ତାଳଚେର, ୨୮/୫ ତାଳଚେର ରଥଯାତ୍ରା ସଂପର୍କତ ପ୍ରସ୍ତୁତି ବୈଠକ ଉପଜିଲ୍ଲାପାଳ ସମ୍ମିଳନୀ କକ୍ଷରେ ଆଜି ମଧ୍ୟାର୍ହ୍ନ ଅନୁଷ୍ଠିତ ହେଇଯାଇଛି । ଉପଜିଲ୍ଲାପାଳ ସମୀର କୁମାର ଜେନା ସଭାପତି ତଥା ରଥଯାତ୍ରା କମିଟି କାର୍ଯ୍ୟକ୍ରମରେ ଅଧ୍ୟକ୍ଷତା କରି ଶୃଙ୍ଖଳିତ ରଥଯାତ୍ରା ଓ ଭକ୍ତ ମାନେ କିଭଳି ବ୍ୟବସ୍ଥିତ ଢଙ୍ଗରେ ରଥଯାତ୍ରା ର ଅନୁଭୂତି ପାଇପାରିବେ ସେ ସବୁଦିଗକୁ ସମୀକ୍ଷା କରି ସେହି ଅନୁସାରେ ବ୍ୟବସ୍ଥା କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦେଇଛନ୍ତି । ତେଣୁ ଭକ୍ତ ମାନଙ୍କ ସୁବିଧା ପାଇଁ ପାନୀୟ ଜଳ ଯୋଗାଣ, ପରିଷ୍କାର ପରିଚ୍ଛନ୍ନତା, ସ୍ୱାସ୍ଥ୍ୟ ସେବା ଓ ଆଶୁ ଚିକିତ୍ସା ଯୋଗାଇଦେବା ପାଇଁ ଉପଜିଲ୍ଲାପାଳ ଗୁରୁତ୍ୱାରୋପ କରିଥିଲେ । ଏହାସହିତ ରାଜପୁରୋଧା ଦେଇଥିବା କାର୍ଯ୍ୟସୂଚୀ ଅନୁଯାୟୀ ଯଥା ସମୟରେ କିପରି ସମସ୍ତ ରୀତିନୀତି କରାଯିବ ସେ ଉପରେ ଆଲୋଚନା କରିଥିଲେ । ବୈଠକରେ ତାଳଚେର ଓ ଭାରପ୍ରାପ୍ତ ଥାନା ଅଧିକାରୀ ଦିଗବିଜୟ ବିଶ୍ୱାଳ ଯୋଗଦେଇ ଶାନ୍ତି ଶୃଙ୍ଖଳା ଓ ଆରକ୍ଷୀ ମୁତୟନ ସମ୍ବନ୍ଧରେ ଆଲୋଚନା କରିଥିଲେ । ରଥ ଟଣା ଯିବା ସମୟରେ ଯେପରି ରାସ୍ତା ରେ କୌଣସି ଗାଡିମଟର ୟାତୟତ କରିବ ନାହିଁ ଓ ଯେପରି କୌଣସି ଅପରାଧିକ କାର୍ୟ୍ୟକଳାପ ନଘଟେ ସେଥିପ୍ରତି ବିଶେଷ ଧ୍ୟାନ ଦେବାକୁ ଆରକ୍ଷୀ ଅଧିକାରୀମାନଙ୍କୁ କହିଥିଲେ। ଏହାସହିତ ରଥ ପାଖରେ ଶୃଙ୍ଖଳିତ ରଥ ଟଣା ପାଇଁ ପର୍ଯ୍ୟାପ୍ତ ପୋଲିସ ମୁତୟନ କରିବାକୁ କହିଥିଲେ । ବୈଠକରେ ତାଳଚେର ବାସୀଙ୍କ ଭାବବେଗ ସହ ଏହା କିପରି ଜଡିତ ସେ ସମ୍ପର୍କରେ କହିଥିଲେ ଏବଂ କିଭଳି ଶୃଙ୍ଖଳିତ ରଥଯାତ୍ରା ଅନୁଷ୍ଠିତ ହେବା ସେ ବିଷୟରେ ଗୁରୁତ୍ୱାରୋପ କରିଥିଲେ । ଏହାସହିତ ରଥ ନିର୍ମାଣ ଓ ସାଜସଜ୍ଜା, ସଂକୀର୍ତ୍ତନ, ପହଣ୍ଡି ବିଜେ ଓ ରଥଟଣା, ଆଲୋକସଜ୍ଜା, ଧାରା ବିବରଣୀ ପ୍ରଦାନ, ସ୍ବେଛାସେବୀ ମୁତୟନ, ରାସ୍ତା ପ୍ରସ୍ତୁତି କରଣ, କଂଟ୍ରୋଲ ରୁମ ର ପରିଚାଳନା ଆଦି ବିଷୟରେ ଏହି ବୈଠକରେ ଆଲୋଚନା କରାଯାଇଥିଲା । ପ୍ରାରମ୍ଭରେ ଉପଜିଲ୍ଲାପାଳ ତଥା ସଭାପତି ତଥା ରଥଯାତ୍ରା କମିଟି ମୁଖ୍ୟ ସହାୟକ ପୌର ପରିଷଦ ଚିତ୍ତରଞ୍ଜନ ପ୍ରଧାନ ପୂର୍ଵବର୍ଷ ର ବିବରଣୀ ପାଠ କରିଥିଲେ ପ୍ରଦୀପ କୁମାର ସାହା ନିର୍ବାହୀ ତଥା ଆବାହକ ରଥଯାତ୍ରା କମିଟି ଧନ୍ୟବାଦ ଅର୍ପଣ ଅର୍ପଣ କରିଥିଲେ। ଏହି ପ୍ରସ୍ତୁତି ବୈଠକରେ ବିଧାୟକ ବ୍ରଜକିଶୋର ପ୍ରଧାନ, ନଗରପାଳ ପବିତ୍ର ଭୁତିଆ, ପୂର୍ବତନ ସାଂସଦ ମହେଶ ସାହୁ ସୁଚିନ୍ତିତ ମତାମତ ଦେଇଥିଲେ । ରଥକପଡା ସାଂସଦ ଦେବାପାଇଁ କହୁଥିଲେ । ଗଣମାଧ୍ୟମ ପ୍ରତିନିଧି, ସମାଜସେବୀ, ଆଇନଜୀବି , ସମୂହ ପ୍ରମୁଖ ବ୍ୟକ୍ତି ମାନେ ସୁ ପରିଚାଳନା ଉପରେ ମତବ୍ୟକ୍ତ କରିଥିଲେ। ପରିଶେଷରେ ତାଳଚେର ରାଜାସହେବ ରାଜା ରାଜେନ୍ଦ୍ର ବୀରବର ହରିଚନ୍ଦନ ମୃତ୍ୟୁ ବରଣ କରିଥିବାରୁ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲ।
