କେନ୍ଦ୍ରର କୃଷକ ବିକରାଧୀ ଆଇନ ପ୍ରତ୍ୟାହାର ଦାବୀ ସହ ପଞ୍ଜାବ ପରି ଓଡିଶାକର ମ୍ଧ୍ୟ ରାଜ୍ୟ ସରକାର ଫସଲର ସହାୟକ ମ୍ୁଲୟ ଗ୍ୟାକରଣ୍ଟିପାଇଁଆଇନ ପ୍ରଣୟନ କରିବାକୁ ଦାବୀ
ଜେ ବି ଏନ, ୨୩/୧୨/୨୦୨୦, (ରିପୋର୍ଟ, ରୂପକ ମହାନ୍ତି), ବ୍ରହ୍ମପୁର : ବ୍ରହ୍ମପୁର ଠାରେ ରୁଷିକୁଲ୍ୟା ରୟତ ମହାସଭା ତରଫରୁ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ମୁଖ୍ୟ ଉପଦେଷ୍ଟା ତଥା ଲୋକଶକ୍ତି ଅଭିଯାନର ସଭାପତି ପ୍ରଫୁଲ୍ଲ ସାମନ୍ତରା ରାଜ୍ୟ ସରକାର କେନ୍ଦ୍ରର କୃଷକ ବିରୋଧୀ ଆଇନକୁ ବିରୋଧ କରି ପଞ୍ଜାବ ଓ ରାଜସ୍ଥାନ ସରକାର ପରି ଆମ ରାଜ୍ୟରେ ମଧ୍ୟ ଫସଲର ସହାୟକ ମୁଲ୍ୟର କିଣା ବିକା ଗ୍ୟାରେଣ୍ଟି ପାଇଁ ଅନୁରୁପ ଆଇନ କରିବାକୁ ଆହ୍ବାନ କରିଛନ୍ତି । ବିଜୁ ଜନତା ଦଳର କାର୍ଯ୍ୟକାରୀ କମିଟିରେ ମୁଖ୍ୟ ମନ୍ତ୍ରୀ କେନ୍ଦ୍ରଠାରେ ଦାବୀ କରିଛନ୍ତି ସ୍ଵାମିନାଥନ କମିଟିର ସୁପାରିଶ ଅନୁଯାୟୀ ଫସଲର ଦାମ ନିର୍ଦ୍ଧାରଣ କରାଯାଉ । ଏହି ଦାବୀ ପ୍ରତି ଆନ୍ତରିକତା ଦୃଷ୍ଟିରୁ କେରଳ ସରକାର ଓ ଛତିଶଗଡ ସରକାର ଧାନ ଦ୍ବିଣ୍ଟାଲ ପ୍ରତି ଯଥାକ୍ରମେ ୨୬୦୦ ଟଙ୍କା ଓ ୨୫୦୦ ଟଙ୍କା ଦେଉଥିବାରୁ ଓଡିଶା ସରକାର ମଧ୍ୟ ଆମ ଚାଷୀଙ୍କୁ ୧୮୬୮ ଟଙ୍କା ସହ ୭୦୦ ଟଙ୍କା ଅଧୁକ ଦେଇ ଧାନ ସଂଗ୍ରହ କରିବାକୁ ଶ୍ରୀ ସାମନ୍ତରା ଦାବୀ କରିଛନ୍ତି । ରାଜ୍ୟ ସରକାର ଭାଗ ଚାଷୀଙ୍କ ସୁରକ୍ଷା ପାଇଁ ଗତ ୪ ବର୍ଷ ପୂର୍ବେ ଦେଇଥିବା ପ୍ରତିଶ୍ରୁତି ଅନୁଯାୟୀ ଭାଗ ଚାଷୀ ସୁରକ୍ଷା ଆଇନ ବିଧାନସଭାରେ ଗୃହିତ କରାନ୍ତୁ | ଠିକା ଚାଷ ଓ କୃଷି ଦ୍ରବ୍ୟ ବଜାର କମିଟି ସଂଶୋଧନ ପାଇଁ ହୋଇଥିବା କେବିନେଟ୍ ନିଷ୍ପତି ବାତିଲ କରାଯାଇ କେନ୍ଦ୍ରର କୃଷକ ବିରୋଧୀ ଆଇନକୁ ରାଜ୍ୟ ସରକାର ବିରୋଧ କରନ୍ତୁ ଓ ସଙ୍ଗୀୟ ବ୍ୟବସ୍ଥାର ସୁରକ୍ଷା ପାଇଁ କେନ୍ଦ୍ରର କେନ୍ଦ୍ରିକ ରଣ । କାର୍ଯ୍ୟାନୁଷ୍ଠାନ କୁ ପ୍ରତି ବଡ଼ କରିବାକୁ ଶ୍ରୀ ସାମନ୍ତରା ଆହ୍ଵାନ କରିଛନ୍ତି । ରୁଷିକୁଲ୍ୟା ରୟତ ମହାସଭାର ସମ୍ପାଦକ ସିମାଞ୍ଚଳ ନାହାକ ଉପସ୍ଥିତ ରହି କହିଛନ୍ତି ଯେ ଗଞ୍ଜାମ ଜିଲ୍ଲାର ଧାନ ସଂଗ୍ରହ ବେଳେ ୩ କେଜି ଧାନ ଅଧୂକ ନିଆଯାଉଛି , ତାହା ବନ୍ଦ କରାଯାଉ , ଗତ ବର୍ଷ ଦିଆଯାଇନଥିବା ଅଖା ଓ ପରିବହନ ଖର୍ଚ ଏହି ବର୍ଷ ଫେରସ୍ତ ଦିଆଯାଉ । ଚଳିତ ବର୍ଷ ଧାନ ସଂଗ୍ରହ ପୁର୍ବରୁ ଚାଷୀଙ୍କୁ ଅଖା ଯୋଗାଇଦିଆଯାଉ , ଗ୍ରାମରେ କୃଷକ କମିଟି ଜରିଆରେ ଧାନ ସଂରହକୁ ଶୃଙ୍ଖଳିତ କରାଯାଉ । ରୁଷିକୁଲ୍ୟା ରୟତ ମହାସଭାର ଚାଷୀ ନେତା ବିଜୟ ସ୍ବାଇଁ କହିଛନ୍ତି ଯେ ଧାନ କିଣାବେଳେ ସୋସାଇଟି ଗୁଡିକ ଭେଣ୍ଡର ରସିଦ ଦେବାକୁ ପ୍ରଶାସନ , ନିର୍ଦ୍ଦେଶ ଦେଉ , ପ୍ରଥମେ ଭାଗଚାଷୀ ଓ ଛୋଟଚାଷୀଙ୍କ ଧାନ କିଣିବା ବ୍ୟବସ୍ଥା କରାଯାଉ , ଗତବର୍ଷ ଯେପରି ୫୦୦୦ ଚାଷୀଙ୍କ ଟୋକେନ ଥାଇ ଧାନ କିଣା ଗଲା ନାହିଁ , ଚଳିତ ବର୍ଷ ପୁନ ରାବୃତି ନ କରିବା ପାଇଁ ସଂଗଠନ ତରଫରୁ ସତର୍କ କରାଇ ଦିଆଯାଇଛି | ଖରିଫ୍ ଧାନ ସଂଗ୍ରହରେ ଅବହେଳା କରାଗଲେ ରାସ୍ତାରୋକ କରିବାକୁ ବାଧ୍ୟ ହେବେ ବୋଲି ଚାଷୀ ନେତା ମାନେ ଘୋଷଣା କରିଛନ୍ତି |