ଜିବଦୟା କାର୍ଯ୍ୟକ୍ରମରେ ଅନୁଗୋଳ ବନଖଣ୍ଡରେ ବ୍ୟାପକ କମ୍ବିଂ ଅପରେସନ୍
ଅନୁଗୋଳ, ୬ ଅକ୍ଟୋବର: ବନ୍ୟଜନ୍ତୁ ସୁରକ୍ଷା ଓ ଜଙ୍ଗଲ ସଂରକ୍ଷଣକୁ ଅଧିକ ସୁଦୃଢ଼ କରିବା ଲକ୍ଷ୍ୟରେ ଜିବଦୟା କାର୍ଯ୍ୟକ୍ରମ ଅଧୀନରେ ମଙ୍ଗଳବାର ଅନୁଗୋଳ ବନଖଣ୍ଡର ସମସ୍ତ ରେଞ୍ଜରେ ସଫଳ କମ୍ବିଂ ଅପରେସନ୍ ଅନୁଷ୍ଠିତ ହୋଇଛି।
ଅନୁଗୋଳ DFOଙ୍କ ମାର୍ଗଦର୍ଶନରେ ଆୟୋଜିତ ଏହି ଅଭିଯାନରେ RCCF କାର୍ଯ୍ୟାଳୟର ACF ଶ୍ରୀ ନୀଳମଣି ଦେହୁରୀ, ସମସ୍ତ ରେଞ୍ଜ ଅଧିକାରୀ, ଫ୍ରଣ୍ଟଲାଇନ୍ ବନ କର୍ମଚାରୀ, ସ୍କ୍ୱାଡ୍ ସଦସ୍ୟ, ଗଜମିତ୍ର ଏବଂ ଆଠମଲ୍ଲିକ ବନଖଣ୍ଡର କର୍ମଚାରୀମାନେ ସକ୍ରିୟ ଭାବେ ସାମିଲ ହୋଇଥିଲେ।
ଅଭିଯାନ ସମୟରେ ଜଙ୍ଗଲ ଅଞ୍ଚଳରେ ବନ୍ୟଜନ୍ତୁଙ୍କ ଗତିବିଧି ଓ ସୁରକ୍ଷା ବ୍ୟବସ୍ଥାର ନିରୀକ୍ଷଣ କରାଯିବା ସହ ଶିକାର, ପୋଚିଂ, ଜଙ୍ଗଲ ଜମି ଜବରଦଖଲ ଏବଂ ବେଆଇନ ଗଛକଟା ଭଳି କାର୍ଯ୍ୟକଳାପ ରୋକିବା ଉପରେ ଗୁରୁତ୍ୱ ଦିଆଯାଇଥିଲା।
ବନ୍ୟଜନ୍ତୁଙ୍କ ଆବାସସ୍ଥଳୀ ସୁରକ୍ଷା ଓ ଅଞ୍ଚଳର ଜୈବ ବିବିଧତା ସଂରକ୍ଷଣ ପାଇଁ ଏଭଳି ନିୟମିତ ଓ ସମନ୍ୱିତ ଅଭିଯାନ ଗୁରୁତ୍ୱପୂର୍ଣ୍ଣ। ଅଭିଯାନରେ ସାମିଲ ହୋଇଥିବା ବନ ବିଭାଗର ସମସ୍ତ **‘ଗ୍ରୀନ୍ ୱାରିୟର୍ସ’**ଙ୍କ ନିଷ୍ଠା, ସତର୍କତା ଓ ନିରନ୍ତର ପ୍ରୟାସକୁ ପ୍ରଶଂସା କରାଯାଇଛି।