ତାଳଚେରରେ ରାଜନୀତି ଯୋର, କାମ ନାହିଁକାଦୁଅ ପଚ ପଚରେ ସରିବାକୁ ବସିଲା ବିଘ୍ନରାଜ୍‌ଙ୍କ ପୂଜାଶ୍ରଦ୍ଧାଳୁ ବାଇପାସ୍ ଛକ ଠାରୁ ୟୁ’ଟର୍ଣ୍ଣ ମାରୁଛନ୍ତି ହାଟତୋଟାକୁ!

ତାଳଚେରରେ ରାଜନୀତି ଯୋର, କାମ ନାହିଁ
କାଦୁଅ ପଚ ପଚରେ ସରିବାକୁ ବସିଲା ବିଘ୍ନରାଜ୍‌ଙ୍କ ପୂଜା
ଶ୍ରଦ୍ଧାଳୁ ବାଇପାସ୍ ଛକ ଠାରୁ ୟୁ’ଟର୍ଣ୍ଣ ମାରୁଛନ୍ତି ହାଟତୋଟାକୁ!
ତାଳଚେର, ୨୪/୦୯ ତାଳଚେର କଳାହୀରା ସହରରେ ଚାଲିଥିବା ବିଘ୍ନରାଜଙ୍କ ପୂଜା ଆଉ ମାତ୍ର ଦୁଇଦିନ ପରେ ଶେଷ ହୋଇଯିବ, ଅର୍ଥାତ୍ ୨୬ତାରିଖରେ ପ୍ରଭୂ ଗଜାନନଙ୍କୁ ଭସାଣୀ ଉତ୍ସବରେ ମେଲାଣୀ ଦିଆଯିବ । କିନ୍ତୁ ବଡ଼ଦୁଃଖର କଥା ପୂଜାରମ୍ଭ ଦିନ ଠାରୁ ଶେଷଦିନ ପର୍ଯ୍ୟନ୍ତ ରାସ୍ତାର କୌଣସି ପ୍ରକାର ସୁଧାର ଆସିଲାନି । ଶ୍ରଦ୍ଧାଳୁ ଓ ଭକ୍ତ ପୂଜା ମାହୋଲକୁ ଉପଭୋଗ କରିବାକୁ କଷ୍ଟ ଓ ଯନ୍ତ୍ରଣା ପରିଦ୍ଧି ଭିତରେ ବୁଲାବୁଲି କରି ଦେଖୁଛନ୍ତି । କାହାର ଶାଢ଼ୀ କାଦୁଅ ହୋଇ ଯାଉଛି ତ କାହାର ଗାଡ଼ି ସ୍ଲିପ୍ ହୋଇ ଖସିପଡ଼ୁଛି, ଏପରି ଦୁର୍ଦ୍ଦଶାରେ ମଧ୍ୟ ଶ୍ରଦ୍ଧାଳୁ ହାର୍‌ନମାନି ଘୂରୀବୁଲି ପୂଜାକୁ ଉପଭୋଗ କରୁଛନ୍ତି । କିଛି କିଛି ଲୋକ ଦୟନିୟ ରାସ୍ତାର ଅବସ୍ଥା ଦେଖି ବାଇପାସ୍ ଛକ ଠାରୁ ୟୁଟର୍ଣ୍ଣ ମାରୁଥିବା ମଧ୍ୟ ଦେଖାଯାଇଛି । ସେମାନଙ୍କର ପ୍ରତିକ୍ରିୟାରେ କହୁଛନ୍ତି ଯେତିକି ହେବ ସେତିକି ଦେଖିବୁ ସାମାନ୍ୟ ବର୍ଷାରେ ରାସ୍ତାର ଦୁର୍ଦ୍ଦଶା ମଧ୍ୟରେ ପଦଯାତ୍ରା କରି ହେବନାହିଁ । ଏବଂ ତାଳଚେର କଲେଜ ପଡ଼ିଆ ପରିସରରେ ପଡ଼ିଥିବା ବିଭିନ୍ନ କିସମର ଦୋଳି ଓ ମୀନାବଜାର ହାଲୁକା ଲାଇଟ୍‌ରେ ଲୋକେ ଦହଗଞ୍ଜ ହେଉଥିବା ବେଳେ ଚୋରି, ଛିନତାଇର ଭୟ ଲୋକଙ୍କୁ ଘାରୁଛି । କିଛି ଲୋକ ରାତି ପର୍ଯ୍ୟନ୍ତ ପୂଜା ଦେଖିବାକୁ ଅଟକୁ ନାହାନ୍ତି, ଦିନ ଥାଉଥାଉ ଘରକୁ ଲେଉଟି ଯାଉଛନ୍ତି । ଢ଼ଗରେ ଅଛି ‘ଆଲୋ ବଉଳା, ଚରିବୁଲି କି…., ଦିନ ଥାଉ ଥାଉ ଘରକୁ ପଳା’…… । ଏକଥା ଶୁଣିଲେ ଲାଗେ ସତେ, କଳାହୀରା ସହରକୁ ବଡ଼ ଅପମାନ କରାଯାଉଛି ଓ ଗାଲରେ ଶକ୍ତ ଚାପୁଡ଼ା ଖାଇଲା ପରି ମନେ ହେଉଛି । ପୂଜା ମାହୋଲ ତ କମିଟି ମାନଙ୍କ ଦ୍ୱାରା ବେଶ ଜାକଯମରେ ପ୍ରତିଦ୍ୱିନ୍ଦିତା ମୂଳକ ଚାଲିଛି ସେଥିରେ ସନ୍ଦେହ ନାହିଁ । କିନ୍ତୁ ତାଳଚେରର ଦୟନିୟ ଅବସ୍ଥା ଲୋକଙ୍କୁ ଘାୟେଲା କରୁଛି ।