ନୁଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ଭିତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରମୁଖ ବୟାନ ଦେଇ କହିଛନ୍ତି ଏହି ଯୁଦ୍ଧ ଚାରି ସପ୍ତାହ ଯାଏଁ ଚାଲିପାରେ । ଆମେରିକାରେ ବୋମାମାଡ ସମ୍ପୁର୍ଣ୍ଣ ସପ୍ତାହ କିମ୍ବା ଆବଶ୍ୟକ ହେଲେ ଆହୁରି ଅଧିକ ଦିନ ଜାରି ରହିବ । ଡୋନାଲ୍ଡ ଟ୍ରମ୍ପ ତାଙ୍କ ମାର୍-ଏ-ଲାଗୋ ରିସର୍ଟରେ ଥିବା ସମୟରେ ବ୍ରିଟିଶ ଖବରକାଗଜ “ଦି ଡେଲି ମେଲ୍” ସହିତ ଏକ ଫୋନ୍ ସାକ୍ଷାତକାରରେ ଆକ୍ରମଣ ବିଷୟରେ କହିଥିଲେ।
ସେ କହିଥିଲେ, “ଏହା ସର୍ବଦା ଏକ ଚାରି ସପ୍ତାହର ଯୋଜନା ଥିଲା। ଆମେ ଭାବୁଥିଲୁ ଯେ ଏଥିରେ ଚାରି ସପ୍ତାହ କିମ୍ବା ଟିକିଏ କମ୍ ସମୟ ଲାଗିବ।” ସେ ଆହୁରି ମଧ୍ୟ କହିଛନ୍ତି ଯେ ଇରାନ ଏକ ବଡ଼ ଏବଂ ଶକ୍ତିଶାଳୀ ଦେଶ, ତେଣୁ ଏଥିପାଇଁ ସମୟ ଲାଗିବ। ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ମଧ୍ୟପ୍ରାଚ୍ୟରେ ଯୁଦ୍ଧ ଭଳି ଉତ୍ତେଜନା ଦେଖାଦେଇଛି। ଆମେରିକା ଏବଂ ଇସ୍ରାଏଲ ମିଳିତ ଭାବରେ ଇରାନର ଅନେକ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିଥିଲେ, ଯେଉଁଥିରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ମୃତ୍ୟୁ ଘଟିଥିଲା। ଇରାନ କ୍ଷେପଣାସ୍ତ୍ର ଏବଂ ଡ୍ରୋନ ସହିତ ପ୍ରତିଶୋଧ ନେଇଛି, ଯାହା ସମଗ୍ର ଅଞ୍ଚଳକୁ ପ୍ରଭାବିତ କରିଛି। ଟ୍ରମ୍ପ କହିଛନ୍ତି ଯେ ସବୁକିଛି ଯୋଜନା ଅନୁଯାୟୀ ଚାଲିଛି। “ଆମେ ସେମାନଙ୍କର ସମ୍ପୂର୍ଣ୍ଣ ନେତୃତ୍ୱକୁ ସମାପ୍ତ କରିଦେଇଛୁ, ଇରାକରେ ପ୍ରାୟ ୪୮ ଜଣ ନେତାଙ୍କୁ ହତ୍ୟା କରାଯାଇଛି।