ଭାରତର କୋଭିଡ-19 ପଥରେ ନୂତନ ଶିଖର; 6 ମାସ ପରେ ଦୈନିକ ନୂତନ ମାମଲା 18,732 କୁ ହ୍ରାସ
170 ଦିନ ପରେ ସକ୍ରିୟ ମାମଲା ଖସିଲା 2.78 ଲକ୍ଷକୁ
ବିଶ୍ୱ ମହାମାରୀ ବିରୋଧି ଲଢେଇରେ ଭାରତ ଏକ ଗୁରୁତ୍ୱପୂର୍ଣ୍ଣ ଶିଖରକୁ ଛୁଇଁଛି ।
6 ମାସ ପରେ ଦୈନିକ ନୂତନ ମାମଲା 19,000 ତଳକୁ ଖସିଛି । ଗତ 24 ଘଣ୍ଟା ମଧ୍ୟରେ ଜାତୀୟ ସ୍ତରରେ 18,732 ସକ୍ରିୟ ମାମଲା ଚିହ୍ନଟ ହୋଇଛନ୍ତି । ଜୁଲାଇ 1, 2020 ରେ ନୂତନ ଭାବେ ଯୋଡି ହୋଇଥିବା ମାମଲା ସଂଖ୍ୟା 18,653 ଥିଲା ।
ଭାରତର ମୋଟ ସକ୍ରିୟ ମାମଲା ଆଜି 2.78 ଲକ୍ଷ (2,78,690) କୁ ଖସି ଆସିଛି । 170 ଦିନ ପରେ ଏହା ସର୍ବନିମ୍ନ ଅଟେ । ଜୁଲାଇ 10, 2020 ରେ ସମୁଦାୟ ସକ୍ରିୟ ମାମଲା 2,76,682 ଥିଲା ।
ସକ୍ରିୟ ମାମଲା ସଂଖ୍ୟାରେ କ୍ରମାଗତ ହ୍ରାସର ଧାରା ଜାରି ରହିଛି । ଭାରତରେ ବର୍ତ୍ତମାନର ସକ୍ରିୟ ମାମଲା ମୋଟ ପଜିଟିଭ ମାମଲାର ମାତ୍ର 2.74 ପ୍ରତିଶତ ।
ଗତ 24 ଘଣ୍ଟା ମଧ୍ୟରେ 21,430 ସଂଖ୍ୟକ ସଂକ୍ରମିତ ରୋଗୀ ଆରୋଗ୍ୟ ହୋଇ ଡିସଚାର୍ଜ ହୋଇଛନ୍ତି । ଏହା ସମୁଦାୟ ସକ୍ରିୟ ମାମଲା ଠାରୁ 2,977 ସଂଖ୍ୟାର ହ୍ରାସ ଘଟାଇଛି ।
ମୋଟ ସୁସ୍ଥତା ମାମଲା 97,61,538 ରେ ରହିଛି । ଆରୋଗ୍ୟ ଏବଂ ସକ୍ରିୟ ମାମଲା ମଧ୍ୟରେ ବ୍ୟବଧାନ, ଯାହା କ୍ରମାଗତ ଭାବେ ବୃଦ୍ଧି ପାଉଛି, ତାହା ଆଜି ପାଖାପାଖି 95 ଲକ୍ଷ (94,82,848) ରେ ପହଞ୍ଚିଛି ।
ନୂତନ ମାମଲା ତୁଳନାରେ ନୂତନ ଆରୋଗ୍ୟର ପାର୍ଥକ୍ୟ ଆଜି ସୁସ୍ଥତା ହାରକୁ 95.82 ପ୍ରତିଶତରେ ପହଞ୍ଚାଇଛି । ଏହି ପାର୍ଥକ୍ୟ କ୍ରମାଗତ ଭାବରେ ବୃଦ୍ଧି ପାଉଛି, କାରଣ ଦୈନିକ ଆରୋଗ୍ୟ ସଂଖ୍ୟା ନୂତନ ମାମଲାଠାରୁ ଅଧିକ ରହୁଛି ।
ନୂତନ ଆରୋଗ୍ୟ ମାମଲାଗୁଡ଼ିକର 72.37 ପ୍ରତିଶତ 10 ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଥିବା ପରିଲକ୍ଷିତ ହୋଇଛି ।
3,782 ଟି ଦୈନିକ ନୂତନ ଆରୋଗ୍ୟ ମାମଲା ସହିତ କେରଳ ସବୁଠାରୁ ଆଗରେ ଥିବା ବେଳେ ପଶ୍ଚିମବଙ୍ଗରେ 1,861 ଲୋକ ସୁସ୍ଥ ହୋଇଛନ୍ତି ଏବଂ ଏହାର ପଛକୁ ଛତିଶଗଡରୁ 1,764 ଲୋକ ଆରୋଗ୍ୟ ଲାଭ କରିଛନ୍ତି ।
ନୂତନ ମାମଲାଗୁଡ଼ିକର 76.52 ପ୍ରତିଶତ 10 ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି ।
କେରଳ ଦୈନିକ ସର୍ବାଧିକ 3,527 ନୂତନ ମାମଲା ରିପୋର୍ଟ କରିଛି । ଏହା ପଛକୁ ମହାରାଷ୍ଟ୍ରରୁ ଦୈନିକ 2,854 ଟି ନୂଆ ମାମଲା ଚିହ୍ନଟ ହୋଇଥିବା ଦର୍ଶାଇଛି ।
ଗତ 24 ଘଣ୍ଟା ମଧ୍ୟରେ 279 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ଦଶଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ନୂତନ ମୃତ୍ୟୁ ହାର 75.27% ରହିଛି ।
ମହାରାଷ୍ଟ୍ରରେ ସର୍ବାଧିକ ମୃତ୍ୟୁ ସଂଖ୍ୟା 60 ଥିବାବେଳେ ପଶ୍ଚିମବଙ୍ଗ ଏବଂ ଦିଲ୍ଲୀରୁ ଯଥାକ୍ରମେ 33 ଏବଂ 23 ଜଣଙ୍କର ମୃତ୍ୟୁ ଘଟିଛି ।
