72 ତମ ନିଖିଳ ଭାରତ ସମବାୟ ସପ୍ତାହ ଅଦ୍ୟ ତା -19.11.2025 ରିଖ ରେ ସ୍ଥାନୀୟ municipality town hall, ଅନୁଗୁଳ ଠାରେ ମହାସମାରୋହରେ ପାଳନ ହୋଇଯାଇଅଛି। ଅଦ୍ୟ ସମାରୋହରେ ଶ୍ରୀଯୁକ୍ତ ଅଗସ୍ତି ବେହେରା, ବିଧାୟକ, ଛେଣ୍ଡିପଦା ମୁଖ୍ୟ ଅତିଥି ଭାବରେ ଯୋଗଦେଇ ଉକ୍ତ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଶ୍ରୀଯୁକ୍ତ ବେହେରା ସମବାୟ ର ଉନ୍ନତି କରଣ କ୍ଷେତ୍ରରେ ସରକାର ବିଭିନ୍ନ ନୂତନ ପଦକ୍ଷେପ ଗୁଡ଼ିକ ନେଇଥିବା ସହିତ କିଭଳି ସମବାୟ ମାଧ୍ୟମରେ ଚାଷୀମାନଙ୍କ ର ସର୍ବାଙ୍ଗୀନ ଉନ୍ନତି ହୋଇପାରିବ ତାହା ଆଲୋକପାତ କରିଥିଲେ। ଏହା ସହିତ ସେ ପ୍ରତି ଗ୍ରାମ ପଞ୍ଚାୟତରେ କିଭଳି ଗୋଟିଏ ଲେଖା ପ୍ରାଥମିକ କୃଷି ସମବାୟ ସମିତି ଗଠନ କରାଯିବ ସେ ଦିଗରେ ସରକାର ପଦକ୍ଷେପ ନେଇଥିବା ସଭାରେ ଉଲ୍ଲେଖ କରିଥିଲେ।ଏହା ସହିତ ମୁଖ୍ୟ ବକ୍ତା ଭାବେ prof ଶାନ୍ତନୁ ସର ପୂର୍ବତନ ଅଧ୍ୟକ୍ଷ ଅନୁଗୁଳ ମହାବିଦ୍ୟାଳୟ ଯୋଗଦେଇ ଗୁଜୁରାଟ ମଡେଲ ରେ ସମବାୟ ସମିତି ଗଠନ ଦିଗରେ କାର୍ଯ୍ୟ କରିବା ନିମନ୍ତେ ପଦକ୍ଷେପ ନେବାପାଇଁ ପରାମର୍ଶ ଦେଇଥିଲେ।ସେ ଅମୁଲ ର କିଭଳି ବ୍ୟବସାୟିକ ଅଭିବୃଦ୍ଧି ଘଟି ବିଶ୍ୱରେ ଏକ ନଂ ଭାବେ ଉଭା ହୋଇପାରିଛି ତାହା ବୈଠକରେ ତାଙ୍କ ଅଭିଭାଷଣରେ ଜଣାଇଥିଲେ। ସେହିପରି ସମ୍ମାନନୀୟ ବକ୍ତା ଭାବରେ ଶ୍ରୀଯୁକ୍ତ ଧରଣୀଧର ନାଥ, ପୂର୍ବତନ ବରିଷ୍ଠ ପ୍ରଶାସକ, ସମବାୟ ଆନ୍ଦୋଳନର ଐରାରମ୍ଭ ଏବଂ ଆଜିର ଦିନରେ ଏହା କିଭଳି ସଶକ୍ତ ହୋଇଅଛି ତାଙ୍କ ଅଭିଭାଷଣରେ ଜଣାଇଥିଲେ। ତତ୍ ସହିତ ଶ୍ରୀ ଉଦୟନାଥ ମହାପାତ୍ର, ଅତିରିକ୍ତ ଜିଲ୍ଲାପାଳ, ଅନୁଗୁଳ ସମବାୟ ସମିତି ମାଧ୍ୟମରେ କିଭଳି ବିଭିନ୍ନ ପ୍ରକାର ସେବା ଗୁଡ଼ିକ ଏକକ କେନ୍ଦ୍ରରେ ଉପଲବ୍ଧ ହେଉଅଛି ତାଙ୍କ ଅଭିଭାଷଣରେ ରଖିଥିଲେ। ଏହାଛଡା ସେ ପ୍ରତେକ ସମବାୟ ସମିତି ପାଇଁ ରାଜସ୍ବ ବିଭାଗ ପକ୍ଷରୁ 1ଏକର ଜମି ଦେବା ପାଇଁ ପ୍ରତିଶ୍ରୁତି ଦେଇଥିଲେ।