“ଓଡ଼ିଶା ପ୍ରାଥମିକ ଶିକ୍ଷା (ନିଯୁକ୍ତି ପଦ୍ଧତି ଏବଂ ଶିକ୍ଷକ ଓ ଅଧିକାରୀମାନଙ୍କ ସେବା ସର୍ତ୍ତାବଳୀ) ନିୟମାବଳୀ, ୧୯୯୭”ର ନିୟମ-୧୫(୬) ଅନୁଯାୟୀ, ଲେଭଲ-II (ସହକାରୀ ଗୋଷ୍ଠୀ ଶିକ୍ଷା ଅଧିକାରୀ / ABEO) କ୍ୟାଡରରେ ବରିଷ୍ଠତା ଲେଭଲ-III ର ସେବା ଅବଧି ଆଧାରରେ ସ୍ଥିର କରାଯିବାର ବ୍ୟବସ୍ଥା ରହିଛି। ଏହାଫଳରେ ଏପରି ଏକ ପରିସ୍ଥିତି ସୃଷ୍ଟି ହୋଇଛି, ଯେଉଁଠାରେ ଜଣେ କନିଷ୍ଠ କର୍ମଚାରୀ ଲେଭଲ-III ରେ ଅଧିକ ସମୟର ସେବା ଅବଧି ଥିବା କାରଣରୁ ବରିଷ୍ଠଙ୍କଠାରୁ ଉପର ସ୍ଥାନରେ ରହିଛନ୍ତି। ବରିଷ୍ଠତା ନିର୍ଦ୍ଧାରଣର ଆଧାର କୌଣସି ନିର୍ଦ୍ଦିଷ୍ଟ ସ୍ତରର ସେବା ଅବଧି ହେବା ଅନୁଚିତ, ବରଂ ଏହା ମନୋନୀତ ତାଲିକା (ସିଲେକ୍ଟ ଲିଷ୍ଟ)ର ସ୍ଥାନ ଆଧାରରେ ହେବା ଉଚିତ।
ଉପରୋକ୍ତ ବିଷୟଗୁଡ଼ିକୁ ବିଚାରକୁ ନେଇ, ସରକାର “ଓଡ଼ିଶା ପ୍ରାଥମିକ ଶିକ୍ଷା (ନିଯୁକ୍ତି ପଦ୍ଧତି ଏବଂ ଶିକ୍ଷକ ଓ ଅଧିକାରୀମାନଙ୍କ ସେବା ସର୍ତ୍ତାବଳୀ) ନିୟମାବଳୀ, ୧୯୯୭”ରେ ସଂଶୋଧନ କରିବା ପାଇଁ ନିଷ୍ପତ୍ତି ନେଇଛନ୍ତି।
SME-EL2-EL2-0036-2018/01/2026