ସଡ଼କ ଦୁର୍ଘଟଣାରେ ଜଣଙ୍କର ମୃତ୍ୟୁ
ତାଳଚେର, ୨୯-୩୦/୦୪ ତାଳଚେର ସାଉଥବଲଣ୍ଡାରୁ ହିଙ୍ଗୁଳା ଯାଇଥିବା ବାଇପାସ୍ ରାସ୍ତାରେ ସଡ଼କ ଦୁର୍ଘଟଣା ଜନିତ ଜଣଙ୍କର ମୃତ୍ୟୁ ହୋଇଥିବା ଦୁଃଖରଛାୟା ଖେଳାଇ ଦେଇଛି ଓ ଏହି ଘଟଣାକୁ ନେଇ ସେଠାରେ ଏକ ଚାପା ଉତେଜନା ଦେଖାଦେଇଥିଲା । ଘଟଣାରୁ ପ୍ରକାଶ ଆଜି ସକାଳ ୮ଘଟିକା ସମୟରେ ପ୍ରଶାନ୍ତ ସାହୁ (୪୦) ନିଜ ସ୍କୁଟି ଯୋଗେ ଏହି ରାସ୍ତାଦେଇ ଯାଉଥିବା ବେଳେ ଏକ ବୋଲେରୋ ତାଙ୍କୁ ଧକ୍କାଦେଇ ସେଠାରୁ ପଳାଯାଇଥିଲା । ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଏହି ଖବର ପ୍ରଚାରିତ ହେବାପରେ ଶତାଧିକ ଲୋକରୁଣ୍ଢ ହୋଇ ପାଟିତୁଣ୍ଡ କରିବା ସହ ଏକ ଉତେଜନା ପୂର୍ଣ୍ଣ ଅବସ୍ଥା ସୃଷ୍ଟି ହୋଇଥିଲା । ଶ୍ରୀ ସାହୁ ଗୁରୁଦ୍ୱାରରେ ଭଡା଼ଘର ନେଇ ଛୋଟମୋଟ ଦୋକାନ କରି ପରିବାର ଗୁଜୁରାଣ ମେଟାଂଉଥିଲେ ବୋଲି ଶୁଣିବାକୁ ମିଳେ । ତେବେ ଘଟଣା ସ୍ଥଳରୁ ଗାଡ଼ିଟି ଫେରାର୍ ହୋଇଯାଇଥିଲେ ମଧ୍ୟ ଏହି ବୋଲେରୋଟି ଓଡ଼ିଶା ସିକ୍ୟୁରିଟି ଇଣ୍ଡୋଷ୍ଟ୍ରିଆଲ (ଓଆଇଏସ୍ଏଫ)ର ବୋଲି ସେଠିକାର ଅଂଚଳବାସୀ ଅଭିଯୋଗ କରିଛନ୍ତି । ତେବେ ଏସମ୍ପର୍କରେ କୋଲିୟରୀ ଥାନାକୁ ଯୋଗାଯୋଗ କରିଥିଲେ ମଧ୍ୟ କୌଣସି ସୂରାକ୍ ମିଳିପାରିନଥିଲା
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false,"used_sources":{"version":1,"sources":[{"id":"270812670004211","type":"ugc"}]}}](https://www.jagratbharatnews.in/wp-content/uploads/2026/04/Picsart_25-11-05_07-59-52-526-29.jpg)