ସେଇଭଳି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତିନିଧି ଶ୍ରୀ ସୁଦିପ ଗଡ଼ନାୟକ ଏବଂ ଅନୁଗୁଳ ଢେଙ୍କାନାଳ ସାଂସଦ ଶ୍ରୀ ରୁଦ୍ର ନାରାୟଣ ପାଣି ଙ୍କ ପ୍ରତିନିଧି ଶ୍ରୀ ପ୍ରଭାତ କୁମାର ପ୍ରଧାନ ବୈଠକରେ ଉପସ୍ଥିତ ସମବାୟ ସମିତି ସହିତ ଜଡ଼ିତ ଥିବା କାର୍ଯ୍ୟକର୍ତ୍ତା ତଥା ସମବାୟ ବିତ୍ ମାନଙ୍କୁ ପ୍ରାଥମିକ ସ୍ତରରେ ସମବାୟ ଅନୁଷ୍ଠାନ ଗୁଡିକର ଉ ଉତ୍ତରତର ଉନ୍ନତି ହୋଇପାରିବ ତାହା ଉପରେ ବକ୍ତବ୍ୟ ରଖିଥିଲେ। ଏଥି ସହିତ ଓଡ଼ିଶା ରାଜ୍ୟ ସମବାୟ ସଂଘ,ଓଡ଼ିଶା, ଭୁବନେଶ୍ୱର ର ନିର୍ଦ୍ଦେଶକ ଶ୍ରୀ ଚିତ୍ତରଞ୍ଜନ ନାୟକ ଯୋଗଦେଇ ସମବାୟ ସଂଘ ମାଧ୍ୟମରେ କିଭଳି ସମବାୟ ସମିତିର କର୍ମଚାରୀ ମାନଙ୍କ ପାଇଁ ଉନ୍ନତ ତାଲିମ ଦିଆଯାଇପାରିବ ତାହା ସମ୍ପର୍କରେ ଆଲୋକପାତ କରିଥିଲେ।ଏହି ବୈଠକରେ ବିଭିନ୍ନ ବିଭାଗର ଜିଲ୍ଲା ସ୍ତରୀୟ ଅଧିକାରୀ, ସମବାୟ ବିଭାଗର ARCS,SARCS, ନିରୀକ୍ଷକ , ବିଭିନ୍ନ ସମବାୟ ସମିତି ରୁ ଆସିଥିବା ସମ୍ପାଦକ, ସଭାପତି, ମହିଳା ସ୍ୱୟଂ ସହାୟକ ଗୋଷ୍ଠୀ ର ସଦସ୍ୟ ମାନେ ବହୁ ମାତ୍ରାରେ ଉପସ୍ଥିତ ଥିଲେ। ବୈଠକରେ ଶ୍ରୀ ଶରତ ଚନ୍ଦ୍ର ପାଣିଗ୍ରାହୀ , ଉପ ନିବନ୍ଧକ , ସମବାୟ ସମିତି ସମୂହ, ଅନୁଗୁଳ ପୌରହିତ୍ୟ କରିଥିଲେ ଏବଂ ଶ୍ରୀ ନିରଞ୍ଜନ ସେଠ, ସହକାରି ନିବନ୍ଧକ, ସମବାୟ ସମିତି ସମୂହ, ଅନୁଗୁଳ ମଣ୍ଡଳ ଧନ୍ୟବାଦ ଅର୍ପଣ କରିଥିଲେ। ଶ୍ରୀ ଅବନୀ ମିଶ୍ର ମଞ୍ଚ ସଞ୍ଚାଳନ କରିଥିଲେ। ଅପରାହ୍ନରେ କୁନି କୁନି ପିଲାମାନେ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ।
