ଓଡ଼ିଶା ଡିଜିପି ନିଯୁକ୍ତି ପ୍ରକ୍ରିୟାରେ ସୁପ୍ରିମକୋର୍ଟଙ୍କ ହସ୍ତକ୍ଷେପ: ଅଗଷ୍ଟ ୧୮ ପର୍ଯ୍ୟନ୍ତ ନାମ ଚୂଡ଼ାନ୍ତ ନକରିବାକୁ ନିର୍ଦ୍ଦେଶ
ନୂଆଦିଲ୍ଲୀ: ଓଡ଼ିଶାର ପରବର୍ତ୍ତୀ ଡିଜିପି ଚୟନ ପ୍ରକ୍ରିୟାକୁ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ହସ୍ତକ୍ଷେପ ହୋଇଛି। ଅଗଷ୍ଟ ୧୮ ପର୍ଯ୍ୟନ୍ତ ଓଡ଼ିଶା ଡିଜିପି ପଦ ପାଇଁ ସମ୍ଭାବ୍ୟ ଅଧିକାରୀଙ୍କ ନାମ ଚୂଡ଼ାନ୍ତ ନକରିବାକୁ କୋର୍ଟ ୟୁପିଏସସିକୁ ନିର୍ଦ୍ଦେଶ ଦେଇଛନ୍ତି।
ଏହା ଫଳରେ ଡିଜିପି ଚୟନ ପାଇଁ ୟୁପିଏସସି ପକ୍ଷରୁ ହେବାକୁ ଥିବା ପ୍ରକ୍ରିୟା ଏବେ ସାମୟିକ ଭାବେ ଅଟକିଛି। ପରବର୍ତ୍ତୀ ଶୁଣାଣି ପରେ ହିଁ ଚୟନ ପ୍ରକ୍ରିୟା ଆଗକୁ ବଢ଼ିବାର ସମ୍ଭାବନା ରହିଛି।
ବର୍ତ୍ତମାନର ଡିଜିପି ୱାଇ.ବି. ଖୁରାନିଆଙ୍କ ଅବସରକୁ ନେଇ ମଧ୍ୟ ଏହି ନିଷ୍ପତ୍ତି ପରେ ଗୁରୁତ୍ୱ ବଢ଼ିଛି। ଏପରି ସ୍ଥିତିରେ ନୂଆ ଡିଜିପିଙ୍କ ନିଯୁକ୍ତି ନେଇ ସମୟସୀମା ଓ ପରବର୍ତ୍ତୀ ପ୍ରଶାସନିକ ପଦକ୍ଷେପ ଉପରେ ଏବେ ସମସ୍ତଙ୍କ ନଜର ରହିଛି।
ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶ ପରେ ଓଡ଼ିଶାର ନୂଆ ପୋଲିସ ମୁଖିଆ କିଏ ହେବେ ଏବଂ ନିଯୁକ୍ତି ପ୍ରକ୍ରିୟା କେବେ ଚୂଡ଼ାନ୍ତ ହେବ—ତାହାକୁ ନେଇ ଚର୍ଚ୍ଚା ଜୋର ଧରିଛି।