ଓଏମସି ପୁରୀ କୋଷ୍ଟାଲ ମାରାଥନ୍ ର ପ୍ରଚାର ପାଇଁ ଭୁବନେଶ୍ୱରରେ ଆୟୋଜିତ ହେଲା ପ୍ରୋମୋ ରନ୍

*ଓଏମସି ପୁରୀ କୋଷ୍ଟାଲ ମାରାଥନ୍ ର ପ୍ରଚାର ପାଇଁ ଭୁବନେଶ୍ୱରରେ ଆୟୋଜିତ ହେଲା ପ୍ରୋମୋ ରନ୍*

*ଭୁବନେଶ୍ୱର, ୪ ଅକ୍ଟୋବର, ୨୦୨୬*: ଡିସେମ୍ବର ୧୩ ତାରିଖରେ ପୁରୀରେ ଅନୁଷ୍ଠିତ ହେବାକୁ ଥିବା ଭବ୍ୟ ‘ଓଏମ୍‌ସି ପୁରୀ କୋଷ୍ଟାଲ ମାରାଥନ୍ ୨୦୨୬’ ପୂର୍ବରୁ ଆଜି ଭୁବନେଶ୍ୱରରେ ଏକ ଉତ୍ସାହଜନକ ପ୍ରୋମୋ ରନ୍ ଆୟୋଜିତ ହୋଇଯାଇଛି।
ଏହି ପ୍ରୋମୋ ରନକୁ ଓଡ଼ିଶାର ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା, ଦିଗପହଣ୍ଡି ବିଧାୟକ ଶ୍ରୀ ସିଦ୍ଧାନ୍ତ ମହାପାତ୍ର, କମିଶନର-ତଥା-ସଚିବ ଶ୍ରୀ ବଳବନ୍ତ ସିଂ, କ୍ରୀଡ଼ା ଓ ଯୁବସେବା ବିଭାଗର କମିଶନର-ତଥା-ସଚିବ ଶ୍ରୀ ଭୂପେନ୍ଦ୍ର ସିଂ ପୁନିଆ ଏବଂ ପର୍ଯ୍ୟଟନ ବିଭାଗର ନିର୍ଦ୍ଦେଶକ ଶ୍ରୀ ଦୀପଙ୍କର ମହାପାତ୍ର ଶୁଭାରମ୍ଭ କରିଥିଲେ।

ଏହି କାର୍ଯ୍ୟକ୍ରମ ଦ୍ୱାରା ପୁରୀ କୋଷ୍ଟାଲ ମାରାଥନ୍ ପ୍ରତି ସଚେତନତା ସୃଷ୍ଟି କରିବା ଏବଂ ଲୋକଙ୍କ ମଧ୍ୟରେ ଉତ୍ସାହ ଭରିବା ପାଇଁ ଏଥିରେ ଅନେକ ଧାବକ, ଫିଟନେସ୍ ପ୍ରେମୀ ଓ ନାଗରିକମାନେ ଅଂଶଗ୍ରହଣ କରିଥିଲେ।

ଏହି ପ୍ରୋମୋ ରନ୍ ସମାଜର ବିଭିନ୍ନ ବର୍ଗର ଲୋକଙ୍କୁ ଦୌଡ଼ିବା ଏବଂ ଏକ ସକ୍ରିୟ ଜୀବନଶୈଳୀ ଆପଣାଇବା ପାଇଁ ଉତ୍ସାହିତ କରିଛି। ଏହାସହିତ ରାଜ୍ୟର କ୍ରୀଡ଼ାପ୍ରେମୀଙ୍କ ମଧ୍ୟରେ ଆଗାମୀ ମାରାଥନ୍ ପ୍ରତି ଅଧିକ ଆଗ୍ରହ ସୃଷ୍ଟି କରିବାରେ ଏହା ସହାୟକ ହୋଇଛି, ବୋଲି ମାନ୍ୟବର ଉପମୁଖ୍ୟମନ୍ତ୍ରୀ ମତ ରଖିଛନ୍ତି।

ଓଏମସି ପୁରୀ କୋଷ୍ଟାଲ ମାରାଥନ୍ ପ୍ରତିଯୋଗୀମାନଙ୍କୁ ପୁରୀର ଆକର୍ଷଣୀୟ ସମୁଦ୍ରକୂଳରେ ଦୌଡ଼ିବାର ଏକ ଅନନ୍ୟ ସୁଯୋଗ ପ୍ରଦାନ କରିବ। ଶାରୀରିକ ସୁସ୍ଥତା, ଜନସାଧାରଣଙ୍କ ଭାଗୀଦାରୀ ଏବଂ ପର୍ଯ୍ୟଟନର ବାର୍ତ୍ତାକୁ ଏକାଠି ଯୋଡ଼ି ପୁରୀକୁ ଏକ ସକ୍ରିୟ କ୍ରୀଡ଼ା ପର୍ଯ୍ୟଟନ ସ୍ଥଳୀ ଭାବେ ଗଢ଼ିତୋଳିବା ଏହି ମାରାଥନର ମୁଖ୍ୟ ଲକ୍ଷ୍ୟ।

ଓଡ଼ିଶାର କୋଣ-ଅନୁକୋଣରେ ଶାରୀରିକ ସୁସ୍ଥତାର ବାର୍ତ୍ତା ପହଞ୍ଚାଇବା ଏବଂ ସାରା ଦେଶରୁ ଧାବକମାନଙ୍କୁ ଆକୃଷ୍ଟ କରିବା ପାଇଁ ଚାଲିଥିବା ବ୍ୟାପକ ପ୍ରଚାର ଅଭିଯାନର ଏହା ଏକ ପ୍ରମୁଖ ଅଂଶ।

କ୍ରୀଡ଼ା ଏବଂ ଫିଟନେସ୍ ପ୍ରେମୀଙ୍କ ମଧ୍ୟରେ ବଢ଼ୁଥିବା ଉତ୍ସାହକୁ ଦୃଷ୍ଟିରେ ରଖି ଏହି ମାରାଥନ୍ ସ୍ୱାସ୍ଥ୍ୟ, ସମୁଦାୟ ଏବଂ ପୁରୀର ସମୁଦ୍ରକୂଳିଆ ପରିବେଶର ଏକ ଭବ୍ୟ ଉତ୍ସବ ପାଲଟିବାକୁ ଯାଉଛି।
ଓଏମସି ପୁରୀ କୋଷ୍ଟାଲ ମାରାଥନ୍ ପାଇଁ ପଞ୍ଜୀକରଣ ବର୍ତ୍ତମାନ ଆରମ୍ଭ ହୋଇସାରିଛି।
ଅଧିକ ସୂଚନା ଓ ପଞ୍ଜୀକରଣ ପାଇଁ ଭିଜିଟ୍ କରନ୍ତୁ: https://www.puricoastalmarathon.in/