ଭୂବନେଶ୍ୱର: ବୈଜ୍ଞାନିକ ହସ୍ତକ୍ଷେପ ମାଧ୍ୟମରେ ଭାରତୀୟ କୃଷିକୁ ପରିବର୍ତ୍ତନ କରିବା ପାଇଁ ଏକ ଦେଶବ୍ୟାପୀ ଅଭିଯାନ ‘ବିକଶିତ କୃଷି ସଂକଳ୍ପ ଅଭିଯାନ’ ଗୁରୁବାର ଦିନ ପୁରୀର ସାକ୍ଷୀଗୋପାଳରେ ଆରମ୍ଭ ହୋଇଛି।
କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂହ ଚୌହାନ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପମୁଖ୍ୟମନ୍ତ୍ରୀ ଏବଂ କୃଷି ମନ୍ତ୍ରୀ କେ.ଭି. ସିଂହ ଦେଓ, ସ୍ଥାନୀୟ ବିଧାୟକ ଏବଂ ବରିଷ୍ଠ କୃଷି ବୈଜ୍ଞାନିକଙ୍କ ଉପସ୍ଥିତିରେ ଏହି ଅଭିଯାନ ଆରମ୍ଭ ହୋଇଥିଲା।ଏହି ଅବସରରେ ଶିବରାଜ କହିଛନ୍ତି ଯେ ଏହି ଅଭିଯାନ କୃଷି ବୈଜ୍ଞାନିକମାନଙ୍କୁ ଚାଷୀଙ୍କ ସହିତ ସିଧାସଳଖ ଯୋଡ଼ି ଭାରତକୁ ‘ବିଶ୍ୱର ଖାଦ୍ୟ ବାସ୍କେଟ’ କରିବାରେ ସାହାଯ୍ୟ କରିବାକୁ ଉଦ୍ଦେଶ୍ୟ। ଏହି ଅଭିଯାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ଲ୍ୟାବ୍ ଟୁ ଲ୍ୟାଣ୍ଡ’ ର ଦୃଷ୍ଟିକୋଣ ଏବଂ ଏକ ବିକଶିତ ଭାରତର ଧାରଣାକୁ ସାକାର କରିବା ପାଇଁ ଲକ୍ଷ୍ୟ ରଖିଛି।
ଉଲ୍ଲେଖଯୋଗ୍ୟ, ଏହି ଅଭିଯାନ ମେ ୨୯ରୁ ଜୁନ୍ ୧୨ ପର୍ଯ୍ୟନ୍ତ ଚାଲିବ। ଦେଶବ୍ୟାପୀ ପ୍ରାୟ ୧.୫ କୋଟି ଚାଷୀଙ୍କ ପାଖରେ ପହଞ୍ଚିବା ସହ ସେମାନଙ୍କ ସହ ସିଧାସଳଖ ଯୋଡ଼ି ହେବାକୁ ଲକ୍ଷ୍ୟ ରହିଛି।