ଅନୁଗୋଳରେ ଆନ୍ତର୍ଜାତୀୟ ମହିଳା ଦିବସ ପାଳିତ ଓ ସମ୍ବର୍ଦ୍ଧିତ :
ଜେ ବି ଏନ, ୦୯/୦୩/୨୦୨୧, (ରିପୋର୍ଟ, ସୁଶୀଲ କୁମାର ଆଇଚ), ଅନୁଗୁଳ :ଅନୁଗୁଳ ଜିଲ୍ଲା ଆନ୍ତର୍ଜାତୀୟ ମହିଳା ଦିବସ ୨୦୨୧ ଜିଲ୍ଲା ପରିଷଦ ସଞ୍ଜିଳନୀ କକ୍ଷ ଠାରେ ଆଜି ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ଶ୍ରୀ ସିଦ୍ଧାର୍ଥ ଶଙ୍କର ସ୍ବାଇଁ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହିତ ମହିଳା ସଶକ୍ତିକରଣ ଦିଗରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିବା ମହିଳା ସ୍ଵୟଂ ସହାୟକ ଗୋଷ୍ଠୀ , ମହିଳା ଓ କନ୍ୟାରତ୍ନ ମାନଂକୁ ସ କରିଥିଲେ । ମହିଳା ମାନଙ୍କୁ ଅଧିକ ସଶକ୍ତ କରିବା ଉଦ୍ଦେଶ୍ୟରେ ରାଜ୍ୟ ସରକାର ମିଶନ ଶକ୍ତିକୁ ଏକ ସ୍ଵତନ୍ତ୍ର ବିଭାଗରେ ପରିଣତ କରିଛନ୍ତି । ପ୍ରକାଶଥାଉକି ମିଶନ ଶକ୍ତି ଏହା ପୂର୍ବରୁ ମହିଳା ଓ ଶିଶୁ ବିକାଶ ବିଭାଗରେ ଅଧୀନରେ ଥିଲା । ଏହା ମହିଳା ମାନଂକ ପାଇଁ ଏକ ବଡ ସମ୍ମାନ ବୋଲି ଜିଲ୍ଲାପାଳ ପ୍ରକାଶ କରିଥଲେ । ସମ୍ମାନୀତ ଅତିଥିଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ତପନ କୁମାର ଶତପଥୀ ଯୋଗ ଦେଇ ସାମାଜିକ , ଅର୍ଥନୈତିକ , ରାଜନୈତିକ ଓ ଅନ୍ୟାନ୍ୟ କ୍ଷେତ୍ରରେ ଆଜି ମହିଳାମାନେ ତୀକର ପାରଦର୍ଶିତା ଦେଖାଇପାରିଛନ୍ତି । ମହିଳା ସ୍ଵୟଂ ସହାୟକ ଗୋଷ୍ଠୀମାନେ ଆଜି ନିଜେ ସ୍ବାବଲମ୍ବୀ ହୋଇ ଦେଶ ତଥା ରାଜ୍ୟର ଅର୍ଥନୈତିକ ବିକାଶର କର୍ଣ୍ଣଧାର ସାଜିଛନ୍ତି ବୋଲି ସେ ପ୍ରକାଶ କରିଥିଲେ । ସ୍ଥାନୀୟ ଅଭିଯୋଗ କମିଟିର ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ପଟ୍ଟନାୟକ ସମ୍ମାନୀତ ଅତିଥୁ ଭାବେ ଯୋଗ ଦେଇ ମନୁ ସଂହିତାରେ ମହିଳାମାନଙ୍କୁ ଅମୂଲ୍ୟ ରତ୍ନଭାବେ ପ୍ରତିହିତ କରାଯାଇଛି ବୋଲି ପ୍ରକାଶ କରିଥିଲେ । ମହିଳାମାନେ ଶିକ୍ଷିତ ହେଲେ ତାଂକ ପାଇଁ ଉଦ୍ଧିଷ୍ଟ ଅଧୁକାର ସମ୍ପର୍କରେ ଅବଗତ ହୋଇପାରିବେ ବୋଲି ସେ ପ୍ରକାଶ କରିଥଲେ । ଆଜିର ଦିନରେ ମହିଳାମାନେ ଅନ୍ୟମାନଙ୍କ ଉପରେ ବୋଝ ହେବାକୁ ଚାହାନ୍ତ୍ରିନାହିଁ ଓ ନିଜେ ଆର୍ଥିକ ଦୃଷ୍ଟିକୋଣରୁ ସମୃଦ୍ଧ ହୋଇ ପରିବାରକୁ ପ୍ରଗତିଶୀଳ କରୁଛନ୍ତି ବୋଲି ଅନ୍ୟତମ ସମ୍ମାନୀତ ଅତି ଜେଏସପି ଏଲ ( ସି ଏସ ଆର ) ଜି ଏମ୍ ପୁଷ୍ପଲତା ଶତପଥୀ ପ୍ରକାଶ କରିଛନ୍ତି । ଜିଲ୍ଲାର ମହିଳା ସଶକ୍ତିକରଣ ପାଇଁ କିଶୋରନଗର ଅଞ୍ଚଳର ବିଶ୍ବ ମା ତାରିଣୀ ମହିଳା ସ୍ଵୟଂ ସହାୟକ ଗୋଷ୍ଠୀ , କଣିହାଁ ଅଞ୍ଚଳର ମା ତାରିଣୀ ମହିଳା ସ୍ଵୟଂ ସହାୟକ ଗୋଷ୍ଠୀ , ତାଳଚେର ଅଞ୍ଚଳର ମହିମା ମହିଳା ସ୍ଵୟଂ ସହାୟକ ଗୋଷ୍ଠୀ , କଣିହାଁ ଅଞ୍ଚଳର ଅଂଗନୱାଡି