ମାର୍ଚ୍ଚରୁ ଅନ୍ଲାଇନ୍ରେ ଟିସି ଓ କଣ୍ଡକ୍ଟ ସାଟିଫିକେଟ୍
ଜେ ବି ଏନ, ୧୭/୦୨ /୨୦୨୧, (ରିପୋର୍ଟ, ପ୍ରଦୀପ କୁମାର କାଣ୍ଡି), ଭୁବନେଶ୍ବର : ଭୁବନେଶ୍ବର : ରାଜ୍ୟରେ ଥିବା ସରକାରୀ ସ୍କୁଲରେ ଶିକ୍ଷା ବ୍ୟବସ୍ଥାରେ ସୁଧାର ଆଣିବା ସହ ଗୁଣାତ୍ମକ ଶିକ୍ଷା ଦେବାକୁ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ସଂସ୍କାର ଓ ନୂଆ ଯୋଜନା କରାଯାଇଛି । ଏଣିକି ଛାତ୍ରଛାତ୍ରୀଙ୍କୁ ଅନ୍ଲାଇନ୍ରେ ମିଳିବ ଟ୍ରାନ୍ସଫର ସାର୍ଟିଫିକେଟ ( ଟିସି ) ଓ କଣ୍ଡକୁ ସାର୍ଟିଫିକେଟ ( ସିସି ) । ମାର୍ଚ୍ଚରୁ ୨୦ଟି କ୍ଷେତ୍ରରେ ଅନ୍ଲାଇନ୍ ସୁବିଧା ପ୍ରଦାନ କରାଯିବ । ଏଣିକି ପଞ୍ଚାୟତରରେ ଥିବା ଜନସେବା କେନ୍ଦ୍ରରେ ମିଳିବ ଟିସି ଓ କଣ୍ଡକ୍ଟ ସାର୍ଟିଫିକେଟ୍ । ଛାତ୍ରଛାତ୍ରୀ ସହଜରେ ଜନସେବା କେନ୍ଦ୍ରରେ ଆବେଦନ କରିବା ସହ ଏହାର ସୁଫଳ ପାଇପାରିବେ । ସେହିପରି ବିଦ୍ୟାଳୟ ଭିତ୍ତିଭୂମିର ବିକାଶ , ଶିକ୍ଷକ ଓ ଅଭିଭାବକଙ୍କ ମଧ୍ୟରେ ସମ୍ପର୍କ ସ୍ଥାପନା ଭଳି ବିବିଧ ପଦକ୍ଷେପ ନିଆଯାଇଛି ।
ସୂଚନା ଅନୁଯାୟୀ ଓକାକ୍ ଓ ଏଆଇସି ସହ ବିଦ୍ୟାଳୟ ଓ ଗଣଶିକ୍ଷା ବିଭାଗ ମିଳିତ ସହଭାଗିତାରେ ବିଭିନ୍ନ ସେବାକୁ ଅନ୍ଲାଇନ୍ରେ ପ୍ରଦାନ କରିବାକୁ ଗୁରୁତ୍ବ ଦିଆଯାଇଛି । ମୁଖ୍ୟତଃ ପ୍ରଥମ ପର୍ଯ୍ୟାୟରେ ନବମ , ଦଶମି , ଏକାଦଶ ( + ୨ ପ୍ରଥମ ବର୍ଷ ) ଏବଂ ଦ୍ବାଦଶ ( ଯୁକ୍ତ ଦୁଇ ଦ୍ବିତୀୟ ବର୍ଷ ) ଛାତ୍ରଛାତ୍ରୀ ସେମାନଙ୍କ ଟିସି ଓ ସିସି ଅନ୍ଲାଇନ୍ରେ ପାଇବେ । ଏହି ସେବା ପାଇଁ ସମସ୍ତ ପ୍ରସ୍ତୁତି ସରିଛି । ଆସନ୍ତା ମାର୍ଚ୍ଚରୁ ଏହାକୁ କାର୍ଯ୍ୟକ୍ଷମ କରିବା ପାଇଁ ଲକ୍ଷ୍ୟଧାର୍ଯ୍ୟ ହୋଇଛି । ପରବର୍ତ୍ତୀ ପର୍ଯ୍ୟାୟରେ ଅନ୍ୟ ଶ୍ରେଣୀଗୁଡ଼ିକର ସାର୍ଟିଫିକେଟ୍ ପ୍ରଦାନ ନେଇ ଯୋଜନା କରାଯିବ । ଟିସି ଓ ସିସି ସମେତ ମୋଟ ବିଭାଗର ୨୦ ସେବା ଅନ୍ଲାଇନ୍ରେ ମିଳିବ । ପଞ୍ଚାୟତସ୍ତରରେ ଥିବା ଜନସେବା କେନ୍ଦ୍ରରେ ଛାତ୍ରଛାତ୍ରୀ ଏହି ସେବା ପାଇପାରିବେ । ଦୂରରେ ଥିବା ବିଦ୍ୟାଳୟ ଓ କନିଷ୍ଠ ମହାବିଦ୍ୟାଳୟ ନଯାଇ ଘର ପାଖରେ ଥିବା ଜନସେବା କେନ୍ଦ୍ରରେ ଏହି ସେବା ପାଇପାରିବେ ।
