ବାଲିଆ ମାର୍କେଟ ରାସ୍ତା ବନ୍ଦ କୁ ନେଇ ବିକ୍ଷୋଭ
ଅନୁଗୋଳ:୦୯/୦୧ ନାଲକୋ ଥାନା ଅନ୍ତର୍ଗତ ବାଲିଆ ମାର୍କେଟ ରାସ୍ତାକୁ ବନ୍ଦ କରିବାକୁ ନେଇ ଶୁକ୍ରବାର ସ୍ଥାନୀୟ ବାସିନ୍ଦା ଏବଂ ଦୋକାନୀ ମାନଙ୍କ ଦ୍ଵାରା ବିରୋଧ ପ୍ରଦର୍ଶନ କରିବା ସହ ନାଲକୋକୁ ଏ ନେଇ ଏକ ଦାବିପତ୍ର ପ୍ରଦାନ କରାଯାଇଛି । ନବରତ୍ନ କମ୍ପାନୀ ନାଲକୋ ତାର ପାରିପାର୍ଶ୍ଵିକ ଗ୍ରାମଗୁଡିକୁ ପ୍ରତିଶୃତି ଦେଇ ପ୍ରତାରଣା କରୁଛି । କଲୋନୀ ମଧ୍ୟରେ ହେଉଥିବା ଅପରାଧିକ କାର୍ଯ୍ୟକୁ ଲୁଚାଇବାକୁ ପ୍ରୟାସ କରି ପାରିପାର୍ଶ୍ଵିକ ଗ୍ରାମର ଲୋକମାନଙ୍କ ଉପରେ ବିଭିନ୍ନ ପ୍ରକାର ଜୁଲମ ଆରମ୍ଭ କରିଛି ନାଲକୋ ପ୍ରଶାସନ । ନାଲକୋରେ ଏତେ ସୁରକ୍ଷାକର୍ମୀ ଥାଇ ମଧ୍ୟ କିଭଳି ନାଲକୋ କଲୋନୀ ମଧ୍ୟରେ ଅସାମାଜିକ କାର୍ଯ୍ୟକଳାପ ବଢିଚାଲିଛି..? ଯାହା ଏବେ ବଡ଼ ପ୍ରଶ୍ନ । ନିଜର ଦୋଷକୁ ଲୁଚାଇବାକୁ ଯାଇ, ଆଜି ନାଲକୋକୁ ବିରୋଧର ଶିକାର ହେବାକୁ ପଡୁଛି । ସୂଚନା ଯେ ଦୀର୍ଘବର୍ଷ ହେବ ନାଲକୋ ପାରିପାର୍ଶ୍ଵ ତଥା ନାଲକୋ କଲୋନୀକୁ ଲାଗିଲି ରହିଛି ବାଲିଆ ମାର୍କେଟ । ଯେଉଁଠି ବହୁ ଲୋକ ବସବାସ କରିବା ସହ ଏକ ବଡ ମାର୍କେଟ ମଧ୍ୟ ଗଢିଉଠିଛି । ଯେଉଁଠି ଶହ ଶହ ସ୍ଥାନୀୟ ବାସିନ୍ଦା ସଂପୂର୍ଣ୍ଣ ନିର୍ଭର ଶିଳ । ତେବେ ନାଲକୋ ତାର ଆଭ୍ୟନ୍ତରୀଣ ଓ ସୁରକ୍ଷା କାରଣ ଦର୍ଶାଇ ବାଲିଆ ମାର୍କେଟ ଠାରେ ନାଲକୋ ପାଚେରୀ ପାଖରେ ଥିବା ଗେଟ୍ କୁ ବନ୍ଦ କରିଦେବାକୁ ପ୍ରୟାସ କରିଛି । ଯାହାକୁ ନେଇ ସ୍ଥାନୀୟ ବାସିନ୍ଦା ଏବଂ ଦୋକାନୀ ମାନଙ୍କ ଦ୍ଵାରା ବିରୋଧ କରାଯାଇଥିଲା । ସେମାନଙ୍କ କହିବା କଥା ଏହି ରାସ୍ତା ସେମାନଙ୍କ ଯିବା ଆସିବାର ଏକ ମାତ୍ର ରାସ୍ତା ଯାହା ଉପରେ ସମସ୍ତେ ନିର୍ଭର କରିଥାନ୍ତି । ସ୍କୁଲ ପିଲା, ଆମ୍ବୁଲାନ୍ସ, ବ୍ୟବସାୟୀ, ପାନୀୟ ଏବଂ ଲୋକ ମାନଙ୍କ ଯିବା ଆସିବା ଏବଂ ଜରୁରୀ ସେବା ପାଇଁ ଏହା ଏକ ମାତ୍ର ରାସ୍ତା ଯାହା ଉପରେ ସମସ୍ତେ ନିର୍ଭର କରିଥାନ୍ତି । ତେବେ ଏହାକୁ ବନ୍ଦ କରିଦେଲେ ଆମେ ଯାତାୟାତ କେମିତି କରିବୁ ବୋଲି ପ୍ରଶ୍ନ କରିଛନ୍ତି । ନାଲକୋ କୁ ଜମି ଦେଇ ଆମେ ପାଇଲୁ କଣ ବୋଲି କହିଛନ୍ତି ସ୍ଥାନୀୟ ବାସି । ଏହାକୁ ବିରୋଧ କରି ଶୁକ୍ରବାର ନାଲକୋ ନିର୍ବାହୀ ନିର୍ଦ୍ଦେଶକଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଥିଲା । ଆଗାମୀ ସାତଦିନ ଭିତରେ ଏହାର ସ୍ଥାୟୀ ସମାଧାନ ନ କରାଗଲେ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦେଇଛନ୍ତି ସ୍ଥାନୀୟ ବାସିନ୍ଦା । ଦାବିପତ୍ର ପ୍ରଦାନ ବେଳେ କାଣ୍ତସର ପୂର୍ବତନ ସରପଞ୍ଚ ବିଷ୍ଣୁ ଚରଣ ବେହେରା, ସମାଜ ସେବୀ ତଥା ଆର୍ ଆର୍ ସି ର ଅଧକ୍ଷ ଅଭୟ ସିଂହ, କ୍ରିଷ୍ଣା ପାଢ଼ୀ, ପୁନମ ମାଝି, ସବିତା ସେନାପତି, ପ୍ରମିତା ସାହୁ, ରଞ୍ଜିତା ମହାନ୍ତି, ବାଳିଆ ସାହୁ, ବିଦ୍ୟାଧର ସାହୁ, ଶୁଭ୍ରାଂଶୁ ମହାପାତ୍ର, ପିଣ୍ଟୁ ମିଶ୍ର, ମାନସ ସାହୁ, କାଠି ସାହୁ, ନିମେଇ ବିଶ୍ଵାଳ ପ୍ରମୁଖ ଉପସ୍ଥିତ ରହିଥିଲେ ।
ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ରୁ ମନୋଜେ କୁମାର ମହାପାତ୍ର ଙ୍କ ରିପୋର୍ଟ ଜାଗ୍ରତଭାରତ news
