ଶ୍ରୀଶ୍ରୀ ଜୟଗୋପାଳ ଜୀଉ ମଠ ପ୍ରାଙ୍ଗଣରେ ଅଷ୍ଟପ୍ରହର ନାମଯଜ୍ଞ
ଢେଙ୍କାନାଳ, ୪/୩: ଢେଙ୍କାନାଳ ସହର ବାଜିଚୌକ ଜୟ ଗୋପାଳସାହିସ୍ଥିତ ଶ୍ରୀଶ୍ରୀ ଜୟଗୋପାଳ ଜୀଉ ମଠ ପ୍ରାଙ୍ଗଣରେ ଅଷ୍ଟପ୍ରହର ନାମଯଜ୍ଞ ଓ ଗୀତାଯଜ୍ଞ ଅନୁଷ୍ଠିତ ହୋଇଯାଇଅଛି । ଗତ ୩ ତାରିଖରେ ଅଧିବାସ ପୂଜା ଅନୁଷ୍ଠିତ ହୋଇଯାଇଛି । ୪ ତାରିଖ ମଙ୍ଗଳବାର ୬ଦଳ କୀର୍ତନ ମଣ୍ଡଳୀ ଦ୍ୱାରା ନାମଯଜ୍ଞ ହୋଇଥିଲାବେଳେ ସଂଧ୍ୟାରେ ପ୍ରସାଦସେବନ ଭକ୍ତମାନେ ପାଇଥିଲେ । ଆସନ୍ତା ୫ ତାରିଖ ଦିନ ନଗର କୀର୍ତନ ଓ ଦଧିହାଣ୍ଡି ଭଙ୍ଗାଯିବ । ପୂଜକ ଜଗନ୍ନାଥ ତ୍ରିପାଠୀ ଓ ସନ୍ତୋଷ ଦେବତା ଭାବେ ସମସ୍ତ ପୂଜାକୁ ସୁଚାରୁ ରୂପେ ପାଳନ କରୁଛନ୍ତି । ସଭାପତି ଗୁପ୍ତେଶ୍ଵର ମିଶ୍ର, ଖଗେଶ୍ଵର ବେହେରା, ଜଗା ସେଠୀ, ଶ୍ରୀକାନ୍ତ ସେଠୀ, ବିଷ୍ଣୁ ବେହେରା, ବ୍ରହ୍ମାନନ୍ଦ ରାଉତ, ଦିଲ୍ଲୀପ କୁମାର ସାହୁ, ସନ୍ତୋଷ କୁମାର ସେଠୀ, ପରମାନନ୍ଦ ସେଠୀ ଓ ଦୁଃଖବନ୍ଧୁ ରାଉତ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ତତ୍ୱାବଧାନ କରିଥିଲେ ।