କର୍ମୀ ସାଗରିକା ଭୋଇ , ପାଳଲହଡା ଅଂଚଳର ସୁପରଭାଇଜର ଲିଲି ଗାଗରାଇ , ଛେଣ୍ଡିପଦାର ସି ଡି ପି ଓ ସେବାଷ୍ଟିନା କୁଜୁର ,ସମ୍ବର୍ଦ୍ଧିତ ଶଂକର ବେହେରା , ଆଠମଲ୍ଲିକ ଅଂଚଳର କୈଶୋରୀ ବର୍ଷାରାଣୀ ସାହୁ , ଅନୁଗୋଳ ଅଂଚଳର କୈଶୋରୀ ଆଦ୍ୟାଶା ମହାପାତ୍ର , ବଅଁରପାଳ ଅଞ୍ଚଳର ପ୍ରିୟଦର୍ଶିନୀ ପରିଡା ପ୍ରମୁଖଙ୍କୁ ଏହି ଅବସରରେ କରାଯାଇଥିଲା । ଜିଲ୍ଲା ସମାଜ ମଙ୍ଗଳ ଅଧିକାରିଣୀ ଆଲମା ବରୁଆ ସ୍ବାଗତ ଭାଷଣ ଦେବା ସହିତ ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ । ମିଶନ ଶକ୍ତିର ଜିଲ୍ଲା ପ୍ରକଳ୍ପ ସଂଯୋଜକ ଶ୍ରୀ ବସନ୍ତ କୁମାର ମଲ୍ଲିକ କାର୍ଯ୍ୟକ୍ରମ ପରିଚାଳନା କରି ଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀ ଗୌରୀ ମହିଳା ସୁରକ୍ଷା ଅଧିକାରିଣୀ ପୌର୍ଣମାସୀ ରଥ , ଅଂଗନୱାଡି କର୍ମୀ , ଆଶାକର୍ମୀ , ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟା ଓ ଜିଲ୍ଲା ସ୍ତରୀୟ ଅଧିକାରୀମାନେ ଯୋଗ ଦେଇଥିଲେ । ମହିଳାମାନଙ୍କୁ ସ୍ଵାବଲମ୍ବୀ କରିବା ଉଦ୍ଦେଶ୍ୟରେ ଆନ୍ତର୍ଜାତୀୟ ମହିଳା ଦିବସ ଅବସରରେ ଅନ୍ତୁଳିଆ ଗ୍ରାମ ପଞ୍ଚାୟତ ଅନ୍ତର୍ଗତ ମା ବାଟବାୟାଣୀ ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟ ପ୍ରଭାତୀ ପ୍ରଧାନ , ପୁରୁଣାକୋଟ ଗ୍ରାମ ପଞ୍ଚାୟତ ଅନ୍ତର୍ଗତ ଅନ୍ନପୂର୍ଣ୍ଣା ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ୟ ଅନୁପମା ଦାସ ଓ କୁମୁରୁକିଂଗା ଗ୍ରାମ ପଞ୍ଚାୟତ ଅନ୍ତର୍ଗତ ମା ସନ୍ତୋଷୀ ମହିଳା ସ୍ଵୟଂ ସହାୟକ ଗୋଷ୍ଠୀର ସଦସ୍ୟା କବିତା ବିଶ୍ବାଳଙ୍କୁ ଜିଲ୍ଲା ପ୍ରଶାସନ ତରଫରୁ ଆଜିବିକା ଗ୍ରାମୀଣ ଏକ୍ସପ୍ରେସ ଯୋଜନାରେ ଗୋଟିଏ ଲେଖାଏଁ ଅଟୋ ରିକ୍ସା ପ୍ରଦାନ କରାଯାଇଥିଲା । ନିଜେ ଆର୍ଥିକ ସ୍ୱଚ୍ଛଳ ହେବା ସହ ଗାଁର ବିକାଶରେ ନିଜକୁ ସାମିଲ କରିବାକୁ ପରାମର୍ଶ ଦେବା ସହ ଅଟୋ ରିକ୍ସା ଗୁଡିକର ଚାବିକାଠିକୁ ଜିଲ୍ଲାପାଳ ଏବଂ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଶ୍ରୀ ଦିଲ୍ଲିପ କୁମାର ସାହୁ ମହିଳା ମାନଙ୍କୁ ପ୍ରଦାନ କରିଥିଲେ । ଆଠମଲ୍ଲିକ ନର୍ଗିଆ ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଏକ ସିଲେଇ ତାଲିମ କେନ୍ଦ୍ରର ଶୁଭାରମ୍ଭ ଆଠମଲ୍ଲିକ ପଞ୍ଚାୟତସମିତି ପକ୍ଷରୁ କରାଯାଇଛି । ଏହି କେନ୍ଦ୍ରର ନାମ ସ୍ଵଧାର ରଖାଯାଇଛି । ପ୍ରଥମ ପର୍ଯ୍ୟାୟରେ ଏହି କେନ୍ଦ୍ରରେ ୧୯ଜଣ ମହିଳା ତାଲିମ ନେବେ ବୋଲି ଆଠମଲ୍ଲିକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସଂଜୟ କୁମାର ଆଚାର୍ଯ୍ୟ ପ୍ରକାଶ କରିଛନ୍ତି ।