ସେହିପରି ଛାତ୍ରଛାତ୍ରୀଙ୍କୁ ସ୍ପୋକନ୍ ଇଂଲିଶ ବିଭାଗ ଗୁରୁତ୍ବ ଦେଇଛି । ରାଜ୍ୟର ସମସ୍ତ ଉଚ୍ଚ ବିଦ୍ୟାଳୟରେ କାର୍ଯ୍ୟରତ ଇଂରାଜୀ ବିଷୟର ଶିକ୍ଷକଶିକ୍ଷୟିତ୍ରୀଙ୍କୁ ଏଣିକି ଗ୍ରୀଷ୍ମ ଅବକାଶରେ ସ୍ଵତନ୍ତ୍ର ପ୍ରଶିକ୍ଷଣ ଦିଆଯିବ । ମେ ୧୫ରୁ ଜୁନ୍ ୧୫ ପର୍ଯ୍ୟନ୍ତ ମାସକ ପାଇଁ ଏହି ପ୍ରଶିକ୍ଷଣ ଦିଆଯିବ । ଜିଲା ମୁଖ୍ୟାଳୟରେ ଅଭିଜ୍ଞ ପ୍ରଶିକ୍ଷକ ଶିକ୍ଷକଶିକ୍ଷୟିତ୍ରୀଙ୍କ ଦକ୍ଷତା ବୃଦ୍ଧି ପାଇଁ ପ୍ରଶିକ୍ଷଣ ଦେବେ । ଏହାଦ୍ଵାରା ଶିକ୍ଷକମାନେ ବିଦ୍ୟାଳୟ ସ୍ତରରେ ବିଦ୍ୟାର୍ଥୀଙ୍କୁ ଝୋକନ୍ ଇଂଲିଶ ପାଇଁ ପ୍ରଶିକ୍ଷଣ ଦେବେ । ଅନ୍ୟପକ୍ଷରେ ସ୍କୁଲ ଭିତ୍ତିଭୂମି ବିକାଶରେ ଯେଭଳି ଅର୍ଥ ବାଧକ ନସାଜିବ ତାକୁ ରାଜ୍ୟ ସରକାର ପ୍ରାଧାନ୍ୟ ଦେଇଛନ୍ତି । ଏହାକୁ ଦୃଷ୍ଟିରେ ରଖୁ ବିଦ୍ୟାଳୟର ସାମଗ୍ରିକ ବିକାଶ କ୍ଷେତ୍ରରେ ଏଣିକି ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ( ମନରେଗା ) ପାଣ୍ଠିକୁ ବିନିଯୋଗ କରାଯାଇପାରିବ । ସୋନପୁର ଜିଲାର ସମଲେଇ ଚୁଆ ସ୍କୁଲର ଭିତ୍ତିଭୂମି ବିକାଶ ସହ ବଗିଚା ଏହି ପାଣ୍ଠି ବ୍ୟବହାର କରି ସଫଳତା ପାଇବା ପରେ ରାଜ୍ୟ ସରକାର ଏଭଳି ଯୋଜନା କରିଛନ୍ତି । ଏଣିକି ମୋ ’ ସ୍କୁଲ ପାଣ୍ଡି ସହ ଅର୍ଥ କମିସନ୍ ଓ ମନରେଗା ପାଣ୍ଠି ବିନିଯୋଗ କରି ଚାରାରୋପଣ , ବଗିଚା ସୃଷ୍ଟି ପାଚେରି ନିର୍ମାଣ ଭଳି ଭିତ୍ତିଭୂମି ବିକାଶ କାର୍ଯ୍ୟ କରିପାରିବେ । ତେବେ ଏନେଇ ସ୍ଥାନୀୟ ବ୍ଳକ୍ ଉନ୍ନୟନ ଅଧୁକାରୀ ( ବିଡିଓ ) ପ୍ରକଳ୍ପ ପାଇଁ ଅନୁମତି ଦେବେ ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/06/Picsart_26-05-14_06-19-38-643-19-scaled.jpg)
