ଭକ୍ତି ଓ ଉତ୍ସାହରେ ଶନିଦେବଙ୍କ ବାର୍ଷିକ ଉତ୍ସବ, ଆଜ୍ଞାଲଡୁ ନିଲାମରେ ଜମିଲା ଉତ୍ସାହ
ଅନୁଗୋଳ: ଭକ୍ତିମୟ ପରିବେଶ ଓ ଉତ୍ସାହର ମାହୋଲ ମଧ୍ୟରେ ଅନୁଗୋଳ ପୌରାଞ୍ଚଳର ରାଜକିଶୋରପଡାରେ ଗ୍ରହରାଜ ପ୍ରଭୁ ଶନିଦେବଙ୍କ ବାର୍ଷିକ ଉତ୍ସବ ପାଳିତ ହୋଇଛି। ଉତ୍ସବ ଅବସରରେ ଆୟୋଜିତ ଆଜ୍ଞାଲଡୁ ନିଲାମ ଓ ଲଟେରୀ କାର୍ଯ୍ୟକ୍ରମକୁ ନେଇ ଭକ୍ତ ଓ ଅଞ୍ଚଳବାସୀଙ୍କ ମଧ୍ୟରେ ବେଶ୍ ଉତ୍ସାହ ଦେଖାଯାଇଥିଲା।
ଏହି ଧାର୍ମିକ ଆୟୋଜନରେ ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନ, ପୌରାଧ୍ୟକ୍ଷ ଅକ୍ଷୟ କୁମାର ସାମନ୍ତଙ୍କ ସମେତ ବହୁ ବିଶିଷ୍ଟ ଅତିଥି ଯୋଗଦେଇଥିଲେ। ଏହାସହ ରାଜକିଶୋରପଡା ଓ ଆଖପାଖ ଅଞ୍ଚଳର ବହୁ ସଂଖ୍ୟକ ଲୋକ ମଧ୍ୟ କାର୍ଯ୍ୟକ୍ରମରେ ସାମିଲ ହୋଇଥିଲେ।
ଅତିଥିମାନେ ଶନିଦେବଙ୍କ ଦର୍ଶନ କରି ସମସ୍ତଙ୍କ ସୁଖ, ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା କରିଥିଲେ। ପରେ ଆୟୋଜିତ ଆଜ୍ଞାଲଡୁ ନିଲାମ ଓ ଲଟେରୀ କାର୍ଯ୍ୟକ୍ରମରେ ବିଜେତାମାନଙ୍କୁ ଅତିଥିମାନଙ୍କ ହାତରେ ପୁରସ୍କାର ପ୍ରଦାନ କରାଯାଇଥିଲା।
ସ୍ଥାନୀୟ ଲୋକଙ୍କ ସକ୍ରିୟ ଅଂଶଗ୍ରହଣ ଓ ଉତ୍ସାହପୂର୍ଣ୍ଣ ସହଯୋଗ ଯୋଗୁଁ ଶନିଦେବଙ୍କ ବାର୍ଷିକ ଉତ୍ସବ ଏକ ଆନନ୍ଦମୟ ଓ ସ୍ମରଣୀୟ ଆୟୋଜନରେ ପରିଣତ ହୋଇଥିଲା।
