ତଫସିଲଭୁକ୍ତ ଜାତି ଛାତ୍ରଛାତ୍ରୀଙ୍କ ନିମନ୍ତେ ପୋଷ୍ଟ ମାଟ୍ରିକ ସ୍କଲାରସିପରେ ପରିବର୍ତ୍ତନକୁ କ୍ୟାବିନେଟର ମଞ୍ଜୁରି
ତଫସିଲଭୁକ୍ତ ଜାତିର ବିଦ୍ୟାର୍ଥୀଙ୍କ ନିମନ୍ତେ ବିରାଟ ପ୍ରୋତ୍ସାହନ
ପାଞ୍ଚ ବର୍ଷରେ 4 କୋଟିରୁ ଉର୍ଦ୍ଧ୍ଵ ତଫସିଲଭୁକ୍ତ ଜାତି ଛାତ୍ରଛାତ୍ରୀଙ୍କ ଛାତ୍ରବୃତ୍ତି ଯୋଜନା ପାଇଁ 59 ହଜାର କୋଟି ଅର୍ଥରାଶି ଅନୁମୋଦିତ
ଜେ ବି ଏନ, ୨୪/୧୨/୨୦୨୦, (ରିପୋର୍ଟ, ସୁଶୀଲ କୁମାର), ନୂଆଦିଲ୍ଲୀ : ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି (23.12.2020) ଅନୁଷ୍ଠିତ କ୍ୟାବିନେଟର ଆର୍ଥିକ ବ୍ୟାପାର କମିଟି ତଫସୁଲଭୁକ୍ତ ଜାତିର ଛାତ୍ରଛାତ୍ରୀଙ୍କୁ ପ୍ରଦାନ କରାଯାଉଥିବା କେନ୍ଦ୍ରୀୟ ପୋଷ୍ଟ ମାଟ୍ରିକ ସ୍କଲାରସିପ (ପିଏମଏସ-ଏସସି)ର ବିଶେଷ ପରିବର୍ତ୍ତନକୁ ଅନୁମୋଦନ କରିଛନ୍ତି । ଆଗାମୀ ପାଞ୍ଚ ବର୍ଷରେ ଏହାଦ୍ଵାରା 4 କୋଟିରୁ ଉର୍ଦ୍ଧ୍ଵ ତଫସିଲଭୁକ୍ତ ଛାତ୍ରଛାତ୍ରୀ ଉପକୃତ ହେବା ସହ ସଫଳତାର ସହ ସେମାନଙ୍କ ଶିକ୍ଷା ସଂପୂର୍ଣ୍ଣ କରିପାରିବେ ।
କ୍ୟାବିନେଟ ଅନୁମୋଦନ କରିଥିବା 59 ହଜାର 48 କୋଟି ଟଙ୍କାରୁ କେନ୍ଦ୍ର ସରକାର 35 ହଜାର 534 କୋଟି (ଶତକଡା 60) ଓ ଅବଶିଷ୍ଟ ଅର୍ଥ ରାଜ୍ୟ ସରକାର ଖର୍ଚ୍ଚ କରିବେ । ଏଥିରେ ବର୍ତ୍ତମାନର ଅଙ୍ଗୀକାରବଦ୍ଧ ବୋଧ (କମିଟେଡ ଲାଇଏବିଲିଟି) ପଦ୍ଧତିକୁ ଦୂର କରାଯିବା ସହ ଏହି ଗୁରୁତ୍ୱପୂର୍ଣ୍ଣ ଯୋଜନାରେ କେନ୍ଦ୍ରର ଅଧିକ କ୍ଷମତା ରହିବ ।
ପୋଷ୍ଟ ମାଟ୍ରିକ ବୃତ୍ତି ଯୋଜନାରେ ଏକାଦଶ ଶ୍ରେଣୀ ବା ତା’ଠାରୁ ଅଧିକ ପାଠ ପଢିବାକୁ ଇତ୍ସୁକ ତଫସିଲଭୁକ୍ତ ଜାତିର ଛାତ୍ରଛାତ୍ରୀଙ୍କ ପାଠପଢା ଖର୍ଚ୍ଚ ସରକାର ବହନ କରିଥାନ୍ତି । କେନ୍ଦ୍ର ସରକାର ଏହି ବ୍ୟବସ୍ଥାକୁ ପ୍ରୋତ୍ସାହନ ଦେଇ ପାଞ୍ଚ ବର୍ଷ ମଧ୍ୟରେ ତଫସିଲଭୁକ୍ତ ଜାତିର ଛାତ୍ରଛାତ୍ରୀଙ୍କ ଉଚ୍ଚ ଶିକ୍ଷା ଜାତୀୟ ସ୍ତରରେ କରିବାକୁ ଉଦ୍ୟମ କରିଛନ୍ତି ।
