ଅଦ୍ୟ ତା ୧୫/୦୩/୨୬ ରିଖ ରବିବାର ପିଏମ୍ ଶ୍ରୀ ସୁଲକ୍ଷଣା ଦେବୀ ସରକାରୀ ଉଚ୍ଚ ବିଦ୍ୟାଳୟ, ଢେଙ୍କାନାଳ ତା’ର ବାର୍ଷିକ ଉତ୍ସବ- “ମୂର୍ଚ୍ଛନା” ଖୁବ୍ ଆକର୍ଷଣୀୟ ଭାବେ ପାଳନ କରିଛି l ଏହି ଉତ୍ସବରେ ମାନ୍ୟବର ମନ୍ତ୍ରୀ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଶ୍ରୀଯୁକ୍ତ କୃଷ୍ଣଚନ୍ଦ୍ର ପାତ୍ର ଜରୁରୀ କାର୍ଯ୍ୟ ବଶତଃ ଅନୁପସ୍ଥିତ ରହିବାରୁ ତାଙ୍କର ପ୍ରତିନିଧି ସ୍ୱରୂପ ବରିଷ୍ଠ ସଂଗଠକ ଓ ସମାଜସେବୀ ଶ୍ରୀଯୁକ୍ତ ସତ୍ୟବାନ ପାତ୍ର ମୁଖ୍ୟ ଅତିଥିଭାବେ ଯୋଗଦେଇଥିଲେ l ସମ୍ମାନୀତ ଅତିଥିମାନଙ୍କ ମଧ୍ୟରେ ଥିଲେ ୧୨ ନମ୍ବର ୱାର୍ଡ ର ଢେଙ୍କାନାଳ ପୌରପାଳିକା ସଭ୍ୟା ଶ୍ରୀମତୀ ଲକ୍ଷ୍ମୀପ୍ରିୟା ଦଳାଇ, ସଂଗଠକ ଓ ରାଜନେତା ଶ୍ରୀଯୁକ୍ତ ରଞ୍ଜନ କୁମାର ସାହୁ, ଶିକ୍ଷବିତ୍ ଶ୍ରୀଯୁକ୍ତ ପ୍ରଫୁଲ କୁମାର ବିଶ୍ୱାଳ, ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀଯୁକ୍ତ ପ୍ରଦୀପ୍ତ କୁମାର ମହାପାତ୍ର, ବିଦ୍ୟାଳୟ ପଞ୍ଚସଖା ଶିକ୍ଷା ସେତୁ ଛାତ୍ର ସଂସଦ ସଭାପତି ଶ୍ରୀମତୀ କ୍ରୁସିଦା ବେଗମ ଏବଂ ପୂର୍ବତନ ବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀଯୁକ୍ତ ବିକାଶ ପୁହାଣ l ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ତଥା ଭୁବନ ଶିକ୍ଷା ଅଧିକାରିଣୀ ଶ୍ରୀମତୀ ମିନତୀ ଦେହୁରୀ ମଞ୍ଚରେ ସଭାପତିତ୍ୱ କରୁଥିବାବେଳେ ତାଙ୍କ ତରଫରୁ ମଞ୍ଚ ସଂଯୋଜନା କରୁଥିଲେ ଶିକ୍ଷକ ଦୁଷ୍ମନ୍ତ କୁମାର ସାହୁ l ଶିକ୍ଷୟିତ୍ରୀ ଲିପିକା ନାୟକଙ୍କ ବେଦ ଧ୍ୱନିର ଶାଣିତ ସ୍ୱରରେ ବରେଣ୍ୟ ଅତିଥିମାନେ ଜଗନ୍ନାଥଙ୍କ ଦାରୁବିଗ୍ରହ ନିକଟରେ ପ୍ରଦ୍ବୀପ ପ୍ରଜ୍ବଳନ କରି ସଭାର ଅୟମାରମ୍ଭ କରିଥିଲେ l ବରିଷ୍ଠ ଶିକ୍ଷୟିତ୍ରୀ ଶ୍ରୀମତୀ ଶର୍ମିଷ୍ଠା ଅତିଥି ପରିଚୟ ପ୍ରଦାନ କରି ସେମାନଙ୍କୁ ଭବ୍ୟ ସ୍ୱାଗତ ଜଣାଇଥିଲେ ଓ ବିଦ୍ୟାଳୟ ତରଫରୁ ବରିଷ୍ଠ ଶିକ୍ଷୟିତ୍ରୀ ଶ୍ରୀମତୀ କନ୍ୟାକୁମାରୀ ଭୂତିଆ ବାର୍ଷିକ ବିବରଣୀ ପଠନ କରି ବିଦ୍ୟାଳୟର ଅଗ୍ରଗତି ସମ୍ପର୍କରେ ସୂଚନା ଦେଇଥିଲେ l ବର୍ଷକ ମଧ୍ୟରେ ବିଦ୍ୟାଳୟର ବିଭିନ୍ନ ବିଭାଗରେ ଦକ୍ଷତା ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା, ବାର୍ଷିକ ଦିବସ ଉପଲକ୍ଷେ ବିଭିନ୍ନ ପ୍ରତିଯୋଗୀତାମାନ କରାଯାଇ ବିଜେତା ମାନଙ୍କୁ ପୁରସ୍କୃତ କରାଯାଇଥିଲା l ଓ.ଭି.ଇ.ପି ର ବାର୍ଷିଜ ଦିବସକୁ ପାଳନ କରିବାକୁ ଯାଇ ବିଦ୍ୟାଳୟର କ୍ରୀଡା ପ୍ରଶିକ୍ଷିକା ଶ୍ରୀମତୀ ଜୟନ୍ତୀ ବେହେରା ଓ ଦୁଷ୍ମନ୍ତ କୁମାର ସାହୁଙ୍କ ନେତୃତ୍ୱରେ ନିକଟସ୍ଥ ପାଞ୍ଚୋଟି ବିଦ୍ୟାଳୟ ଓ ଆୟୋଜକ ବିଦ୍ୟାଳୟର ପିଲାମାନଙ୍କୁ ନେଇ ଓ.ଭି.ଇ.ପି ନିର୍ଦ୍ଦେସିତ ବିଭିନ୍ନ ପ୍ରତିଯୋଗିତାମାନ କରାଯାଇ ବିଜେତା ମାନଙ୍କୁ ମଞ୍ଚରେ ପୁରସ୍କୃତ କରାଯାଇଥିଲା l ବିଦ୍ୟାଳୟ ମୁଖ୍ୟ ଫାଟକରୁ ସଭାସ୍ଥଳ ସାଜସଜ୍ଜା ଯେତିକି ମନୋରମ ଥିଲା ସେତିକି ଉତ୍ସାହୀ ଥିଲେ ଛାତ୍ରଛାତ୍ରୀ ଓ ଶିକ୍ଷକ-ଶିକ୍ଷୟିତ୍ରୀ ମାନେ l ଛାତ୍ରଛାତ୍ରୀଙ୍କ ଦ୍ୱାରା ପରିବେଷିତ ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ମନ ମୋହିଥିବା ବେଳେ ମଧ୍ୟାହ୍ନ ଭୋଜନ ଖୁବ୍ ସୁସ୍ୱାଦୁ ଓ ସୁବ୍ୟବସ୍ଥିତ ଭାବେ ଆୟୋଜନ କରାଯାଇଥିଲା l ପରିଶେଷରେ ବରିଷ୍ଠ ଶିକ୍ଷୟିତ୍ରୀ ଶ୍ରୀମତୀ ରାନୁ ଦାସ ଧନ୍ୟବାଦ ଅର୍ପଣ କରିଥିଲେ, ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସହଯୋଗରେ ଉତ୍ସବଟି ସଫଳ ସୁନ୍ଦର ହୋଇପାରିଥିଲା l
