ଲଟକିଛି ତାଳଚେର ବିମଳାଗଡ଼ ରେଳପ୍ରକଳ୍ପ
ତାଳଚେର, ୨୫/୦୭ ତାଳଚେର ତାଳଚେର-ବିମଳାଗଡ଼ ରେଳପଥ ପାଇଁ ଅନୁଗୋଳରେ ଜମି ଅଧିଗ୍ରହଣ ସରିଲାଣି । କିନ୍ତୁ ଦେବଗଡ଼ରେ ରେଳବାଇକୁ ଏପର୍ଯ୍ୟନ୍ତ ଜମି ହସ୍ତାନ୍ତର ହୋଇନି । ସୁନ୍ଦରଗଡ଼ରେ ବି ସମାନ ସ୍ଥିତ । ଏହି ପ୍ରକଳ୍ପ ପାଇଁ ପ୍ରାୟ ୯୮୫ ବେସରକାରୀ ଜମି ଆବଶ୍ୟକ ଥିବା ବେଳେ ରେଳବାଇକୁ ମିଳିଛି ମାତ୍ର ୫୫୫ ଏକର ଜମି । ଏହି ପ୍ରକଳ୍ପ ପାଇଁ ଜମି ଅଧିଗ୍ରହଣ ଏକ ପ୍ରମୁଖ ସମସ୍ୟା ଭାବେ ଛିଡ଼ା ହୋଇଥିବା ବେଳେ ଦେବଗଡ଼ ଓ ସୁନ୍ଦରଗଡ଼ରେ ଲାଗି ରହିଥିବା ସମସ୍ୟା ପାଇଁ ପ୍ରକଳ୍ପ ଆହୁରି ବିଳମ୍ବ ହେବାର ଆଶଙ୍କା ପ୍ରକାଶ ପାଇଛି । ରାଉଲକେଲା ଓ ଭୂବନେଶ୍ୱର ମଧ୍ୟରେ ଦୂରତା ପାଇବା ସହିତ ଖଣିଜ ପରିବହନ କ୍ଷେତ୍ରରେ ଏକ ପ୍ରମୁଖ ରୁଟପାଲଟିବ । ରାଉଲକେଲା ସହିତ ତାଳଚେର-ଅନୁଗୋଳ ଶିଳ୍ପାଚଂଳକୁ ଏହି ରେଳପଥ ଯୋଡ଼ୁଥିବାରୁ ଏହା ରାଜ୍ୟ ଅର୍ଥନୀତିରେ ପ୍ରମୁଖ ଭୂମିକା ଗ୍ରହଣ କରିବ । ସେହିପରି ଅନୁଗୋଳ ଜିଲ୍ଳାରେ ପାଲହଡ଼ା ବ୍ଲକ ସମେତ ଦେବଗଡ଼ ଓ ସୁନ୍ଦରଗଡ଼ ଜିଲ୍ଲାର ଅଧିକାଂଶ ଅଂଚଳ ରେଳ ଲାଇନ୍ ସହ ଯୋଡ଼ି ହେବ । ତେଣୁ ଏହି ପ୍ରକଳ୍ପକୁ ଲୋକମାନେ ଅପେକ୍ଷା କରି ରହିଛନ୍ତି । ୧୫୪କିମି ରେଳଲାଇନ୍ ନିର୍ମାଣ ପାଇଁ ୨୦୦୩-୦୪ କିମି ରେଳଲାଇନ୍ ନିର୍ମାଣ ପାଇଁ ସରକାରୀ ମଞ୍ଜୁରୀ ମିଳିଥିଳା । ୨୦୦୭ରୁ ରେଳବାଇ ବିଭିନ୍ନ ପର୍ଯ୍ୟୟରେ ଜମି ବରାଦ କରିବା ପରେ ଜମି ଅଧିକାଂଶ ପ୍ରକ୍ରିୟା ଆରମ୍ଭ ହୋଇଥିଲା । ଏହି ପ୍ରକଳ୍ପରେ ସବୁଠାରୁ ଅନୁଗୋଳର ଅଧିକ ଜମି ଯାଉଥିବାରୁ ଏଠାରେ ଅଧବଗ୍ରହଣ ପ୍ରକ୍ରିୟା ଶେଷ ହୋଇଛି । ରାଜ୍ୟ ସରକାର ଦେଇଥିବା ତଥ୍ୟ ଅନୁସାରେ ଏହି ଜିଲ୍ଳାରେ ୫୪୯.୮୬୫ ଏକର ବେସରକାରୀ ଜମିରୁ ୫୪୩.୬୭୫ ଏକର ଜମି ଅଧିଗ୍ରହଣ କରାଯାଇ ରେଳବାଇକୁ ହସ୍ତାନ୍ତର କରଯାଇଛି । ସେହିପରି ସୁନ୍ଦରଗଡ଼ ଜିଲ୍ଳାରେ ୨୪୭.୬୪୦ ଏକ ବେସରକାରୀ ଜମିରୁ ମାତ୍ର ୧୧.୮୯୦ ଏକର ଜମି ରେଳବାଇକୁ ପ୍ରଦାନ କରାଯାଇଛି । ଦେବଗଡ଼ ଜିଲ୍ଳାରେ ଆବଶ୍ୟକ ୧୮୮.୨୪୦ ଏକର ବେସରାକରୀ ଜମି ଅଧିଗ୍ରହଣ ପ୍ରକ୍ରିୟା ଚାଳିଛି । କିନ୍ତୁ ଳେବାଇକୁ ଜମି ହସ୍ତାନ୍ତର ହୋଇନଥିବାରୁ କାମ ଆରମ୍ଭ ହୋଇପାରିନି ।ଜମି ଅଧିଗ୍ରହଣ ପ୍ରକ୍ରିୟା ବିଳମ୍ବ ହେବାର ଏକାଧିକ କାରଣ ଦର୍ଶାଇଛନ୍ତି ରାଜ୍ୟ ସରକାର ଅନୁଗୋଳ ଜିଲ୍ଳାରେ ପାଲହଡ଼ା ମୌଜାର ମାତ୍ର ୬.୧୯୦ ଏକର ବେସରକାରୀ ଜମି ହସ୍ତାନ୍ତର ହୋଇ ପାରିନି । ସୁନ୍ଦରଗଡ଼ରେ କ୍ଷତିଗ୍ରସ୍ତ ପ୍ରଜାମାନେ ଅଧିକ କ୍ଷତିପୂରଣ ଦାବିକରି ଜମି ଅଧିଗ୍ରହଣ ପକ୍ରିୟାରେ ସହଯୋଗ କରୁନାହାନ୍ତି । ଏପଟେ ଦେବଗଡ଼ ଜିଲ୍ଳାରେ କୋଭିଡ଼ ପାଇଁ ଜମିଅଧବଗ୍ରହଣ ହୋଇପାରି ନଥିଲା । ଏଠାରେ ଭୂଅର୍ଜନ ଅଧିକାରୀଙ୍କ ଅଭାବ ପାଇଁ ଅଧିଗ୍ରହଣରେ ସମସ୍ୟା ହେଉଛି ।
ଏହ ରେଳପ୍ରକଳ୍ପରେ ଅନୁଗୋଳର ୮୩କମି ରହିଥିବା ବେଳେ ଦେବଗଡ଼ ୩୨କମି ଓ ସୁନ୍ଦରଗଡ଼ ୩୯କିମି ରହିିଛି । ଜମି ହସ୍ତାନ୍ତର ପରେ ତାଳଚେର ପଟୁ କାମ ଆରମ୍ଭ ହୋଇଥିଲେ ମଧ୍ୟ ବିଳଗଡ଼ ପଟୁ କାମ ଆଗେଇ ପାରୁନି । ତାଳଚେରରୁ ସୁନାଖଣି ପର୍ଯ୍ୟନ୍ତ ୨୦କିମି ରାସ୍ତା ଶେଷ ହେବା ସହିତ କାର୍ଯ୍ୟକ୍ଷମ ହୋଇସାରିଛି । ସୁନାଖଣିରୁ ପରାବିଲ ପର୍ଯ୍ୟନ୍ତ ଆଉ ୧୬.୩୧ କିମି ରେଳଲାଇନ ନିର୍ମାଣ ଶେଷ ହୋଇଥିବା ବେଳେ ଖମାର ପର୍ଯ୍ୟନ୍ତ କାମ ଚାଲିଛି । ସମ୍ପୂର୍ଣ୍ଣ କାମ ହୋଇ ସାରିଲେ ତାଳଚେର ଓ ରାଉକେଲା ଭିତରେ ଯାତ୍ରୀ ପରିବହନ ସୁଗମ ହୋଇପାରିବ ।