ସବିଶେଷ ନିମ୍ନରେ ଦିଆଗଲା –
1. ଦଶମ ଶ୍ରେଣୀ ଉତ୍ତୀର୍ଣ୍ଣ ହୋଇଥିବା ସବୁଠାରୁ ଗରିବ ବିଦ୍ୟାର୍ଥୀଙ୍କୁ ଉଚ୍ଚ ଶିକ୍ଷା ନିମନ୍ତେ ତାଲିକାଭୁକ୍ତ କରାଯିବ । ଏକ ଆକଳନରୁ ଜଣାପଡିଛି ଯେ, ଦେଶର ପ୍ରାୟ ଏକ କୋଟି 36 ଲକ୍ଷ ତଫସିଲଭୁକ୍ତ ଜାତିର ଛାତ୍ରଛାତ୍ରୀ ଦଶମ ଶ୍ରେଣୀରୁ ଅଧିକ ପଢି ପାରୁନାହାନ୍ତି । ଆସନ୍ତା ପାଞ୍ଚ ବର୍ଷ ମଧ୍ୟରେ ସେମାନଙ୍କୁ ଉଚ୍ଚ ଶିକ୍ଷା ପରିଧି ମଧ୍ୟକୁ ଆଣିବାକୁ ଲକ୍ଷ୍ୟ ରଖାଯାଇଛି ।
2. ଏହି ଯୋଜନା ଅନଲାଇନ ହେବା ସହ ଏଥିରେ ମଜବୁତ ସାଇବର ସୁରକ୍ଷା ବ୍ୟବସ୍ଥା ରହିଛି । ଏଥିପାଇଁ ସ୍ଵଚ୍ଛତା, ଉତ୍ତରଦାୟିତ୍ଵ, ଅବିଳମ୍ବେ ସମୟଭିତ୍ତିକ ସହାୟତା ପ୍ରଦାନ ଓ ଦକ୍ଷତା ରଖିବ ।
3. ରାଜ୍ୟଗୁଡିକ ଶତ ପ୍ରତିଶତ ନିର୍ଭୁଲ ଯୋଗ୍ୟତାର ଯାଞ୍ଚ, ଜାତି ସ୍ଥିତି, ଆଧାର ଚିହ୍ନଟିକରଣ ଓ ବ୍ୟାଙ୍କ ଆକାଉଣ୍ଟର ସବିଶେଷ ବିବରଣୀ ଅନଲାଇନ ପୋର୍ଟାଲରେ ପ୍ରଦାନ କରିବେ ।
4. ଛାତ୍ରୀଙ୍କୁ ଏହି ଯୋଜନା ଅଧୀନରେ ସହାୟତା ଡିବିଟି ମୋଡରେ କରାଯିବା ସହ ଯଥାସମ୍ଭବ ଆଧାର ସକ୍ଷମ ଦେ ପଦ୍ଧତିର ଅନୁସରଣ କରାଯିବ । କେନ୍ଦ୍ରୀୟ ଅଂଶ ଶତକଡା 60 ଭାଗ ଆର୍ଥିକ ସହାୟତା ରାଶି ସିଧାସଳଖ ଡିବିଟି ଜରିଆରେ ଛାତ୍ରଛାତ୍ରୀଙ୍କ ବ୍ୟାଙ୍କ ଖାତାକୁ ପଠାଯିବ । ସମ୍ପୃକ୍ତ ରାଜ୍ୟ ସରକାର ତାଙ୍କ ଅଂଶ ପଇଠ କରିବା ସୁନିଶ୍ଚିତ କରିବାପରେ ଠିକ ସମୟ ସୂଚୀ ଅନୁସାରେ ପଠାଯିବ ।
5. ସୋସିଆଲ ଅଡିଟ, ଷାଣ୍ମାସିକ ପ୍ରତି ଶିକ୍ଷାନୁଷ୍ଠାନର ଅଡିଟ ରିପୋର୍ଟ, ବାର୍ଷିକ ତୃତୀୟ ପକ୍ଷ ମୂଲ୍ୟାୟନ ଜରିଆରେ ସମଗ୍ର ପ୍ରକ୍ରିୟାର ନିରୀକ୍ଷଣ କରାଯିବ ।
କେନ୍ଦ୍ରୀୟ ସହାୟତା ପରିମାଣ ଯାହାକି 2017-18ରୁ 2019-20 ଆର୍ଥିକ ବର୍ଷରେ ପାଖାପାଖି ଏଗାର ଶହ କୋଟି ଟଙ୍କା ଥିଲା ତାହା 2020-21 ରୁ 2025-26 ମଧ୍ୟରେ ପାଞ୍ଚଗୁଣାରୁ ଅଧିକ ଅର୍ଥାତ ଛଅ ହଜାର କୋଟି ଟଙ୍କାକୁ ବୃଦ୍ଧି ପାଇବ ।
