ନାଲ୍କୋର ୯ମ ଥଇଥାନ ଓ ପାରିପାର୍ଶୀକ ଉନ୍ନୟନ ପରାମର୍ଶଦାତା କମିଟି ( ଆର ପିଡି ଏସି ) ବୈଠକ ଅନୁଷ୍ଠିତ ।
(ଜେ ବି ଏନ /ସୁଶିଲ କୁମାର) ୧୨/୦୧ /୨୦୨୧ ଅନୁଗୋଳ : ନାଲ୍କୋ ଦ୍ବାରା ବିସ୍ଥାପିତ ହୋଇଥିବା ପରିବାର ଗୁଡିକର ପୁନର୍ବାସ ଓ ଥଇଥାନ ନିମନ୍ତେ ଆଜି ଅପରାହ୍ନରେ ଜିଲ୍ଲା କାର୍ଯ୍ୟାଳୟ ସମ୍ମିଳନୀ ଗୃହରେ ଉତ୍ତରାଞ୍ଚଳ ରାଜସ୍ବ କମିଶନର ତଥା ଆରପିଡିଏସି ର ଅଧ୍ୟକ୍ଷ ଶ୍ରୀ ନିରଞ୍ଜନ ସାହୁଙ୍କ ଅଧ୍ୟକ୍ଷତାରେ ଆରପିଡିଏସି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଢେଙ୍କାନାଳ ସାସଂଦ ଶ୍ରୀ ମହେଶ ସାହୁ , ତାଳଚେର ବିଧାୟକ ଶ୍ରୀ ବ୍ରଜ କିଶୋର ପ୍ରଧାନ , ଛେଣ୍ଡିପଦା ବିଧାୟକ ଶ୍ରୀ ସୁଶାନ୍ତ କୁମାର ବେହେରା , ସମ୍ବଲପୁର ସଂସାଦ ପ୍ରତିନିଧି ଶ୍ରୀ ଅଗସ୍ତି ବେହେରା , ଅନୁଗୋଳ ବିଧାୟକ ତଥା ବିଧାନସଭା ଉପ – ବାଚସ୍ପତିଙ୍କ ପ୍ରତିନିଧି ଶ୍ରୀ ବାଉରୀବନ୍ଧୁ ସାହୁ , ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ବାସନ୍ତୀ କିଷାନ , ନାଲ୍କୋର ସିଏସଡି ଶ୍ରୀ ଶ୍ରୀଧର ପାତ୍ର , ଆରକ୍ଷୀ ଅଧ୍ୟକ୍ଷକ ଶ୍ରୀ ଜଗମୋହନ ମୀନା ପ୍ରମୁଖ ଯୋଗ ଦେଇଥିଲେ । ପ୍ରାରମ୍ଭରେ ଜିଲ୍ଲାପାଳ ଶ୍ରୀ ସିଦ୍ଧାର୍ଥ ଶଙ୍କର ସ୍ବାଇଁ ସମସ୍ତଙ୍କୁ ସ୍ବାଗତ ଜଣାଇବା ସହ ବୈଠକର ଉଦ୍ଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥଲେ ।
ନାଲ୍କୋ ଦ୍ବାରା ବିସ୍ଥାପିତ ହୋଇଥିବା ପରିବାରର ଏସଏପି ଓ ଏଲଏପି ମାନକ ନିମନ୍ତେ ଏକ ଆକର୍ଷଣୀୟ ପ୍ୟାକେଜ ପ୍ରସ୍ତୁତ କରି ସେମାନଙ୍କୁ ପୁନର୍ବାସ ଓ ଥଇଥାନ ଯୋଗାଇ ଦେବା ଉପରେ ରାଜସ୍ବ କମିଶନର ପରାମର୍ଶ ଦେଇଥିଲେ । ପୁର୍ବରୁ ନିଦ୍ଧାରଣ ହୋଇଥିବା କ୍ଷତିପୁରଣ ରାଶି ଅତି କମରେ ୫ ଲକ୍ଷକୁ ବୃଦ୍ଧି କରି ୨୫ ଲକ୍ଷ ଟଙ୍କା କରିବାକୁ ରାଜସ୍ବ କମିଶନର ପ୍ରସ୍ତାବ ରଖିଥିଲେ । ଜଣେ ଓଡିଆ ଭାବେ ନାଲ୍କୋର ବିସ୍ଥାପିତ ପରିବାର ମାନକର ଯେତେ ସମସ୍ୟା ରହିଛି ସେଗୁଡିକୁ ମୁଁ ମୋର ନିଜର ସାଧ୍ୟମରେ ସମାଧାନ କରିବାକୁ ଚେଷ୍ଟା କରିବି ବୋଲି ସିଏସଡି ପ୍ରକାଶ କରିଥିଲେ । ବୈଠକରେ ଊପସ୍ଥିତ ଲୋକପ୍ରତିନିଧି ମାନେ ନାଲକୋର ୯୧ଜଣ ଏସଏପି ଓ ୧୯୮ ଜଣ ଏଲଏପି ଙ୍କୁ ତୁରନ୍ତ ଥଇଥାନ କରିବାକୁ ପ୍ରସ୍ତାବ ଉପସ୍ଥାପନ କରିଥିଲେ । ବିସ୍ଥାପିତ ପରିବାରର ୩ ଜଣ ମୃତଙ୍କକ ନିକଟ ସମ୍ପର୍କୀୟଙ୍କୁ ତୁରନ୍ତ ଥଇଥାନ କରିବାକୁ ସଦସ୍ୟମାନେ ପରାମର୍ଶ ଦେଇଥଲେ ।
ନାଲ୍କୋର ରାଜ୍ୟ ପାଇଁ ଥିବା ସିଏସଆର ବଜେଟରୁ ଜିଲ୍ଲା ପାଇଁ ୪୦ ପ୍ରତିଶତ ଅର୍ଥ ଜିଲ୍ଲା ପ୍ରଶାସନକୁ ପ୍ରଦାନ କରାଯିବ ବୋଲି ସିଏସଡି ଘୋଷଣା କରିଥିଲେ । ଏହି ବୈଠକରେ ପାଉଁଶ ନ ଉଡିବାର ସଠିକ୍ ପରିଚାଳନା , ପାରିପାର୍ଶିକ ଉନ୍ନୟନରେ ସ୍ବାସ୍ଥ୍ୟ ସେବା ଯୋଗାଇଦେବା ଓ ପାନୀୟ ଜଳ ଯୋଗାଣ ସହ ଟ୍ରକ୍ ଯୋଗେ ମାଲ ପରିବହନରେ ଉପୁଜୁଥିବା ସମସ୍ୟା ସମ୍ପର୍କରେ ବିସ୍ତୃତ ଭାବେ ଆଲୋଚନା ହୋଇଥିଲା । ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ଶ୍ରୀ ତପନ କୁମାର ଶତପଥୀ , ଅତିରିକ୍ତ ଜିଲ୍ଲାପାଳ ( ରାଜସ୍ବ ) ଶ୍ରୀ ସନ୍ତୋଷ କୁମାର ପ୍ରଧାନ , ଅନୁଗୋଳ ଉପଜିଲ୍ଲାପାଳ ଶ୍ରୀ ବାସୁଦେବ ଶତପଥୀ , ତାଳଚେର ଉପଜିଲ୍ଲାପାଳ ଶ୍ରୀ ରଜନୀ କାନ୍ତ ସ୍ୱାଇଁ , ଭୁ – ଅର୍ଜନ ଅଧିକାରି ଶ୍ରୀ ସୁବ୍ରତ କୁମାର ବେହେରାଙ୍କ ସମେତ ବିଭିନ୍ନ ପଞ୍ଚାୟତ ସମିତିର ଅଧ୍ୟକ୍ଷ ଅଧ୍ୟକ୍ଷା , ସ୍ୱେଚ୍ଛାସେବୀ , ବିସ୍ଥାପିତ ପରିବାରର ପ୍ରତିନିଧି , ବିଭିନ୍ନ ବିଭାଗର ଅଧିକାରୀ ଓ ନାଲକୋର କର୍ମକର୍ତ୍ତାମାନେ ଯୋଗ ଦେଇଥିଲେ ।
