ପାଲଲହଡ଼ା: ୦୫.୦୭.୨୦୨୬
ଅନୁଗୋଳ ଜିଲ୍ଲାର ପାଲଲହଡ଼ା ଉପଖଣ୍ଡକୁ ରାଜ୍ୟ ଉପ-ମୁଖ୍ୟମନ୍ତ୍ରୀ ତଥା ମହିଳା ଓ ଶିଶୁ ବିକାଶ, ମିଶନ ଶକ୍ତି, ପର୍ଯ୍ୟଟନ ବିଭାଗ ଶ୍ରୀମତୀ ପ୍ରଭାତୀ ପରିଡ଼ା ଆଜି ଅପରାହ୍ନ ୦୩:୩୦ ସମୟରେ ଭ୍ରମଣ କରିଥିଲେ। ଏହି ଭ୍ରମଣ ସମୟରେ ସେ ପ୍ରଥମେ ମା’ କୁଣ୍ଢେଇବୀରା ମନ୍ଦିର ଦର୍ଶନ କରିଥିଲେ। ପରେ ସେ ଖୁଲୁଡ଼ି ଅଞ୍ଚଳର ଗିରିଶ୍ୱର ମନ୍ଦିର, ଯାହା “ଦ୍ୱିତୀୟ ହରିଶଙ୍କର” ଭାବେ ପ୍ରସିଦ୍ଧ, ପରିଦର୍ଶନ କରିଥିଲେ। ସେଠାରେ ମନ୍ଦିର ଉନ୍ନୟନ ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଥିଲା। ଦ୍ୱିତୀୟ ଚିଲିକାରେ ପହଞ୍ଚିବା ପରେ ଶ୍ରୀମତୀ ପରିଡ଼ା ବନ ମହୋତ୍ସବ ଅବସରରେ “ଏକ ପେଡ୍ ମା’ କେ ନାମ” ଅଭିଯାନରେ ବୃକ୍ଷରୋପଣ କରିଥିଲେ। ସେ ଦ୍ୱିତୀୟ ଚିଲିକାର ପ୍ରଗତି ସମ୍ପର୍କିତ ସମୀକ୍ଷା କରି ଜନସଭାକୁ ସମ୍ବୋଧିତ କରିଥିଲେ। ଏହି ଭ୍ରମଣ ସମୟରେ ସ୍ୱାଗତ ଦ୍ୱାର ପାଇଁ ଶ୍ରୀରାମପୁରଠାରେ ଭୂମି ପୂଜନ ଉତ୍ସବ ଅନୁଷ୍ଠିତ ହୋଇଥିଲା। ଦ୍ୱିତୀୟ ଚିଲିକାର ସାମଗ୍ରିକ ବିକାଶ ପାଇଁ ରାଜ୍ୟ ସରକାର ₹୧ କୋଟି ମଞ୍ଜୁର କରିଛନ୍ତି ଏବଂ ଏକ ବିସ୍ତୃତ ପ୍ରକଳ୍ପ ରିପୋର୍ଟ (DPR) ପ୍ରସ୍ତୁତ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ଏହି ପରିଭ୍ରମଣ ସମୟରେ ବିଧାୟକ ଶ୍ରୀ ଅଶୋକ ମହାନ୍ତି, ସାଂସଦ ଶ୍ରୀ ରୁଦ୍ରନାରାୟଣ ପାଣି, ଅତିରିକ୍ତ ଜିଲ୍ଲାପାଳ ପ୍ରତାପ ପ୍ରୀତିମୟ, ବନଖଣ୍ଡ ଅଧିକାରୀ ରଶ୍ମି ଜି. , ଉପଜିଲ୍ଲାପାଳ ରବୀନ୍ଦ୍ର କୁମାର ପଟେଲ, ଗୋଷ୍ଠୀ ଉନ୍ନୟନ ଅଧିକାରୀ ନିଶାନ ମିଶ୍ର, ତହସିଲଦାର ଆକାଂକ୍ଷା ମହାପାତ୍ର, ଏବଂ ସହକାରୀ ବନ ସଂରକ୍ଷକ ସ୍ୱାଧୀନତା ସାହାନୀ ଉପସ୍ଥିତ ଥିଲେ।
