ଦ୍ୱାରିରେ କିଶୋରୀ ବାଳିକା ଶରବ୍ୟ ଦିବସ
ଅଦ୍ୟ ତା ୧୩/୦୧/୨୦୨୫ ସୋମବାର ଦିନ ଅମ୍ବାଭୋନା ବ୍ଳକ୍ ଅନ୍ତର୍ଗତ ଦ୍ଵାରି ଗ୍ରାମପଞ୍ଚାୟତ ଅଧିନସ୍ଥ ଅଙ୍ଗନୱାଡ଼ି କେନ୍ଦ୍ର ଠାରେ କିଶୋରୀ ବାଳିକା ଶରବ୍ୟ ଦିବସ ଭୁକ୍ତା ଗ୍ରାମ ପଞ୍ଚାୟତ ର ଅଙ୍ଗନୱାଡ଼ି ସୁପର ଭାଇଜର୍ ଶ୍ରୀମତୀ ସ୍ୱର୍ଣ୍ଣପ୍ରଭା ନାୟକଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି । ସମ୍ମାନୀତ ଅତିଥି ଭାବେ ଟ୍ରାସ୍ ଫୋର୍ସ କମିଟିର ସଭ୍ୟ ସଭ୍ୟା ଲତା ନାଏକ, ଶିକ୍ଷକ ସ୍ବାଧିନ କୁମାର ସାହୁ ଯୋଗଦାନ କରିଥିଲେ । ସର୍ବପ୍ରଥମେ ଅଗ୍ରପୂଜ୍ୟ ଗଣେଶଙ୍କ ମୂର୍ତ୍ତିରେ ଧୂପଦୀପ ଦେଇ ପୂଜାର୍ଚ୍ଚନା କରାଯାଇଥିଲା । ଅଙ୍ଗନୱାଡି କର୍ମୀ ଶ୍ରୀମତୀ ଯସ୍ମିତା ସାହୁ ସଭାର ଉଦ୍ଦେଶ୍ୟ ପ୍ରଦାନ କରିଥିଲେ । ଏହି ଦିବସରେ ଦ୍ଵାରୀ ଗ୍ରାମ ପଞ୍ଚାୟତର ସମସ୍ତ ଅଙ୍ଗନୱାଡି କର୍ମୀ ଓ କିଶୋରୀ ବାଳିକା ଯୋଗଦାନ କରିଥିଲେ । ଶ୍ରୀମତୀ ସ୍ୱର୍ଣ୍ଣ ପ୍ରଭା ନାଏକ ବାଲ୍ୟ ବିବାହ, ନାରୀ ମାନଙ୍କ ଉପରେ ଅତ୍ୟାଚାର ବିରୋଧରେ ବୁଝାଇ ଥିଲେ।ସ୍ବାଧିନ କୁମାର ସାହୁ ବାଲ୍ୟ ବିବାହ ରୋକିବା ପାଇଁ ପଦକ୍ଷେପ ଓ ମହିଳା ସଶକ୍ତିକରଣ ବିଷୟରେ ବୁଝାଇ ଥିଲେ । ଏହାପରେ ସମସ୍ତ କିଶୋରୀ ବାଳିକା ମାନଙ୍କୁ ନେଇ ତର୍କ, ଚିତ୍ରାଙ୍କନ ଓ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା ଶିକ୍ଷକ ମଙ୍ଗଳୁ ମୁଣ୍ଡଚୁଳିଆ ଓ ସରୋଜ କୁମାର ସାହୁ ତର୍କ ଓ ନୃତ୍ୟ ପ୍ରତିଯୋଗିତା କରିଥିବା ବେଳେ ସ୍ବାଧିନ କୁମାର ସାହୁ ଚିତ୍ରାଙ୍କନ ପ୍ରତିଯୋଗିତା କରିଥଲେ । ତର୍କ ରେ ବେବି ସାହୁ ପ୍ରଥମ,ଇତିଶ୍ରୀ ପଧାନ ଦ୍ୱିତୀୟ,ଲକ୍ଷ୍ମୀପ୍ରିୟା ମହାନନ୍ଦ ଓ ଶ୍ରୁତି ପଟେଲ ତୃତୀୟ,ନୃତ୍ୟରେ ସରିତା ରଣା ପ୍ରଥମ,ମଞ୍ଜୁ ମାଝୀ ଦ୍ୱିତୀୟ,କୌଶଲ୍ୟା ଭୁଏ ତୃତୀୟ, ଚିତ୍ରାଙ୍କନ ରେ ରୁବି ସାହୁ ପ୍ରଥମ, ଲକ୍ଷ୍ମୀପ୍ରିୟା ମହାନନ୍ଦ ଦ୍ୱିତୀୟ, ଓ ପ୍ରୀତି ସାହୁ ତୃତୀୟ ସ୍ଥାନ ଅଧିକାର କରି ମୁଖ୍ୟ ଅତିଥି ଙ୍କ ହାତରୁ ପୁରସ୍କାର ଓ ମାନପତ୍ର ଗ୍ରହଣ କରିଥିଲେ । ଶେଷରେ ପ୍ରକୃତି ରାଣୀ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
