ଟାଟା ଷ୍ଟିଲ ଫାଉଣ୍ଡେସନ ପକ୍ଷରୁ ବିଶ୍ୱ ଋତୁସ୍ରାବ ସ୍ୱଚ୍ଛତା ଦିବସ ପାଳିତ
ମେରାମଂଡଳୀ , 28/05/2026: ଟାଟା ଷ୍ଟିଲ ଫାଉଣ୍ଡେସନ ପକ୍ଷରୁ ଶିବପୁର କମ୍ୟୁନିଟି ହଲରେ ଆଜି ବିଶ୍ୱ ଋତୁସ୍ରାବ ସ୍ୱଚ୍ଛତା ଦିବସ ପାଳନ କରାଯାଇଥିଲା ଯେଉଁଥିରେ ପ୍ରାୟ ୭୦ ଜଣ ମହିଳା, କିଶୋରୀ ବାଳିକା, ଆଶା କର୍ମୀ, ଅଙ୍ଗନୱାଡି କର୍ମୀ ଏବଂ ସହାୟକ ନର୍ସ ଧାଈ (ଏଏନଏମ) ମାନେ ଅଂଶଗ୍ରହଣ କରିଥିଲେ ।
ଋତୁସ୍ରାବ ସ୍ୱଚ୍ଛତା ପରିଚାଳନା ଉପରେ ସଚେତନତା ସୃଷ୍ଟି କରିବା ଏବଂ ଋତୁସ୍ରାବ ସହିତ ଜଡିତ ଭ୍ରାନ୍ତ ଧାରଣା ଦୂର କରି ବାସ୍ତବତା ସହ ପରିଚୟ କରାଇବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ଥିଲା | ଏହି ଅଧିବେଶନରେ ସ୍ୱଚ୍ଛତା ଅଭ୍ୟାସ, ସାନିଟାରୀ ଉତ୍ପାଦର ନିରାପଦ ବ୍ୟବହାର ଏବଂ ସାମଗ୍ରିକ ସୁସ୍ଥତା ପାଇଁ ଋତୁସ୍ରାବ ସ୍ୱାସ୍ଥ୍ୟର ଗୁରୁତ୍ୱ ଉପରେ ଧ୍ୟାନ ଦିଆଯାଇଥିଲା ।
ଏହି କାର୍ଯ୍ୟକ୍ରମ ଚଳିତ ବର୍ଷର ବିଷୟବସ୍ତୁ “ଋତୁସ୍ରାବ ପ୍ରତି ସହଜ ଓ ସଚେତନ ବିଶ୍ବ” ସହିତ ସଂଯୁକ୍ତ ହୋଇଛି, ଯାହା ସମସ୍ତ ମହିଳା ଏବଂ ବାଳିକାମାନଙ୍କ ପାଇଁ ନିରାପଦ, ସ୍ୱଚ୍ଛ ଏବଂ ସମ୍ମାନଜନକ ଋତୁସ୍ରାବ ସ୍ୱାସ୍ଥ୍ୟ ପରିଚାଳନା ନିମନ୍ତେ ଉଦ୍ଦିଷ୍ଟ ।
ମେରାମଣ୍ଡଳୀ ସରକାରୀ ଡାକ୍ତରଖାନାର ଡାକ୍ତର ଗୁଞ୍ଜନ ନାୟକ, ଡକ୍ଟର ଶକ୍ତି ସୁଧା ସୁଭଦର୍ଶିନୀ ଏବଂ ନର୍ସିଂ ଅଧିକାରୀ ଲକ୍ଷ୍ମୀପ୍ରିୟା ସାହୁଙ୍କ ସମେତ ସ୍ୱାସ୍ଥ୍ୟ ବିଶେଷଜ୍ଞମାନେ ଋତୁସ୍ରାବ ସ୍ୱଚ୍ଛତା ଏବଂ ପ୍ରଜନନ ସ୍ୱାସ୍ଥ୍ୟ ଉପରେ ମୂଲ୍ୟବାନ ପରାମର୍ଶ ପ୍ରଦାନ କରିଥିଲେ।
ଏହି କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ ଦେଖିବାକୁ ମିଳିଥିଲା ଏବଂ ଏକ ଋତୁସ୍ରାବ ଅନୁକୂଳ ସମାଜ ଗଠନ ଦିଗରେ ମହିଳା ଏବଂ କିଶୋରୀ ବାଳିକାମାନଙ୍କ ମଧ୍ୟରେ ସଚେତନତା, ସମ୍ମାନ ଏବଂ ଆତ୍ମବିଶ୍ୱାସକୁ ସଫଳତାର ସହ ପ୍ରୋତ୍ସାହିତ କରିଥିଲା ।