ଡିଏଭି ପବ୍ଲିକ୍ ସ୍କୁଲ୍, ଏମ୍ସିଏଲ୍, କଳିଙ୍ଗ କ୍ଷେତ୍ରରେ ପାଳିତ ହେଲା ଆନ୍ତର୍ଜାତୀୟ ଶ୍ରମିକ ଦିବସ
ତାଳଚେର, ୦୨/୦୫ ରିଖରେ ଡିଏଭି ପବ୍ଲିକ୍ ସ୍କୁଲ୍, ଏମ୍ସିଏଲ୍, କଳିଙ୍ଗ କ୍ଷେତ୍ରରେ “ସୁସ୍ଥ ମାନସିକ-ସାମାଜିକ କାର୍ଯ୍ୟ ପରିବେଶ ସୁନିଶ୍ଚିତ କରିବା” ବର୍ଷର ଥିମ୍ ସହିତ ଆନ୍ତର୍ଜାତୀୟ ଶ୍ରମିକ ଦିବସ ପାଳନ କରାଯାଇଥିଲା। ବିଦ୍ୟାଳୟର ଅଧ୍ୟକ୍ଷ ତଥା ସହକାରୀ ଆଞ୍ଚଳିକ ଅଧିକାରୀ ଶ୍ରୀଯୁକ୍ତ ପ୍ରଶାନ୍ତ କୁମାର ପଣ୍ଡା ସମାବେଶକୁ ସମ୍ବୋଧିତ କରି ବୈଦିକ ଯୁଗରେ ଶ୍ରମ ବିଭାଜନ କିପରି ଶ୍ରମିକମାନଙ୍କର ମର୍ଯ୍ୟାଦା ବୃଦ୍ଧି ପାଇଁ କରାଯାଇଥିଲା, ସେହି ବିଷୟ ଉପରେ ଆଲୋକପାତ କରିଥିଲେ। ସେ ଆହୁରି କହିଥିଲେ ଯେ କାର୍ଯ୍ୟ କ୍ଷେତ୍ରରେ ଏକ ସୁସ୍ଥ ପରିବେଶ ଗଠନ କରିବା ପାଇଁ ମାନସିକ ସ୍ୱାସ୍ଥ୍ୟ, ନାରୀ ସଶକ୍ତିକରଣ ଏବଂ ସ୍ଥାୟୀ ବିକାଶ ଉପରେ ବିଶେଷ ଗୁରୁତ୍ୱ ଦିଆଯିବା ଆବଶ୍ୟକ। ସାମାଜିକ ବିଜ୍ଞାନ କ୍ଲବ୍ର ସଦସ୍ୟମାନେ ଏହି କାର୍ଯ୍ୟକ୍ରମଟି ଆୟୋଜନ କରିଥିଲେ। ଏଥିରେ ଶ୍ରମିକ ଦିବସ ପାଳନର ଗୁରୁତ୍ୱ ଉପରେ ଭାଷଣ ପ୍ରଦାନ ଏବଂ ଶ୍ରମିକମାନେ ଚାପ ମୁକ୍ତ ରହିବା ଆବଶ୍ୟକ ସମ୍ବନ୍ଧୀୟ କାହାଣୀ ଉପସ୍ଥାପନ କରାଯାଇଥିଲା ତର୍କବିତର୍କ ଭଳି ବିଭିନ୍ନ କାର୍ଯ୍ୟକଳାପ ଆୟୋଜିତ କରାଯାଇଥିଲା । ‘କୃତ୍ରିମ ବୁଦ୍ଧିମତ୍ତାର ଆଗମନରେ ଚାକିରି ହରାଇବାର ଭୟ’ ବିଷୟରେ ଏକ ତର୍କବିତର୍କ ଆୟୋଜିତ ହୋଇଥିଲା, ଯେଉଁଥିରେ ଶିକ୍ଷକମାନେ ସକ୍ରିୟଭାବେ ଅଂଶଗ୍ରହଣ କରି ନିଜ ମତାମତ ପ୍ରକାଶ କରିଥିଲେ।ଏହା ମାଧ୍ୟମରେ କାର୍ଯ୍ୟସ୍ଥଳରେ ମାନସିକ ସ୍ୱାସ୍ଥ୍ୟ, ସୁରକ୍ଷିତ ଏବଂ ସମାବେଶୀ ପରିବେଶର ଗୁରୁତ୍ୱକୁ ଉଲ୍ଲେଖ କରାଯାଇଥିଲା, ଯାହା କର୍ମଚାରୀମାନଙ୍କ ସହିତ ସମସ୍ତ କର୍ମୀଙ୍କ ପାଇଁ ଉପକାରୀ ଓ ପ୍ରତିଷ୍ଠାନର ଉତ୍ପାଦନଶୀଳ ବିକାଶରେ ସାହାଯ୍ୟକାରୀ ଅଟେ ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/08/Picsart_26-05-14_06-19-38-643-9-scaled.jpg)
