ରାଜ୍ୟର ଜୁନିଅର ଶିକ୍ଷକଙ୍କ ପାଇଁ ବଡ଼ ଖବର: ୨୦୨୩-୨୪ ବ୍ୟାଚ୍‌ର ନିୟମିତକରଣ ତାରିଖ ସଂଶୋଧନ କଲେ ରାଜ୍ୟ ସରକାର

ରାଜ୍ୟର ଜୁନିଅର ଶିକ୍ଷକଙ୍କ ପାଇଁ ବଡ଼ ଖବର: ୨୦୨୩-୨୪ ବ୍ୟାଚ୍‌ର ନିୟମିତକରଣ ତାରିଖ ସଂଶୋଧନ କଲେ ରାଜ୍ୟ ସରକାର
​ଭୁବନେଶ୍ୱର:
ରାଜ୍ୟ ସରକାର ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟରେ ନିଯୁକ୍ତି ପାଇଥିବା କନିଷ୍ଠ ଶିକ୍ଷକ (Junior Teachers – Schematic) ମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି। ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି (ସଂଖ୍ୟା: 25778/SME, ତାରିଖ: 01-10-2026) ଅନୁସାରେ, ୨୦୨୩-୨୪ ଶିକ୍ଷାବର୍ଷରେ ନିଯୁକ୍ତ ହୋଇଥିବା ଜୁନିଅର ଶିକ୍ଷକମାନଙ୍କ ନିୟମିତକରଣ (Regularisation) ତାରିଖକୁ ପୁନଃ ନିର୍ଦ୍ଧାରଣ କରାଯାଇଛି।
​ବିଜ୍ଞପ୍ତିରେ ଉଲ୍ଲେଖ କରାଯାଇଛି ଯେ:
​ନିୟମିତ ନିଯୁକ୍ତି ତାରିଖ: ଉପଯୁକ୍ତ ଚୟନ ପ୍ରକ୍ରିୟା ମାଧ୍ୟମରେ ନିଯୁକ୍ତି ପାଇ କାର୍ଯ୍ୟରତ ଥିବା ଏହି ଶିକ୍ଷକମାନଙ୍କୁ ୦୧.୦୧.୨୦୨୬ ଠାରୁ ଏଲିମେଣ୍ଟାରୀ କ୍ୟାଡର ଅଧୀନରେ ଥିବା ଲେଭଲ୍-V(A) ସହକାରୀ ଶିକ୍ଷକ (Assistant Teachers) ଭାବେ ନିୟମିତ କରାଯିବ।
​ଦରମା ଓ ସୁବିଧା: ୦୧.୦୧.୨୦୨୬ ଠାରୁ ଏହି ଶିକ୍ଷକମାନେ ନିୟମିତ ଦରମା (Regular Pay) ତଥା ଅନ୍ୟାନ୍ୟ ସରକାରୀ ସେବା ସୁବିଧା ପାଇବାକୁ ଯୋଗ୍ୟ ବିବେଚିତ ହେବେ।
​ପୂର୍ବ କାର୍ଯ୍ୟକାଳ ସ୍ଥିତି: ପ୍ରାରମ୍ଭିକ ଯୋଗଦାନ ଠାରୁ ୩୧.୧୨.୨୦୨୫ ପର୍ଯ୍ୟନ୍ତ କାର୍ଯ୍ୟକାଳକୁ ଚୁକ୍ତିଭିତ୍ତିକ/ସ୍ମିମାଟିକ ସେବା ଭାବେ ଗଣନା କରାଯିବ ଏବଂ ଏହି ଅବଧି ପାଇଁ କୌଣସି ନିୟମିତ କ୍ୟାଡର ବରିଷ୍ଠତା (Seniority) ମିଳିବ ନାହିଁ।
​ପୂର୍ବରୁ ୦୨.୦୪.୨୦୨୬ ରେ ଜାରି ହୋଇଥିବା ନୋଟିଫିକେସନ୍ ନଂ 8638/SME କୁ ଅତିକ୍ରମ କରି ରାଜ୍ୟପାଳଙ୍କ ନିର୍ଦ୍ଦେଶକ୍ରମେ ଗଣଶିକ୍ଷା ସଚିବ ଏହି ନୂତନ ବିଜ୍ଞପ୍ତି ଜାରି କରିଛନ୍ତି।