ଟ୍ରକ ଧକ୍କାରେ ଶ୍ରମିକ ମୃତ୍ୟୁ
ଜେ ବି ଏନ, ୧୦/୧୨/୨୦୨୦, (ରିପୋର୍ଟ, ମଦନ ସାହୁ), ନାଲକୋ/ଅନୁଗୋଳ : ନାଲକୋ ଥାନା ଅନ୍ତର୍ଗତ ୫୫ ନମ୍ବର ଜାତୀୟ ରାଜପଥ ଉପରେ ଇଣ୍ଡିଆନ ପେଟ୍ରୋଲ ପମ୍ପ କୁଲାଡ଼ ନିକଟରେ ଟ୍ରକ ଧକ୍କାରେ ଶ୍ରମିକ ମୃତ । ସୂଚନା ଅନୁଯାୟୀ ମୃତକ ଜଣଙ୍କ ଏକ ଇଟା ବୋଝେଇ ଗାଡ଼ିରେ ଶ୍ରମିକ ରୂପେ କାର୍ଯ୍ୟ କରନ୍ତି । ଅପରାହ୍ନ ପ୍ରାୟ ୫.୨୦ ମିନିଟ ସମୟରେ ଏକ ଟ୍ରକ ( ଓଡ଼ି ୦୫ ଏଏମ ୯୪୦୯ ) ବଅଁରପାଳ ଆଡୁ ନାଲକୋ ଅଭିମୁଖେ ଆସୁଥିବା ସମୟରେ ସିପିପି ଛକ ନିକଟସ୍ଥ ପେଟ୍ରୋଲ ପମ୍ପ ପାଖରେ ଶ୍ରମିକକୁ ଧକ୍କା ଦେଇଥିଲା । ଘଟଣା ସ୍ଥଳରେ ଶ୍ରମିକ ଜଣଙ୍କ ମୃତ୍ୟୁ ବରଣ କରିଛନ୍ତି । ସୂଚନା ଅନୁଯାୟୀ ମୃତ ଶ୍ରମିକ ଜଣଙ୍କ ନାଲକୋ ଥାନା ବଳରାମ ପ୍ରସାଦ ଗ୍ରାମ ପଞ୍ଚାୟତ କେନ୍ଦୁ ପାଟଣା ସାହିର ସୁର ନାହାକଙ୍କ ପୁଅ ନବ ନାହାକ ( ୩୬ ) ମୃତ୍ୟୁ ବରଣ କରିଛନ୍ତି । ପରେ ନାଲକୋ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିବା ସହ ଏକ ଘରୋଇ ଆମ୍ବୁଲାନ୍ସ ଜରିଆରେ ଜିଲ୍ଲା ମୁଖ୍ୟ ଚିକିତ୍ସାଳୟ ଅନୁଗୋଳକୁ ପଠାଯାଇଅଛି । ଉକ୍ତ ଶ୍ରମିକକୁ ଧକ୍କା ଦେଇଥିବା ଟ୍ରକଟି ଘଟଣା ସ୍ଥଳରୁ ଖସି ଯାଇ ନାଲକୋ ଥାନାରେ ଡ୍ରାଇଭର ଆତ୍ମସମର୍ପଣ କରିଥିବା ସୂଚନା ମିଳୁଅଛି ।
