ମାରୁଆଡି ମହିଳା ସମିତି ଓ ମାରୁଆଡି ସମାଜ ପକ୍ଷରୁ ଭାଗବତ ସପ୍ତାହର ପୂର୍ଣ୍ଣାହୁତି
ଢେଙ୍କାନାଳ, ୬/୧୦ : ଢେଙ୍କାନାଳ କାରିଗର ସାହି ସ୍ଥିତ ଅଭିନନ୍ଦନ ଗାର୍ଡେନ୍ ଠାରେ ଢେଙ୍କାନାଳ ସହରର ମାରୁଆଡି ମହିଳା ସମିତି ଓ ମାରୁଆଡି ସମାଜ ପକ୍ଷରୁ ଭାଗବତ ପାରାୟଣ ସପ୍ତାହ ଗତ ୩୦ ତାରିଖ ବୁଧବାର ଠାରୁ ଆରମ୍ଭହୋଇ ଆଜି ତା’ର ପୂର୍ଣାହୁତି ହୋଇଯାଇଅଛି । ପିତୃପକ୍ଷରେ ଅନୁଷ୍ଠିତ ହୋଇଥିବା ଉକ୍ତ ଭାଗବତ ସପ୍ତାହରେ ବୃନ୍ଦାବନରୁ ଆସି ବକ୍ତା ସରସ ଦାସ ମହାରାଜ ବାଗବତ ବିଷୟରେ ପ୍ରବଚନ ଦେଉଥିଲେ । ଦୀର୍ଘ ୨୧ ବର୍ଷ ଧରି ଏହି ଭାଗବତ ପାରାୟଣ ଅନୁଷ୍ଠିତ ହୋଇଆସୁଅଛି । ସହରର ବହୁ ମହିଳା ଓ ପୁରୁଷମାନେ ପ୍ରବଚନ ଶୁଣିବା ପାଇଁ ବହୁ ସଂଖ୍ୟାରେ ଯୋଗଦେଇଥିଲେ । ସଭାନେତ୍ରୀ ମୋନିକା ଶର୍ମା, ସଂପାଦିକା ଶ୍ରଦ୍ଧା ଅଗ୍ରୱାଲା, କୋଷାଧ୍ଯକ୍ଷା ଆଶା ଅଗ୍ରୱାଲାଙ୍କ ସମେତ ମାରୁଆଡି ମହିଳା ସମିତିର ମୁଖ୍ୟ ସାଗର ଅଗ୍ରୱାଲା ଓ ସରିତା ଅଗ୍ରୱାଲା ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ। ମାରୁଆଡି ମହିଳା ମୋର୍ଚ୍ଚାର ସଦସ୍ୟାମାନେ ଏହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ସଂଧ୍ୟାରେ ଭକ୍ତମାନଙ୍କ ପାଇଁ ପ୍ରସାଦସେବନର ବ୍ୟବସ୍ଥା ହୋଇଥିଲା ।