ଏଣିକି ସରକାରୀ ସ୍କୁଲରେ ହ୍ରାସ ହେବ ଅଭିଭାବକ ଓ ଶିକ୍ଷକଶିକ୍ଷୟିତ୍ରୀଙ୍କ ମଧ୍ୟରେ ଦୂରତା
ଜେ ବି ଏନ ୧୭/୦୨ /୨୦୨୧, (ରିପୋର୍ଟ, ପ୍ରଦୀପ କୁମାର କାଣ୍ଡି), ଭୁବନେଶ୍ବର : ଏଣିକି ଘରୋଇ ସ୍କୁଲ ଭଳି ସରକାରୀ ବିଦ୍ୟାଳୟରେ ଅଭିଭାବକ ଓ ଶିକ୍ଷକଶିକ୍ଷୟିତ୍ରୀଙ୍କ ମଧ୍ୟରେ ଦୂରତା ହ୍ରାସ ନିଷ୍ପତ୍ତି ନିଆଯାଇଛି । ସୂଚନା ମୁତାବକ ସବୁ ଶ୍ରେଣୀ ଖୋଲିବା ପରେ ଶିକ୍ଷକଶିକ୍ଷୟିତ୍ରୀ ନିୟମିତ ବ୍ୟବଧାନରେ ଅଭିଭାବକଙ୍କୁ ଫୋନ୍ କରିବେ । ପିଲାଙ୍କ ଭଲ ମନ୍ଦ ଜଣାଇବେ । ମୋ ସରକାର କାର୍ଯ୍ୟକ୍ରମ ଜରିଆରେ ଏହି କାର୍ଯ୍ୟକ୍ରମ ହାତକୁ ନେବାକୁ ନିଷ୍ପତ୍ତି ନିଆଯାଇଛି । ଅଭିଭାବକଙ୍କ ତାଲିକା ଓ ଯୋଗାଯୋଗ ନମ୍ବର ସମ୍ବନ୍ଧୀୟ ଡାଟାବେସ୍ ବିଦ୍ୟାଳୟସ୍ତରରେ ପ୍ରସ୍ତୁତ କରାଯିବ ।
