Spread the love

ଭାରତ-ଅଷ୍ଟ୍ରେଲିଆ ଆନ୍ତଃବିଶ୍ୱବିଦ୍ୟାଳୟ କ୍ରିକେଟ ମ୍ୟାଚ ଖେଳିବେ ଓଡ଼ିଆ ପୁଅ

ଭୂବନେଶ୍ୱର, ୧୪/୧୧ : ସମ୍ବଲପୁର ବିଶ୍ୱବିଦ୍ୟାଳୟ କ୍ରିକେଟ ଦଳର ପୂର୍ବତନ ଅଧିନାୟକ ସୁଜଲ କେ ସିଂ ଭାରତର ଜାତୀୟ ୟୁନିଭର୍ସିଟି ଦଳରେ ସ୍ଥାନ ପାଇଛନ୍ତି। ସମ୍ବଲପୁର ଜିଲାରେ ଖୁସିର ଲହର ଖେଳିଯାଇଛି । ସୁଜଲ ଆସନ୍ତା ନଭେମ୍ବର ୨୫ରୁ ଡିସେମ୍ବର ୬ ତାରିଖ ଯାଏ ଖେଳାଯିବାକୁ ଥିବା ଭାରତ ବନାମ ଅଷ୍ଟ୍ରେଲିଆ ଦ୍ବିପାକ୍ଷିକ ଆନ୍ତଃବିଶ୍ୱବିଦ୍ୟାଳୟ କ୍ରିକେଟ ମ୍ୟାଚରେ ଭାରତ ପକ୍ଷରୁ ପ୍ରତିନିଧିତ୍ୱ କରିବାକୁ ଯୋଗ୍ୟ ବିବେଚିତ ହୋଇଛନ୍ତି।

ଏହି ମ୍ୟାଚଗୁଡିକ ମୁମ୍ବାଇ ଓ ଭୁବନେଶ୍ୱରରେ ଅନୁଷ୍ଠିତ ହେବ । ବିଶ୍ୱବିଦ୍ୟାଳୟ ଦଳରେ ଖେଳିବା ପ୍ରକ୍ରିୟାରେ କୋଚିଂ, ରହଣି, ଯାତାୟାତ, କ୍ରୀଡା ସାମଗ୍ରୀ, କ୍ରୀଡା ପୋଷାକ ଇତ୍ୟାଦି ବାବଦରେ ପ୍ରାୟ ୮୮ ହଜାର ଟଙ୍କା ଖର୍ଚ୍ଚ ହେବ। ଏହି ଅର୍ଥ ସମ୍ପୂର୍ଣ୍ଣ ଭାବରେ ସମ୍ବଲପୁର ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ବହନ କରିବେ ବୋଲି ଏକ ବୈଠକରେ ନିଷ୍ପତ୍ତି ହୋଇଛି। ସୂଚନାଯୋଗ୍ୟ, ସୁଜଲ ଗତବର୍ଷ ସମ୍ବଲପୁର ବିଶ୍ୱବିଦ୍ୟାଳୟ କ୍ରିକେଟ ଦଳର ଅଧିନାୟକ ଥିଲେ। ତାଙ୍କ ନେତୃତ୍ୱରେ ଦଳ ସର୍ବଭାରତୀୟ ସ୍ତରରେ ତୃତୀୟ ସ୍ଥାନ ଅଧିକାର କରିଥିଲା।

Leave a Reply

Your email address will not be published. Required fields are marked *