ଓଡ଼ିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦ (CHSE) ଦ୍ୱାରା ପରିଚାଳିତ ଯୁକ୍ତ ଦୁଇ (+2) ପରୀକ୍ଷା ଫଳ ଆନୁଷ୍ଠାନିକ ଭାବେ ପ୍ରକାଶ ପାଇଛି। ଚଳିତ ବର୍ଷ ମଧ୍ୟ ଛାତ୍ରଛାତ୍ରୀଙ୍କ ମଧ୍ୟରେ କଡ଼ା ପ୍ରତିଯୋଗିତା ଦେଖିବାକୁ ମିଳିଥିବା ବେଳେ ପାସ୍ ହାର ବେଶ୍ ଉତ୍ସାହଜନକ ରହିଛି।
ଏଠାରେ ସମ୍ପୂର୍ଣ୍ଣ ଖବର ଓ ଗୁରୁତ୍ୱପୂର୍ଣ୍ଣ ସୂଚନା ଉପରେ ନଜର ପକାନ୍ତୁ:
ଚଳିତ ବର୍ଷ ଯୁକ୍ତ ୨ ପାସ ହାର ୮୫.୮୫% ରହିଛି । କଳାରେ ଛାତ୍ରଛାତ୍ରୀଙ୍କର ପାସ ହାର ୮୪.୫୦ % ରହିଥିବା ବେଳେ ବାଣିଜ୍ୟ ରେ ପାସହାର ୮୮.୦୭ % , ବିଜ୍ଞାନରେ ପାସ ହାର ୮୮.୮୦ %, ଧନ୍ଦାମୂଳକ ଶିକ୍ଷାରେ ପାସ ହାର ୭୭.୬୨ % ରହିଛି । ଏନେଇ ସିଏଚଏସଇ ଅଫିସରେ ରେଜଲ୍ଟ ଘୋଷଣା କରିଛନ୍ତି ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଚଳିତ ବର୍ଷ କଳାରେ ଛାତ୍ରଙ୍କ ତୁଳନାରେ ଛାତ୍ରୀଙ୍କ ପାସ ହାର ଅଧିକ ରହିଛି । ଛାତ୍ରଙ୍କ ପାସ ହାର ୭୭.୯୭ ପ୍ରତିଶତ ରହିଥିବା ବେଳେ ଛାତ୍ରୀଙ୍କ ପାସ ହାର ୮୯. ୪୫ ପ୍ରତିଶତ ରହିଛି । ଚଳିତ ବର୍ଷ ଯୁକ୍ତ ୨ ପାସ ହାର ୮୫.୮୫% ରହିଛି । କଳାରେ ଏୱାନରେ ୬୧୪ ଜଣ ଛାତ୍ରଛାତ୍ରୀ ପାସ କରିଛନ୍ତି । ସମ୍ବଲପୁରରେ କଳାରେ ସବୁଠୁ ଭଲ ରେଜଲ୍ଟ ହୋଇଛି । ପାସ ହାର ୮୯ ପ୍ରତିଶତ ରହିଛି । ସେହିପରି ନବରଙ୍ଗପୁରରେ କଳାରେ ସବୁଠୁ କମ ୭୭.୧୪ ପ୍ରତିଶତ ରହିଛି । ଚଳିତ ବର୍ଷ ୩ ଲକ୍ଷ ୯୮ ହଜାର ୯୦ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେଥିରୁ ୩ ଲକ୍ଷ ୪୧ ହଜାର ୭୭୮୧ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇଛନ୍ତି । ଉଚ୍ଚ ମାଧ୍ୟମିକ ଶିକ୍ଷା ପରିଷଦ ସିଏଚଏସଇ ଦ୍ୱାରା ପରିଚାଳିତ ଯୁକ୍ତ ଦୁଇ ପରୀକ୍ଷା ଗତ ଫେବୃଆରୀ ୧୮ରୁ ଆରମ୍ଭ ହୋଇ ମାର୍ଚ୍ଚ ୨୭ ଯାଏ ଅନୁଷ୍ଠିତ ହୋଇଥିଲା ।
ଚଳିତ ବର୍ଷ ବିଜ୍ଞାନ, ବାଣିଜ୍ୟ, କଳା ଏବଂ ଧନ୍ଦାମୂଳକ ଶିକ୍ଷା ବିଭାଗରେ ଛାତ୍ରଛାତ୍ରୀମାନେ ଭଲ ପ୍ରଦର୍ଶନ କରିଛନ୍ତି। ପ୍ରତିବର୍ଷ ଭଳି ଏଥର ମଧ୍ୟ କେତେକ ବିଭାଗରେ ଛାତ୍ରୀମାନେ ଛାତ୍ରଙ୍କ ଅପେକ୍ଷା ଆଗରେ ରହିଛନ୍ତି।
କେମିତି ଦେଖିବେ ରେଜଲ୍ଟ?
ଛାତ୍ରଛାତ୍ରୀମାନେ ନିଜର ରୋଲ୍ ନମ୍ବର (Roll Number) ଏବଂ ସେଣ୍ଟର କୋଡ୍/ରେଜିଷ୍ଟ୍ରେସନ ନମ୍ବର ବ୍ୟବହାର କରି ଓଡ଼ିଶା ସରକାରଙ୍କ ଅଫିସିଆଲ୍ ୱେବସାଇଟ୍ରେ ରେଜଲ୍ଟ ଚେକ୍ କରିପାରିବେ:
chseodisha.nic.in
orissaresults.nic.in
ସୂଚନା: ଅଧିକ ଟ୍ରାଫିକ୍ ଯୋଗୁଁ ୱେବସାଇଟ୍ ସ୍ଲୋ ହେଲେ ଧୈର୍ଯ୍ୟ ରଖନ୍ତୁ ଏବଂ କିଛି ସମୟ ପରେ ପୁଣି ଚେଷ୍ଟା କରନ୍ତୁ। ଏହା ସହିତ ସ୍କୁଲ୍ ଏବଂ ସାମ୍ସ (SAMS) ପୋର୍ଟାଲ୍ ମାଧ୍ୟମରେ ମଧ୍ୟ ରେଜଲ୍ଟ ଉପଲବ୍ଧ ହେବ।
ଆଗକୁ କଣ?
ରି-ଚେକିଂ (Re-checking): ଯେଉଁ ଛାତ୍ରଛାତ୍ରୀମାନେ ନିଜ ମାର୍କରେ ସନ୍ତୁଷ୍ଟ ନାହାନ୍ତି, ସେମାନେ ଖୁବ୍ ଶୀଘ୍ର ଅନଲାଇନ୍ରେ ଖାତା ପୁନଃନିରୀକ୍ଷଣ ପାଇଁ ଆବେଦନ କରିପାରିବେ।
କମ୍ପାର୍ଟମେଣ୍ଟାଲ୍ ପରୀକ୍ଷା: ଯେଉଁମାନେ କୌଣସି ବିଷୟରେ ଅକୃତକାର୍ଯ୍ୟ ହୋଇଛନ୍ତି, ସେମାନଙ୍କୁ ବର୍ଷ ବଞ୍ଚାଇବା ପାଇଁ ପରିଷଦ ପକ୍ଷରୁ ସପ୍ଲିମେଣ୍ଟାରୀ ପରୀକ୍ଷା ସୁଯୋଗ ଦିଆଯିବ।
କୃତକାର୍ଯ୍ୟ ହୋଇଥିବା ସମସ୍ତ ଛାତ୍ରଛାତ୍ରୀଙ୍କୁ ଅନେକ ଅନେକ ଶୁଭେଚ୍ଛା ଓ ସେମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରୁଛୁ!
