ନିଖିଳ ଓଡିଶା ଅଙ୍ଗନୱାଡି କର୍ମୀ ସଂଘର ୭ମ ବ୍ଲକ୍ ସମ୍ମିଳନୀ ଅନୁଷ୍ଠିତ
ଢେଙ୍କାନାଳ ଏ.ଆଇ.ଟି.ୟୁ.ସି. ସହବନ୍ଧିତ ନିଖୂଳ ଓଡିଶା ଅଙ୍ଗନୱାଡି କର୍ମୀ ସଂଘର ୭ମ ବ୍ଲକ୍ ସମ୍ମିଳନୀ ଯାଉଁଳିପୋଖରୀ ମଠ ପ୍ରାଙ୍ଗଣରେ ସୁଜାତା ନାୟକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଉକ୍ତ ସମ୍ମିଳନୀରେ ରାଜ୍ୟ ସାଧାରଣ ସଂପାଦିକା ହରପ୍ରିୟା ସାଇଁ ଏ.ଆଇ.ଟି.ୟୁ.ସି. ଜିଲ୍ଲା ସଭାପତି ରବି ରଥ ସଂପାଦକ ନାରାୟଣ ନାୟକ ଅତିଥି ଭାବରେ ଯୋଗଦେଇଥିଲେ । ସଂପାଦିକା ସମ୍ମିଳନୀ ବିବରଣୀ ଉପସ୍ଥାପନା କରିଥିଲେ । କେନ୍ଦ୍ରମାନଙ୍କରେ ଦେଖା ଦେଉଥିବା ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା । ଆୟବ୍ୟୟର ହିସାବ ଦିଆଯାଇଥୁଲା । ଗତ ଅପ୍ରେଲ ମାସ ଠାରୁ କେନ୍ଦ୍ର ମାନଙ୍କରେ ସଠିକ୍ ଭାବରେ ଚାଉଳ, ରୋଷେଇ ପଇସା, ଅଣ୍ଡା ମିଳୁ ନଥିବାରୁ କ୍ଷୋଭ ପ୍ରକାଶ ପାଇଥିଲା । ଆସନ୍ତା ୧୨ ତାରିଖରେ ହେଉଥିବା ସର୍ବଭାରତୀୟ ଧର୍ମଘଟ ଉପରେ ଆଲୋଚନା କରାଯାଇଥିଲା । କେନ୍ଦ୍ରମାନଙ୍କରେ ଦେଖା ଦେଉଥୁବା ସମସ୍ୟା ଉପରେ ସିଡିପିଓଙ୍କୁ ମୌଖୁକ ଏବଂ ଲିଖୁତ ଭାବରେ ଅବଗତ କରାଯାଉଥିଲେ ମଧ୍ୟ କୌଣସି ସୁଫଳ ମିଳୁନଥିବାରୁ ଅସନ୍ତୋଷ ପ୍ରକାଶ ପାଇଥିଲା I ଆଗାମୀ ଦିନ ପାଇଁ କର୍ମକର୍ତା ନିର୍ବାଚନ କରାଗଲା । ଏଥିରେ ସଭାପତି ଭାବରେ ସୁଜାତା ନାୟକ ଉପସଭାନେତ୍ରୀ ସୁନିତା ବେହେରା, ସଂପାଦିକା ଭାରତୀ ନାଏକ, ସହସଂପାଦିକା କ୍ରିଷ୍ଣା ମଲ୍ଲିକ, କୋଷାଧ୍ଯକ୍ଷ ପୂର୍ଣ୍ଣିମା ତ୍ରିପାଠୀ ନିର୍ବାଚିତ ହେବା ସହିତ ୧୦ ଜଣିଆ ବ୍ଳକ୍ କମିଟି ଗଠନ କରାଯାଇଥିଲା । ଉପଦେଷ୍ଟା ଭାବରେ ପ୍ରତିମା ସାହୁ, ମାନସୀ ମହାପାତ୍ରଙ୍କୁ ନିର୍ବାଚିତ କରାଯାଇଥିଲା । ଉକ୍ତ ସମ୍ମିଳନୀରେ ଶୈଳବାଳା ରାଉତ, ରେବତୀ ସାହୁ, ରିନା ବେହେରା, ବିଷ୍ଣୁପ୍ରିୟା ବରାଳ, ସନ୍ଧ୍ୟା ମିଶ୍ର, ମମତା ପରିଡା ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।
