ଜଳାଭିଷେକ ରେ ପରିବେଶ ସଚେତନତା
କଟକ – ଆଜି ଥିଲା ଯୋଡ଼ା ଶ୍ରାବଣ ମାସ ର ଶେଷ ସୋମବାର । ପ୍ରାତଃ 6 ଘଟିକା ରେ ନିରାଡମ୍ୱର ପଦଯାତ୍ରା କରି ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭ୍ୟ ମାନେ ପହଞ୍ଚିଥିଲେ ଗୋପୀନାଥପୁର ଶାସନରେ ଅବସ୍ଥିତ ଗୋଷ୍ଠେଶ୍ୱର ମନ୍ଦିର ରେ ଜଳାଭିଷେକ କରିବା ପାଇଁ। ଆଜି ର ଯୁବଗୋଷ୍ଠୀ ବିଭିନ୍ନ ସ୍ଥାନ କୁ ପଦଯାତ୍ରା କରି ବିଭିନ୍ନ ଶୈବ ପୀଠ ମାନଙ୍କ ରେ ଜଳାଭିଷେକ କରିଥାନ୍ତି। ଏହି ଜଳାଭିଷେକ ରେ କିଛି ବ୍ୟତିକ୍ରମ ଥିଲା । ଆପଣ ମାନେ ବିଭିନ୍ନ ପ୍ରକାର ର ବିମା ଜୀବନ ରେ ଦେଖିଥିବେ କିନ୍ତୁ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ପକ୍ଷରୁ ଆରମ୍ଭ ହୋଇଥିବା “ପରିବେଶ ବୀମା” ପ୍ରାୟ ନୂଆ ଶୁଣିଥିବେ। ଜଳାଭିଷେକ ରେ ପରିବେଶ ବୀମା ଓ ପରିବେଶ ର ସଚେତନତା ବାର୍ତ୍ତା ନେଇ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଦସ୍ୟ ମାନେ ଗ୍ରାମ ପରିକ୍ରମା କରି ସମାଜ ପାଇଁ ନୂତନ ଉଦାହରଣ ସୃଷ୍ଟି କରିଛନ୍ତି ବୋଲି ଗୋଷ୍ଠେଶ୍ୱର ପୀଠ ର ପରିଚାଳକ ବିଷ୍ଣୁ ଚରଣ ମହାପାତ୍ର ମତ ଦିଅନ୍ତି। ଆମର ଲକ୍ଷ୍ୟ ପରିବେଶ, ଆମର ଲକ୍ଷ୍ୟ ବାବା ମହେଶ ଏହି ସ୍ଲୋଗାନ ଦେଇ ଜଳାଭିଷେକ ସଂପନ୍ନ ହୋଇଥିଲା ବୋଲି ଟ୍ରଷ୍ଟ ର ସଭାପତି ଶ୍ରୀଯୁକ୍ତ ଦମନ ମହାନ୍ତି ସୂଚନା ଦେଇଥିଲେ। ଏହି ନୂତନ ଚିନ୍ତାଧାରା ର କାର୍ଯ୍ୟକ୍ରମ ରେ ସାମିଲ ହୋଇଥିବା ବ୍ୟକ୍ତି ମାନେ ହେଲେ ରଶ୍ମି ରଞ୍ଜନ ବାରିକ, କେଦାର ସ୍ବାଇଁ, ସୁବାସିସ ସଢ଼ଙ୍ଗୀ, ଦିଲ୍ଲୀପ କୁମାର ନାଥ, ସୁନିଲ ଦାସ, ଭାବଗ୍ରାହୀ ସାହୁ, ଅଜୟ କୁମାର ସେଠୀ, ଜୟନ୍ତ କୁମାର ମଲ୍ଲିକ, କାଳନ୍ଦି ମଲ୍ଲିକ, ମାନସ ସ୍ବାଇଁ ଓ ବାଲୁକା ଶିଳ୍ପୀ ବଲ୍ଲଭ ମହାପାତ୍ର।