ୱାଶିଂଟନ,୧୯/୦୫: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ସେ କାତାର, ସାଉଦି ଆରବ ଏବଂ ୟୁଏଇର ଅନୁରୋଧରେ ଇରାନ ଉପରେ ନୂତନ ଆକ୍ରମଣ ସ୍ଥଗିତ ରଖିଛନ୍ତି।
ଆମେରିକା-ଇରାନ ଯୁଦ୍ଧରେ ମଧ୍ୟସ୍ଥତା କରିଥିବା ପାକିସ୍ତାନର କୌଣସି ଉଲ୍ଲେଖ ନକରି ଟ୍ରମ୍ପ ସୋମବାର ବିଳମ୍ବିତ ଅପରାହ୍ନରେ ଟ୍ରୁଥ୍ ସୋସିଆଲରେ ଏହି ଘୋଷଣା କରିଛନ୍ତି।
“ମୋତେ କାତାରର ଆମୀର, ତାମିମ ବିନ୍ ହମାଦ ଅଲ୍ ଥାନି, ସାଉଦି ଆରବର ଯୁବରାଜ, ମହମ୍ମଦ ବିନ୍ ସଲମାନ ଅଲ୍ ସୌଦ ଏବଂ ସଂଯୁକ୍ତ ଆରବ ଏମିରେଟ୍ସର ରାଷ୍ଟ୍ରପତି, ମହମ୍ମଦ ବିନ୍ ଜାଏଦ ଅଲ୍ ନାହୟାନ, ଆସନ୍ତାକାଲି (ମଙ୍ଗଳବାର) ପାଇଁ ନିର୍ଦ୍ଧାରିତ ଇସଲାମିକ୍ ଗଣରାଜ୍ୟ ଇରାନ ଉପରେ ଆମର ଯୋଜନାବଦ୍ଧ ସାମରିକ ଆକ୍ରମଣକୁ ସ୍ଥଗିତ ରଖିବାକୁ କହିଛନ୍ତି,” ଟ୍ରମ୍ପ କହିଛନ୍ତି।