ନୁଆଦିଲ୍ଲୀ: ଦିଲ୍ଲୀ ପୁଲିସ ଶନିବାର ଗ୍ରୀନପାର୍କସ୍ଥିତ ବାସଭବନରୁ ଜଣେ ୩୦ ବର୍ଷ ବୟସ୍କ ଯୁବ ବିଚାରପତିଙ୍କ ମୃତଦେହ ଜବତ କରିଛି। ବାଥ୍ରୁମରୁ ଝୁଲନ୍ତା ଅବସ୍ଥାରେ ବିଚାରପତିଙ୍କ ମୃତଦେହ ମିଳିଥିବାରୁ ଏହା ଆତ୍ମହତ୍ୟା ବୋଲି ପୁଲିସ ସନ୍ଦେହ କରୁଛି। ଅମନ କୁମାର ଶର୍ମା ନାମକ ଏହି ବ୍ୟକ୍ତି କାକରଡୁମା କୋର୍ଟସ୍ଥିତ ଡିଷ୍ଟ୍ରିକ୍ଟ ଲିଗାଲ ସର୍ଭିସେସ୍ ଅଥରିଟିରେ ସଚିବ ଭାବେ କାର୍ଯ୍ୟ କରୁଥିଲେ।
ଗୁରୁବାର ଅମନ ରାଜସ୍ଥାନର ଅଲୱାରରେ ଥିବା ପିତାଙ୍କ ନିକଟକୁ ଫୋନ କରି କହିଥିଲେ ଯେ ସେ ଭୀଷଣ ମାନସିକ ଚିନ୍ତାରେ ରହିଛନ୍ତି ଯାହାଫଳରେ ବଞ୍ଚିବା କଷ୍ଟକର ହୋଇପଡୁଛି। ଏହା ଶୁଣି ତାଙ୍କ ପିତା ଅଲୱାରରୁ ଆସି ଶୁକ୍ରବାର ମଧ୍ୟରାତ୍ରିରେ ଦିଲ୍ଲୀସ୍ଥିତ ବାସଭବନରେ ପହଞ୍ଚିଥିଲେ। ବିଗତ ଦୁଇମାସ ଧରି ପତ୍ନୀଙ୍କ ସହ ଅମନଙ୍କର ମତାନ୍ତର ଚାଲିଥିଲା।
ଶନିବାର ଉଭୟଙ୍କ ମଧ୍ୟରେ ପ୍ରବଳ ପାଟିତୁଣ୍ଡ ହୋଇଥିଲା। ତାଙ୍କ ପତ୍ନୀ ଜୋରରେ ପାଟି କରୁଥିବାବେଳେ ଅମନ କାନ୍ଦୁଥିଲେ ବୋଲି ଜଣେ ସମ୍ପର୍କୀୟ ପୁଲିସକୁ କହିଛନ୍ତି। ଏହାପରେ ଅମନ ବାଥ୍ରୁମରେ ପ୍ରବେଶ କରିଥିଲେ। ଖୋଜାଖୋଜି କରିବାରେ ନ ମିଳିବାରୁ ତାଙ୍କ ମୋବାଇଲକୁ ଫୋନ କରାଯାଇଥିଲା। ବାଥ୍ରୁମରୁ ମୋବାଇଲ ବାଜୁଥିବାର ଶବ୍ଦ ଶୁଣିବା ପରେ ଘର ଲୋକେ କବାଟ ଭାଙ୍ଗି ଭିତରକୁ ପ୍ରବେଶ କରିଥିଲେ। ସେତେବେଳକୁ ଅମନ ବେକରେ ଦଉଡି ଦେଇ ଆତ୍ମହତ୍ୟା କରିସାରିଥିଲେ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/08/Picsart_26-05-14_06-19-38-643-9-scaled.jpg)