ମାଲକାନଗିରି: ସୀମାନ୍ତ ଛତିଶଗଡ଼ର ସୀମାରୁ ଗଡ଼ଚିରୋଲି ଅଂଚଳରେ ୫ ମାଓବାଦୀକୁ ଗିରଫ । ସେମାନଙ୍କ ନାଁରେ ସରକାର ୩୬ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ।
ଗିରଫମାନଙ୍କ ମଧ୍ୟରେ ଜଣେ ଡିଭିସିଏମ ସଦସ୍ୟ, ଜଣେ ଏସିଏମ ଏବଂ ଅନ୍ୟ ୩ ଜଣ ପ୍ଲାଟୁନ ସଦସ୍ୟ ରହିଛନ୍ତି। ଗିରଫ ମାଓବାଦୀଙ୍କଠାରୁ ପୋଲିସ ସାତଟି ବନ୍ଧୁକ ମଧ୍ୟ ଜବତ କରିଛି।
ଗୋଟିଏ ସ୍ୱୟଂଚାଳିତ ସେଲ୍ଫ-ଲୋଡିଂ ରାଇଫଲ୍, ଗୋଟିଏ 303 ରାଇଫଲ୍, ତିନୋଟି ସିଙ୍ଗଲ୍-ସଟ୍ ରାଇଫଲ୍, ଦୁଇଟି ମଜଲ୍ଲୋଡର ଏବଂ ତିନୋଟି ୱାକି-ଟକି ଜବତ କରାଯାଇଥିଲା।ଗଡ଼ଚିରୋଲି ପୋଲିସ ବାହିନୀର ପ୍ରଭାବଶାଳୀ ଅଭିଯାନ ଯୋଗୁଁ, ଜାନୁଆରୀ ୨୦୨୨ ପରଠାରୁ ଗଡ଼ଚିରୋଲି ପୋଲିସ ବାହିନୀ ମୋଟ ୧୦୩ ଜଣ ମାଓବାଦୀଙ୍କୁ ଗିରଫ କରିବାରେ ସଫଳ ହୋଇଛି।ଛତିଶଗଡ ଓ ମହାରାଷ୍ଟ୍ର ସୀମାରେ ଏମାନେ ଜଂଗଲରେ ପୋଲିସକୁ ଟାର୍ଗେଟ କରିବା ପାଇଁ ଯୋଜନା କରୁଥିବା ବେଳେ ଜଂଗଲରେ ଘେରି ସୁରକ୍ଷାକର୍ମୀ ଏମାନଙ୍କୁ ଗିରଫ କରିଥିଲେ।ଅଧିକାରୀଙ୍କ ଅନୁଯାୟୀ, ଭାମରାଗଡ଼ ଉପଖଣ୍ଡର ଲାହେରୀ ପୋଲିସ ପୋଷ୍ଟ ଅନ୍ତର୍ଗତ ମୌଜା ବିନାଗୁଣ୍ଡା ନିକଟରେ ପୋଲିସକୁ ଟାର୍ଗେଟ କରିବା ଉଦ୍ଦେଶ୍ୟରେ ୫୦-୬୦ ମାଓବାଦୀ ଏକତ୍ରିତ ହୋଇଥିବା ନିର୍ଦ୍ଦିଷ୍ଟ ଗୁପ୍ତ ସୂଚନା ଆଧାରରେ ଏହି ଅପରେସନ ଆରମ୍ଭ କରାଯାଇଥିଲା।