୍ତ ମାଲିକମାନଙ୍କୁ କୌଣସି କ୍ଷତିପୂରଣ ଦିଆଯାଇନଥିବା ଅଭିଯୋଗରେ ଓଡ଼ିଶାର ଉଚ୍ଚତମ ନ୍ୟାୟାଳୟ ରାଜ୍ୟ ସରକାର ଓ ଜିଲ୍ଲା ପ୍ରଶାସନଙ୍କୁ ନୋଟିସ ଜାରି କରିଛି। ଏକ ରିଟ୍ ପିଟିସନରେ କୁହାଯାଇଛି ଯେ, ଖତା ନମ୍ବର ୨୯ ରେ ରେକର୍ଡ ଥିବା ତାଙ୍କର ଜମିକୁ ସରକାର ବିଧିସମ୍ମତ ଅଧିଗ୍ରହଣ ପ୍ରକ୍ରିୟା ବିନା କରିଥିଲା ଓ କୌଣସି ପ୍ରକାରର କ୍ଷତିପୂରଣ ଦିଆଯାଇନଥିଲା।
ପିଟିସନରେ ଆହୁରି ଉଲ୍ଲେଖ କରାଯାଇଛି ଯେ, ଏହି ରାସ୍ତା ବର୍ତ୍ତମାନ ଖଣିଜ ପରିବହନରେ ବ୍ୟାପକ ଭାବେ ବ୍ୟବହୃତ ହେଉଛି। ୨୦୨୧ରୁ ପୁନଃପୁନି ଅଭିଯୋଗ ଦାଖଲ କରାଗଲା ସତ୍ତେ, ଜିଲ୍ଲା ପ୍ରଶାସନଙ୍କ ପକ୍ଷରୁ କୌଣସି କ୍ଷତିପୂରଣ ବା ପୁନର୍ବାସନ ସୁବିଧା ଦିଆଯାଇନଥିଲା।
ପିଟିସନରେ ଜିଲ୍ଲା ଖଣିଜ ତହବିଲ (DMF) ମାଧ୍ୟମରେ ଦିଆଯାଇଥିବା କ୍ଷତିପୂରଣ ପ୍ରସ୍ତାବକୁ ଆପତ୍ତି କରାଯାଇଛି। ପିଟିସନରେ ଦାବି କରାଯାଇଛି ଯେ, କ୍ଷତିପୂରଣ RTFCTLAR Act, 2013 ର ଧାରା ୨୬ ରୁ ୩୦ ଅନୁସାରେ, ନ୍ୟାୟସଙ୍ଗତ ବଜାର ମୂଲ୍ୟ, ସୋଲାଟିଅମ୍ ଓ ଅନ୍ୟାନ୍ୟ ଆଇନଗତ ସୁବିଧା ସହିତ ଦିଆଯିବା ଉଚିତ।
ପ୍ରତିବାଦୀମାନଙ୍କ ମଧ୍ୟରେ — ରାଜ୍ୟ ସରକାରଙ୍କ କାର୍ଯ୍ୟ ବିଭାଗର ପ୍ରଧାନ ସଚିବ, କେନ୍ଦୁଝର ଜିଲ୍ଲାପାଳ, PWD (R&B) ବିଭାଗ, ବାରବିଲର ସୁପରିଣ୍ଡେଣ୍ଡିଂ ଇଞ୍ଜିନିୟର ଓ ବାରବିଲ ତହସିଲଦାର ଅଛନ୍ତି।
ହାଇକୋର୍ଟ ଏହି ମାମଲାରେ ରାଜ୍ୟ ସରକାର ଓ ଏହାସହ ଜଡ଼ିତ କର୍ତ୍ତୃପକ୍ଷଙ୍କୁ ଉତ୍ତର ଦେବାକୁ ନିର୍ଦ୍ଦେଶ କରିଥିବା ନେଇ ସୂଚନା। ମାମଲା ବର୍ତ୍ତମାନ ବିଚାରାଧୀନ ଅବସ୍ଥାରେ ରହିଥିବା ନେଇ ସୂଚନା।
କେନ୍ଦୁଝର ଜିଲ୍ଲାରୁ ସରୋଜ କୁମାର ମହାପାତ୍ରଙ୍କ ରିପୋର୍ଟ