ଜୁନାଗଡ଼ରେ NH 26 ଡ୍ରେନ ଉପରୁ ଅବୈଧ ଦୋକାନ ଗୁଡ଼ାଏକୁ ଉଛେଦ ପ୍ରକିୟା ଆରମ୍ଭ ହୋଇଯାଇଛି!
ଜୁନାଗଡ଼ – (ବାଲେଶ୍ୱର ସୁନାନୀ )କଳାହାଣ୍ଡି ଜିଲ୍ଲା ଜୁନାଗଡ଼ ସହରରେ ଦୀର୍ଘ ଦିନ ଧରି ଲାଗି ରହିଥିବା ପାଣି ଜମିକି ରହିବା ଏବଂ ଟ୍ରାଫିକ ସମସ୍ୟାକୁ ଦୂର କରିବା ଲକ୍ଷ୍ୟରେ ଆଜି ପ୍ରଶାସନ ବଡ଼ ପଦକ୍ଷେପ ନିଆଯାଇଥିବାର ଦୃଶ୍ୟ ଦେଖିବାକୁ ମିଳିଛି । ଆଜି ଠିକ୍ ସକାଳ ୬ ଘଣ୍ଟା ସମୟରେ NH 26 ରାସ୍ତା ପାର୍ଶ୍ୱ ଡ୍ରେନ ଉପରେ ଥିବା ଅବୈଧ ଦୋକାନଗୁଡ଼ିକୁ ଉଚ୍ଛେଦ କରିବା ନିମନ୍ତେ ପ୍ରଶାସନିକ ସମସ୍ତ ଅଧିକାରୀଙ୍କ ସହିତ ପୋଲିସ ଟିମ୍ ଏବଂ ସମସ୍ତ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟକର୍ତ୍ତା ସହରର ମୁଖ୍ୟ ରାଜପଥରେ ଛାଉଣୀ ହୋଇଯାଇଥିବାର ଚିତ୍ର ଦେଖିବାକୁ ପାଇଥିଲୁ । ସୂଚନାନୁଯାୟୀ ଦୀର୍ଘ ବର୍ଷ ଧରି ଡ୍ରେନ ଉପରେ ଦୋକାନୀମାନେ ଅବୈଧ ଭାବେ ଦୋକାନ ବସିବା ଯୋଗୁଁ ପାଣି ନିଷ୍କାସନରେ ବାଧା ସୃଷ୍ଟି ହେଉଥିଲା ତାହା ଫଳରେ ଅଳ୍ପ ବର୍ଷାରେ ହିଁ ସହର ବିଭିନ୍ନ ଅଞ୍ଚଳରେ ପାଣି ଜମି ରହୁଥିଲା ଏବଂ ଦୋକାନ ଗୃହ ଗୁଡ଼ିକ ରାସ୍ତା ଉପରକୁ ମାଡି ଆସିଥିବାରୁ ଦୈନନ୍ଦିନ ସହରରେ ଟ୍ରାଫିକ ସମସ୍ୟା ଦେଖିବାକୁ ମିଳୁଥିଲା ଏବଂ NH 26ରେ ପ୍ରତିଦିନ ଗାଡ଼ି ଚଳାଚଳରେ ବାଧା ସୃଷ୍ଟି ହେଉଥିଲା l ଏହି ସମସ୍ୟାର ସମାଧାନ ପାଇଁ ଜୁନାଗଡ଼ NAC ପକ୍ଷରୁ ଏକ ଉଚ୍ଛେଦ ଅଭିଯାନ ପରିଚାଳନା କରାଯାଇଥିବାର ସୂଚନା ମିଳିଛି ଏବଂ ପ୍ରଶାସନ ପକ୍ଷରୁ ଉଚ୍ଛେଦ ପୂର୍ବରୁ ଦୋକାନୀମାନଙ୍କୁ ନୋଟିସ ଦିଆଯାଇ ସମୟ ନିର୍ଦ୍ଧାରିତ କରି ନିୟମ ଅନୁଯାୟୀ ଡ୍ରେନ ଉପରେ ଥିବା ସମସ୍ତ ଅବରୋଧକୁ ହଟାଇ ଦିଆଯାଇଥିବାର ପରିପ୍ରକାଶ ପାଇଛି l ଉଚ୍ଛେଦ ସମୟରେ କୌଣସି ଅପ୍ରୀତିକର ପରିସ୍ଥିତି ନ ଘଟୁ ବୋଲି ଘଟଣାସ୍ଥଳରେ ଧର୍ମଗଡ଼ ଉପଜିଲ୍ଲାପାଳ, ଜୁନାଗଡ଼ ତହସିଲଦାର,ଧର୍ମଗଡ ତହସିଲଦାର,ଜୁନାଗଡ଼ R.I ସମେତ NAC ଅଧିକାରୀ ଏବଂ ପୋଲିସ ଟିମ୍ ସମସ୍ତେ ଉପସ୍ଥିତ ରହି ସମଗ୍ର କାର୍ଯ୍ୟକୁ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ କରାଯାଇଥିବାର ଦୃଶ୍ୟ ଦେଖିବାକୁ ମିଳିଛି ।ଦୋକାନ ହଟିବା ପରେ NH 26ରେ ଟ୍ରାଫିକ ଚଳାଚଳ ସହଜ ହେବା ସହ ବର୍ଷା ସମୟରେ ଜଳ ଜମିବା ସମସ୍ୟାରୁ ମୁକ୍ତି ମିଳିବ ବୋଲି ସ୍ଥାନୀୟ ଲୋକେ ଆଶା ରଖିଛନ୍ତି । କିନ୍ତୁ ଆମେ ଦେଖିବାକୁ ପାଇଲୁ ଯେ ଜୁନାଗଡ଼ ସହରର ଉପର ପାର୍ଶ୍ୱର orion hotel ପାଖରୁ ଜୁନାଗଡ଼ ସହରର ଲଙ୍କେଶ୍ୱରୀ ମନ୍ଦିର ପର୍ଯ୍ୟନ୍ତ ଦୋକାନ ଗୃହ ଭାଙ୍ଗି ସମସ୍ତ ପ୍ରଶାସନିକ ଅଧିକାରୀ ମାନେ ଭାଙ୍ଗିବା କାର୍ଯ ବନ୍ଧ କରିଥିବାର ଦୃଶ୍ୟ ଦେଖିବାକୁ ମିଳିଥିଲା l ଏନେଇ ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି ଯେ ଲଙ୍କେଶ୍ୱରୀ ମନ୍ଦିର ଛକ ଠାରୁ ଆଉ ଆଗକୁ ଜୁନାଗଡ଼ ସହରର ଶେଷ ପର୍ଯ୍ୟନ୍ତ ଦୋକାନ ଗୃହ ଗୁଡ଼ିକ ଭଙ୍ଗା ନ ଯିବାରୁ ଜନସାଧାରଣରେ ଅସନ୍ତୋଷ ପ୍ରକାଶ ପାଇଛି l ଆର ପାର୍ଶ୍ୱର ସିଧା ଚିତ୍ର ଆମେ ଦେଖାଉଛୁ ଜନସାଧାରଣଙ୍କୁ ଏଇ ଦୋକାନ ଗୃହ ଗୁଡାକ ସବୁ ଡ୍ରେନରେ ଥିବାବେଳେ ଏଗୁଡ଼ିକୁ କାହିଁକି ଭଙ୍ଗା ଗଲାନାହିଁ ବୋଲି ଜୁନାଗଡ଼ ସହରରେ ଜନ ଅସନ୍ତୋଷ ପ୍ରକାଶ ପାଇଛି l ଏ ନେଇ ଆମ ରିପବ୍ଲିକ ଓଡ଼ିଶା ପ୍ରତିନିଧି ଜୁନାଗଡ଼ ତହସିଲଦାର ,ଜୁନାଗଡ଼ R.I. ତଥା ଜୁନାଗଡ଼ ଏନଏସି କାର୍ଯ୍ୟନିର୍ବାହୀ ଅଧିକାରୀଙ୍କୁ ପଚାରିବାରୁ ସେଠାରୁ ଦ୍ୱିତୀୟ ପର୍ଯ୍ୟାୟରେ ଭଙ୍ଗାଯିବ ବୋଲି ଉତ୍ତର ରଖିଥିଲେ ଏବଂ ପ୍ରଶାସନ ପକ୍ଷରୁ ସୂଚନା ଦିଆଯାଇଛି ଯେ ସହର ଅନ୍ୟ ଅଞ୍ଚଳରେ ଥିବା ଅବୈଧ ଦଖଲ ବିରୁଦ୍ଧରେ ମଧ୍ୟ ଆଗକୁ ଏଭଳି କଡ଼ା ରୁ କଡ଼ା କାର୍ଯ୍ୟାନୁଷ୍ଠାନ ନେବା ପାଇଁ ଜାରି ରହିବ ବୋଲି ମତ ପ୍ରକାଶ କରିଥିଲେ ।
