ଡ଼ମ୍ଫର ଦୁର୍ଘଟଣାରେ ଡ଼ମ୍ଫର ଅପରେଟର ମୃତ
ତାଳଚେର, ୦୨/୦୪ ତାଳଚେର ବ୍ଲକ ଅନ୍ତର୍ଗତ ଗୋପାଳପ୍ରସାଦ ଗ୍ରାମପଂଚାୟତ କୁସୁମପାଳ ଗ୍ରାମ ନିବାସୀ ତଥା ଏମସିଏଲ ହିଙ୍ଗୁଳା ଖଣିରର କର୍ଯ୍ୟରତ ଡ଼ମ୍ଫର ଅପରେଟର ଶ୍ରୀନିବା ଦେହୁରୀ ଗତକାଲି ବିଳମ୍ବିତ ରାତ୍ରୀରେ ହିଙ୍ଗୁଳା ଖଣି ଟାଇମଅଫିସ୍ ନିକଟରେ ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି । ସୂଚନା ମୂତାବକ ଶ୍ରୀନିବାସ ଦେହୁରୀ ବାଇକରେ ଆସୁଥିବା ବେଳେ ଖଣିର ଏକ ଡ଼ମ୍ଫର ତାଙ୍କୁ ଧକ୍କା ଦେଇଥିଲା । ଫଳରେ ସେହିଠାରେ ସେ ଟଳି ପଡ଼ିଥିଲେ ବୋଲି ହିଙ୍ଗୁଳା ଥାନା ସୂତ୍ରରୁ ଜଣାପଡ଼ିଛି । ଏହି ଖବର ପାଇଁ ଖଣିର କର୍ମଚାରୀ ସେଠାରେ ରୁଣ୍ଢ ହୋଇଥିଲେ ଓ କିଛି ସମୟ ପାଇଁ ଉତେଜନା ପରିସ୍ଥିତି ଦେଖାଦେଇଥିଲା । ମୃତ ପରିବାରର ଜଣଙ୍କୁ ନିଯୁକ୍ତି ଓ ନିୟମ ଅନୁଯାୟୀ ସମସ୍ତ ବକେୟା ରାଶି ପ୍ରଦାନ କରିବା ନେଇ ଦାବି କରିଥିଲେ । ଏହି ଖବର ପାଇଁ ବିଧାୟକ ବ୍ରଜ କିଶୋର ପ୍ରଧାନ ସେଠାରେ ପଂହଚି ମୃତ ପରିବାରଙ୍କୁ ସମବେଦନା ପ୍ରଦାନ କରିଥିଲେ ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/06/Picsart_26-05-14_06-19-38-643-scaled.jpg)
