🇮🇳 ଘରେ ଘରେ ତ୍ରିରଙ୍ଗା: କଣଲୋଇରେ ଜମିଲା ‘ହର୍ ଘର୍ ତ୍ରିରଙ୍ଗା’ ଶୋଭାଯାତ୍ରା
ଛେଣ୍ଡିପଦା: ସ୍ୱାଧୀନତା ଦିବସ ପୂର୍ବରୁ ଦେଶପ୍ରେମର ଭାବନାରେ ଉତ୍ସବମୁଖର ହୋଇଛି ଛେଣ୍ଡିପଦା ନିର୍ବାଚନମଣ୍ଡଳୀ। ଅଗଷ୍ଟ ୧୩ ତାରିଖ ଅପରାହ୍ନ ୩ଟା ସମୟରେ ବାଗଡ଼ିଆ ମଣ୍ଡଳ ଅନ୍ତର୍ଗତ କଣଲୋଇ ଗ୍ରାମ ପଞ୍ଚାୟତରେ ‘ହର୍ ଘର୍ ତ୍ରିରଙ୍ଗା’ ଅଭିଯାନ ଅବସରରେ ଏକ ବିଶାଳ ଶୋଭାଯାତ୍ରା ଆୟୋଜିତ ହୋଇଥିଲା।
ଏହି ଦେଶପ୍ରେମମୟ କାର୍ଯ୍ୟକ୍ରମରେ ଛେଣ୍ଡିପଦା ବିଧାୟକ ଅଗସ୍ତି ବେହେରା ସାମିଲ ହୋଇ ଜନସାଧାରଣଙ୍କ ସହ ତ୍ରିରଙ୍ଗା ଧରି ଶୋଭାଯାତ୍ରାରେ ଯୋଗଦେଇଥିଲେ। ହାତରେ ଜାତୀୟ ପତାକା ଧରି ବହୁ ସଂଖ୍ୟକ ଲୋକଙ୍କ ଅଂଶଗ୍ରହଣରେ ଶୋଭାଯାତ୍ରାଟି ଗ୍ରାମ ପରିକ୍ରମା କରିଥିଲା।
ଜାତୀୟ ପତାକା ତ୍ରିରଙ୍ଗା ଦେଶର ଗୌରବ, ଏକତା ଓ ଅଖଣ୍ଡତାର ପ୍ରତୀକ। ଏହାକୁ ସମ୍ମାନ ଜଣାଇ ଘରେ ଘରେ ତ୍ରିରଙ୍ଗା ଉଡ଼ାଇବା ସହ ସ୍ୱାଧୀନତା ଦିବସକୁ ଦେଶପ୍ରେମ ଓ ଉତ୍ସାହର ସହ ପାଳନ କରିବାକୁ ଏହି ଅଭିଯାନ ମାଧ୍ୟମରେ ଆହ୍ୱାନ ଦିଆଯାଇଥିଲା।
‘ହର୍ ଘର୍ ତ୍ରିରଙ୍ଗା’ ଶୋଭାଯାତ୍ରାରେ ତ୍ରିରଙ୍ଗାମୟ ହେଲା କଣଲୋଇ ଅଞ୍ଚଳ। 🇮🇳