ଭିଜିଲାନ୍ସ ମାଗୁଛି ଲାଞ୍ଚ , କ୍ଷେତ ଯଦି ବାଡ଼ ଖାଏ କହିବା କାହାକୁ
କେନ୍ଦୁଝର ସାରା ଜିଲାରେ ଏବେ ଜଣେ ଭିଜିଲାନ୍ସ ମହିଳା କର୍ମଚାରୀଙ୍କ audio viral ହେଉଛି । ମହିଳା ଜଣଙ୍କ କେନ୍ଦୁଝର ଭିଜିଲାନ୍ସ କୋର୍ଟରେ କର୍ତ୍ତବ୍ୟ ରତ ଜଣେ ମହିଳା ହୋମଗାର୍ଡ । ଅପରପାର୍ଶ୍ଵରୁ ଥିବା ପୁରୁଷ ଜଣଙ୍କ ଭିଜିଲାନ୍ସ ଜାଲରେ ପଡିଥିବା ଜଣେ ଅଭିଯୁକ୍ତ ବୋଲି ଜଣାପଡିଛି। ଯାହାଙ୍କର ମାମଲା ଏବେ କେନ୍ଦୁଝର ସ୍ୱତନ୍ତ୍ର ଭିଜିଲାନ୍ସ କୋର୍ଟରେ ବିଚାରଧୀନ ରହିଛି । audio ରେ ମାମଲାକୁ ରଫାଦଫା କରିବାକୁ ଏବଂ କେଶ କିପରି ଦୁର୍ବଳ ହେବ ସେଥିପାଇଁ ସାକ୍ଷୀ ମାନଙ୍କୁ ପ୍ରଭାବିତ କରିବାକୁ କିଛି ମାଲ ଖର୍ଚ୍ଚ କରିବାକୁ ପଡିବବୋଲି ମହିଳା କର୍ମଚାରୀ ଜଣଙ୍କ କହୁଥିବା ଶୁଣା ଯାଉଛି। ଉପରୁ ତଳ, ସରକାରୀ ଓକିଲ ସମସ୍ତେ ନେବେ, କେତେ ଖର୍ଚ୍ଚ କରିପାରିବ ବୋଲି ମହିଳା କର୍ମଚାରୀ ପଚାରୁଛନ୍ତି । ମୁଁ ସବୁ କରେଇ ପାରିବି ଆଗରୁ ଏମିତି ବହୁତ ଲୋକଙ୍କ କାମ କରାଯାଇଛି ବୋଲି କହୁଛନ୍ତି । ମହିଳା ଜଣଙ୍କ ଟଙ୍କା ପାଇଁ ଏତେ ତଳକୁ ଖସି ଯାଇଛନ୍ତି ଯେ ଦୁନିଆରେ କେହି ସୋଚଟନୁଁହଁ , ଏପରିକି ତାଙ୍କ ବାପା ମା ବି ମିଛୁଆ, ମିଛ କହି ତାଙ୍କୁ ଜନ୍ମ କରିଥିବା ବେଳେ ନରେନ୍ଦ୍ର ମୋଦି କି ଅମ୍ବାନୀ କେହି ସୋଚଟ ନୁଁହଁ ବୋଲି କହିବା ଚର୍ଚ୍ଚାର ବିଷୟ ହୋଇଛି । ଆଜି ଖର୍ଚ୍ଚ କଲେ ସବୁ ସମ୍ଭବ ବୋଲି କହୁଛନ୍ତି । ତେବେ ଦୁର୍ନୀତି ଖୋର ଲୋକଙ୍କୁ ଭିଜିଲାନ୍ସ ଧରୁଥିବା ବେଳେ ଭିଜିଲାନ୍ସର ଜଣେ ମହିଳା କର୍ମଚାରୀଙ୍କ ଏହି audio ଏବେ ଭିଜିଲାନ୍ସ ବିଭାଗକୁ ଅଡ଼ୁଆରେ ପକାଇଛି । ଆଜି ବାଲେଶ୍ଵର ଭିଜିଲାନ୍ସ ଏସପି କେନ୍ଦୁଝର ଏକ ବୈଠକ ପାଇଁ ଆସିଥିବା ବେଳେ ତାଙ୍କର ପ୍ରତିକ୍ରିୟା ନିଆଯାଇଥିଲା । ଏନେଇ କିଛି ଅଭିଯୋଗ ପାଇନାହାନ୍ତି ଅଭିଯୋଗ ପାଇବାପରେ ତଦନ୍ତ କରି କାର୍ଯ୍ୟନୁଷ୍ଠାନ ନିଆଯିବ ବୋଲି କହିଥିଲେ । ସେହିପରି ସରକାରୀ ଓକିଲ ଦେବଦତ ବିଶ୍ୱାଳ ମଧ୍ୟ ତାଙ୍କ ନାମରେ ଆସିଥିବା ଅଭିଯୋଗକୁ ଖଣ୍ଡନ କରିଥିବାବେଳେ ସମୃକ୍ତ ମହିଳା କର୍ମଚାରୀ କାହିଁକି ତାଙ୍କ ନାମ ନେଇଛନ୍ତି ସେ ନେଇ ତଦନ୍ତରେ ସବୁ ସତ ପଦାକୁ ଆସିବ କହିଛନ୍ତି । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥାହେଲା ସମ୍ପୃକ୍ତ ମହିଳା କର୍ମଚାରୀ କ୍ୟାମେରା ଦେଖି ହଡବଡେଇ ଯାଇ ସେ ଉକ୍ତ ମହିଳା କର୍ମଚାରୀ ନୁହଁନ୍ତି, ତାଙ୍କର ନାମ ଅଲଗା କହି ପଳାଇ ଥିଲେ । ତେବେ ଆଗକୁ ଏନେଇ ଭିଜିଲାନ୍ସ ବିଭାଗ କଣ ପଦକ୍ଷେପ ନେଉଛି ତାହା ଦେଖିବାକୁ ବାକି ରହିଲା ।
କେନ୍ଦୁଝର ଜିଲ୍ଲାରୁ ରଞ୍ଜନ ବେହେରାଙ୍କ ରିପୋର୍ଟ ଜାଗ୍ରତ ଭାରତ ନ୍ୟୁଜ୍