ଟାଟା ଷ୍ଟିଲ୍ ଫାଉଣ୍ଡେସନ ପକ୍ଷରୁ ବିଶ୍ବ ତମାଖୁ ନିଷେଧ ଦିବସ ପାଳନ
ମେରାମଣ୍ଡଳୀ , ମଇ 31, 2026:
ଟାଟା ଷ୍ଟିଲ୍ ଫାଉଣ୍ଡେସନ ପକ୍ଷରୁ ନୂଆହତା ଗ୍ରାମ ପଞ୍ଚାୟତ ଅଧୀନସ୍ଥ ଗାନ୍ଥିଗାଡ଼ିଆ ଗଣ୍ଠିଗାଡ଼ିଆ ଗ୍ରାମରେ ବିଶ୍ୱ ତମାଖୁ ନିଷେଧ ଦିବସ ପାଳନ କରାଯାଇଥିଲା। ଏହି ସଚେତନତା କାର୍ଯ୍ୟକ୍ରମରେ ଯୁବକ, ମହିଳା ଓ ଶିଶୁଙ୍କ ସମେତ ପ୍ରାୟ ୧୦୦ ଜଣ ସମୁଦାୟ ସଦସ୍ୟ ଅଂଶଗ୍ରହଣ କରିଥିଲେ। ତମାଖୁ ସେବନର କ୍ଷତିକାରକ ପ୍ରଭାବ ସମ୍ପର୍କରେ ସଚେତନତା ସୃଷ୍ଟି କରିବା ଏବଂ ସୁସ୍ଥ ଜୀବନଶୈଳୀକୁ ପ୍ରୋତ୍ସାହିତ କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା।
ସଲାମ ଜୀବନ ସଂଗଠନର ପରିଚାଳନା ନିର୍ଦ୍ଦେଶକ ଡ଼. ମହମ୍ମଦ ଇମ୍ରାନ ଅଲି ଏବଂ ଡ଼. ଅଞ୍ଜନା ଉପସ୍ଥିତ ଲୋକମାନଙ୍କୁ ସମ୍ବୋଧିତ କରି ତମାଖୁ ସେବନର ସ୍ୱାସ୍ଥ୍ୟଗତ, ସାମାଜିକ ଓ ଆର୍ଥିକ କୁପ୍ରଭାବ ବିଷୟରେ ଆଲୋକପାତ କରିଥିଲେ। ସଚେତନତା ଅଧିବେଶନ ଓ ଆଲୋଚନାରେ ଅଂଶଗ୍ରହଣକାରୀମାନେ ସକ୍ରିୟ ଭାବେ ଭାଗ ନେଇଥିଲେ।
କାର୍ଯ୍ୟକ୍ରମର ଏକ ଅଂଶ ଭାବେ ସମୁଦାୟ ସଦସ୍ୟମାନେ ତମାଖୁ ସେବନରୁ ଦୂରେଇ ରହିବା ଏବଂ ଏହାର କୁପ୍ରଭାବ ସମ୍ପର୍କରେ ଅନ୍ୟମାନଙ୍କୁ ସଚେତନ କରିବା ପାଇଁ ସାମୂହିକ ଶପଥ ଗ୍ରହଣ କରିଥିଲେ। ଏହି ପଦକ୍ଷେପ ସୁସ୍ଥ ସମୁଦାୟ ଗଠନ ଓ ସକାରାତ୍ମକ ବ୍ୟବହାରଗତ ପରିବର୍ତ୍ତନକୁ ଉତ୍ସାହିତ କରିବା ପ୍ରତି ଟାଟା ଷ୍ଟିଲ୍ ଫାଉଣ୍ଡେସନର ପ୍ରତିବଦ୍ଧତାକୁ ପୁନଃଦୃଢ଼ କରିଛି।
