ବଦଳିଲେ କେନ୍ଦ୍ର ଶିକ୍ଷା ସଚିବ, ନରେଶ ପାଲ୍ ଗଙ୍ଗୱାରଙ୍କୁ ମିଳିଲା ଦାୟିତ୍ୱ
ନୂଆଦିଲ୍ଲୀ: ନିଟ୍ (NEET) ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଓ ବିକ୍ଷୋଭ ମଧ୍ୟରେ କେନ୍ଦ୍ର ସରକାର ଶିକ୍ଷା ମନ୍ତ୍ରଣାଳୟରେ ବଡ଼ ପ୍ରଶାସନିକ ପରିବର୍ତ୍ତନ କରିଛନ୍ତି। କେନ୍ଦ୍ର ଶିକ୍ଷା ସଚିବ ବିନୀତ୍ ଯୋଶୀଙ୍କୁ ପଦରୁ ଅପସାରଣ କରାଯାଇଥିବା ବେଳେ ତାଙ୍କ ସ୍ଥାନରେ ନରେଶ ପାଲ୍ ଗଙ୍ଗୱାରଙ୍କୁ ନୂତନ ଶିକ୍ଷା ସଚିବ ଭାବେ ନିଯୁକ୍ତ କରାଯାଇଛି।
ସରକାରଙ୍କ ପକ୍ଷରୁ ଜାରି ଆଦେଶ ଅନୁସାରେ, ଗଙ୍ଗୱାର ତୁରନ୍ତ ପ୍ରଭାବରୁ ନିଜର ନୂଆ ଦାୟିତ୍ୱ ଗ୍ରହଣ କରିବେ। ନିଟ୍ ପ୍ରଶ୍ନପତ୍ର ଲିକ୍ ଘଟଣାକୁ କେନ୍ଦ୍ର କରି ଦିଲ୍ଲୀର ଜନ୍ତରମନ୍ତର ସମେତ ବିଭିନ୍ନ ସ୍ଥାନରେ ପ୍ରତିବାଦ ଜାରି ଥିବା ବେଳେ ଏହି ପଦକ୍ଷେପକୁ ସରକାରଙ୍କ ଗୁରୁତ୍ୱପୂର୍ଣ୍ଣ ପ୍ରଶାସନିକ ନିଷ୍ପତ୍ତି ଭାବେ ଦେଖାଯାଉଛି।
ଏହି ପରିବର୍ତ୍ତନକୁ ନିଟ୍ ବିବାଦ ପରେ କେନ୍ଦ୍ର ସରକାରଙ୍କ ପ୍ରଥମ ବଡ଼ ପ୍ରଶାସନିକ କାର୍ଯ୍ୟାନୁଷ୍ଠାନ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି।