Spread the love

କୁଞ୍ଜକାନ୍ତ ଶ୍ରୀରାମ ମନ୍ଦିର ପ୍ରାଙ୍ଗଣରେ କାର୍ତିକ ପର୍ବ ପାଳନ

ଢେଙ୍କାନାଳ, ୨୧/୧୧: ଢେଙ୍କାନାଳ ସହର କୁଞ୍ଜକାନ୍ତ ପୋଖରୀ କୂଳରେ ଥିବା ଶ୍ରୀରାମ ମନ୍ଦିର ପ୍ରାଙ୍ଗଣରେ ଅଂଚଳର ପ୍ରାୟ ପ୍ରାୟ ୪୦ଜଣ ମହିଳା କାର୍ତିକ ମସାର ପର୍ବ ବା ପଂଚୁକ ପର୍ବକୁ ବହୁ ଆଡମ୍ବର ସହିତ ପାଳନ କରୁଛନ୍ତି । ଏହା ପ୍ରାୟ ୪୦ରୁ ୫୦ ବର୍ଷ ଧରି ପାଳନ ହେଉଅଛି । ମାସକ ମଧ୍ଯରୁ ୨୬ଦିନ ରାଇ ଦାମୋଦର ପୂଜା ହୋଇଥିବାବେଳେ ଶେଷ ୪ଦିନ ବା ପଂଚୁକରେ ଲକ୍ଷ୍ମୀନାରାଣ ପୂଜା ହୋଇଥାଏ । ଏହି ବର୍ଷ ୪ ଦିନ ପଂଚୁକ ପଡ଼ୁଥିବାରୁ ବଗବଗୁଲିଙ୍କୁ ପୂଜା କରାଯାଇଥାଏ । ୨୬ଦିନ କପୋତକପୋତିଙ୍କୁ ନିର୍ମାଲ୍ୟ ଦେଇ ଉଡାଇ ଦିଆଯାଇଥାଏ ଓ ବଗବଗୁଲିଙ୍କୁ ୪ଦିନ ପୂଜା କରି ଫଳ ଓ ଭୋଗ ଦେଇ ଉଡାଇ ଦିଆଯାଏ । ଏହି ପୂଜାରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥାଏ । ଶରୀର ସବୁ ରୋଗ ଯନ୍ତ୍ରଣାକୁ ଭୁଲି ମହିଳାମାନେ ଏହି ବ୍ରତ ପାଳନ କରିଥାନ୍ତି ଏବଂ ମାସସାରା ସଂଧ୍ୟାରେ ବୃନ୍ଦାବତୀଙ୍କ ପାଖରେ ଆକାଶଦୀପ ଉଠାଇଥାନ୍ତି । ଢେଙ୍କାନାଳ ଜିଲ୍ଲା ତଥା ରାଜ୍ୟବାସୀଙ୍କ ଆରୋଗ୍ୟ ଓ ସମୃଦ୍ଧି କାମନା କରିବା ସହିତ ପୂଜାକୁ ପାଳନ କରିଥାନ୍ତି । ଏଥୁରେ ସ୍ନିଗ୍ଧାରାଣୀ ନନ୍ଦଙ୍କ ସମେତ ବହୁ ମହିଳାମାନଙ୍କ ଉପସ୍ଥିତ ରହି ପୂଜା ପାଳନକୁ ସଫଳ କରିଥାନ୍ତି ।

Leave a Reply

Your email address will not be published. Required fields are marked *