ହସ୍ପିଟାଲରେ ରଜନୀକାନ୍ତ ସିଂହଙ୍କୁ ଭେଟି ସ୍ୱାସ୍ଥ୍ୟାବସ୍ଥା ବୁଝିଲେ ବିଧାୟକ ପ୍ରତାପ ପ୍ରଧାନ
ଅନୁଗୋଳ: ଓଡ଼ିଶା ବିଧାନସଭାର ପୂର୍ବତନ ଉପବାଚସ୍ପତି ତଥା ଅନୁଗୋଳର ପୂର୍ବତନ ବିଧାୟକ ରଜନୀକାନ୍ତ ସିଂହଙ୍କ ଅସୁସ୍ଥତା ଖବର ପାଇ ତାଙ୍କୁ ଭେଟିଛନ୍ତି ଅନୁଗୋଳର ବର୍ତ୍ତମାନର ବିଧାୟକ ପ୍ରତାପ ଚନ୍ଦ୍ର ପ୍ରଧାନ। ଭୁବନେଶ୍ୱରସ୍ଥିତ କିମ୍ସ ହସ୍ପିଟାଲରେ ପହଞ୍ଚି ଶ୍ରୀ ପ୍ରଧାନ ତାଙ୍କ ସ୍ୱାସ୍ଥ୍ୟାବସ୍ଥା ସମ୍ପର୍କରେ ପଚାରି ବୁଝିଥିଲେ।
ସାକ୍ଷାତ ସମୟରେ ବିଧାୟକ ଶ୍ରୀ ପ୍ରଧାନ ରଜନୀକାନ୍ତ ସିଂହଙ୍କ ଆଶୁ ଆରୋଗ୍ୟ କାମନା କରିବା ସହ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ତାଙ୍କର ଶୀଘ୍ର ସୁସ୍ଥତା ପାଇଁ ପ୍ରାର୍ଥନା କରିଥିଲେ।
ଏହି ଅବସରରେ ଅନୁଗୋଳ ପୌରପାଳିକାର ପୌରାଧ୍ୟକ୍ଷ ଅକ୍ଷୟ କୁମାର ସାମନ୍ତ ମଧ୍ୟ ଉପସ୍ଥିତ ଥିଲେ। ସେ ରଜନୀକାନ୍ତ ସିଂହଙ୍କ ସ୍ୱାସ୍ଥ୍ୟାବସ୍ଥା ବୁଝିବା ସହ ତାଙ୍କର ଶୀଘ୍ର ଆରୋଗ୍ୟ କାମନା କରିଥିଲେ।
ପୂର୍ବତନ ଉପବାଚସ୍ପତିଙ୍କ ଅସୁସ୍ଥତା ଖବର ମଧ୍ୟରେ ଏହି ସାକ୍ଷାତ ତାଙ୍କ ପ୍ରତି ଶୁଭେଚ୍ଛା ଓ ଶୀଘ୍ର ସୁସ୍ଥତା କାମନାର ଏକ ପ୍ରକାଶ ହୋଇଛି।