କମ୍ପାନୀ ଉପରେ ବର୍ଷିଲେ ତାଳଚେର ବିଧାୟକ ବ୍ରଜକିଶୋର ପ୍ରଧାନ
ଅନୁଗୋଳ: ବୋରୱେଲ ସର୍ଭେକୁ ଗ୍ରାମବାସୀଙ୍କ ତୀବ୍ର ବିରୋଧ
ତାଳଚେର ଉପଖଣ୍ଡ ଅନ୍ତର୍ଗତ କୁମୁଣ୍ତା ଓ ସାନତ୍ରିବିଡା ଅଞ୍ଚଳରେ ପ୍ରସ୍ତାବିତ ନୂତନ କୋଇଲା ଖଣି ପାଇଁ ଚାଲିଥିବା ବୋରୱେଲ ସର୍ଭେକୁ ସ୍ଥାନୀୟ ଗ୍ରାମବାସୀ ତୀବ୍ର ବିରୋଧ କରିଛନ୍ତି। ସର୍ଭେ କାର୍ଯ୍ୟକୁ ବନ୍ଦ କରିବା ସହ ଗ୍ରାମବାସୀମାନେ ନିଜର ଅସନ୍ତୋଷ ପ୍ରକାଶ କରିଥିଲେ।
ଖବର ପାଇ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଘଟଣାସ୍ଥଳରେ ପହଞ୍ଚି ଗ୍ରାମବାସୀଙ୍କ ସହ ଆଲୋଚନା କରିଥିଲେ। ଏହାପରେ ସେ କମ୍ପାନୀ କର୍ତ୍ତୃପକ୍ଷଙ୍କୁ କଡ଼ା ସମାଲୋଚନା କରିବା ସହ ସ୍ଥାନୀୟ ଲୋକଙ୍କ ସମ୍ମତି ଓ ସ୍ୱାର୍ଥକୁ ଅଣଦେଖା କରି କୌଣସି କାର୍ଯ୍ୟ ଗ୍ରହଣ କରାଯିବା ଉଚିତ୍ ନୁହେଁ ବୋଲି କହିଥିଲେ।
ଗ୍ରାମବାସୀମାନଙ୍କ କହିବା ଅନୁଯାୟୀ, ପ୍ରସ୍ତାବିତ ଖଣି ପ୍ରକଳ୍ପ ଯୋଗୁଁ ଜମି, ଜଙ୍ଗଲ ଓ ଜୀବିକା ଉପରେ ପ୍ରଭାବ ପଡ଼ିବାର ଆଶଙ୍କା ରହିଛି। ଏହାକୁ ନେଇ ସେମାନେ ସର୍ଭେ କାର୍ଯ୍ୟକୁ ବିରୋଧ କରିଥିବା ବେଳେ ଅଞ୍ଚଳରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା।