ରାଣୀଗୋଡ଼ାରେ ପବିତ୍ର କୁମାର ପୂର୍ଣ୍ଣିମା ଓ ବାବା ବଗାଧରଙ୍କ ବାର୍ଷିକ ପୂଜା, ଯୋଗଦେଲେ ବିଧାୟକ ପ୍ରତାପ ଚନ୍ଦ୍ର ପ୍ରଧାନ
ଅନୁଗୋଳ/ଛେଣ୍ଡିପଦା: ଆଧ୍ୟାତ୍ମିକ ଭକ୍ତି ଓ ଉତ୍ସବମୁଖର ପରିବେଶ ମଧ୍ୟରେ ଛେଣ୍ଡିପଦା ନିର୍ବାଚନମଣ୍ଡଳୀର ରାଣୀଗୋଡ଼ାଠାରେ ପବିତ୍ର କୁମାର ପୂର୍ଣ୍ଣିମା ଉତ୍ସବ ସହ ବାବା ବଗାଧରଙ୍କ ବାର୍ଷିକ ପୂଜା ଉତ୍ସବ ପାଳିତ ହୋଇଛି। ଏହି ଅବସରରେ ଛେଣ୍ଡିପଦା ବିଧାୟକ ପ୍ରତାପ ଚନ୍ଦ୍ର ପ୍ରଧାନ ଯୋଗଦେଇ ବାବା ବଗାଧରଙ୍କ ଆଶୀର୍ବାଦ କାମନା କରିବା ସହ ସମସ୍ତଙ୍କ ସୁଖ, ସମୃଦ୍ଧି ଓ ମଙ୍ଗଳ ପାଇଁ ପ୍ରାର୍ଥନା କରିଥିଲେ।
ପୂଜା ଉତ୍ସବ ଅବସରରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ବିଧାୟକ ଶ୍ରୀ ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇଥିଲେ। ସେ ଆୟୋଜକ କମିଟିର ସଦସ୍ୟ ଓ ଉପସ୍ଥିତ ଦର୍ଶକମାନଙ୍କୁ ଉତ୍ସାହିତ କରିବା ସହ ଏଭଳି ଧାର୍ମିକ ଓ ସାଂସ୍କୃତିକ ଆୟୋଜନ ସମାଜରେ ଭାଇଚାରା, ସାମାଜିକ ଏକତା ଓ ପରମ୍ପରାର ସୁରକ୍ଷାକୁ ଆଗକୁ ବଢ଼ାଇବାରେ ସହାୟକ ହୋଇଥାଏ ବୋଲି ବାର୍ତ୍ତା ଦେଇଥିଲେ।
ଏହି କାର୍ଯ୍ୟକ୍ରମରେ ବିଜେପି ଯୁବମୋର୍ଚ୍ଚାର ରାଜ୍ୟ ସମ୍ପାଦକ ସରୋଜ ଦେବତା, ବାବା ବଗାଧର ପୂଜା କମିଟିର ସଭାପତି କମଳ ଲୋଚନ ଦାସ ଓ ନିଲୁ ସାହୁ ଉପସ୍ଥିତ ଥିଲେ। ସେମାନେ ମଧ୍ୟ ବାବା ବଗାଧରଙ୍କ ଆଶୀର୍ବାଦ କାମନା କରିବା ସହ ସାଂସ୍କୃତିକ କାର୍ଯ୍ୟକ୍ରମରେ ଆୟୋଜକ ଓ ଦର୍ଶକମାନଙ୍କୁ ଉତ୍ସାହିତ କରିଥିଲେ।
ଧାର୍ମିକ ଆସ୍ଥା, ପରମ୍ପରା ଓ ସାଂସ୍କୃତିକ ମହକରେ ରାଣୀଗୋଡ଼ାର ଏହି ଉତ୍ସବ ଅଞ୍ଚଳବାସୀଙ୍କ ମଧ୍ୟରେ ଉତ୍ସାହ ଓ ଆନନ୍ଦର ପରିବେଶ ସୃଷ୍ଟି କରିଥିଲା।