ତିନି ଆଇପିଏସ୍ ଅଧିକାରୀଙ୍କ ପ୍ରତିନିଧିତ୍ଵ ରେ ମମତା ବାନାର୍ଜୀ କେନ୍ଦ୍ରକୁ କହିଲେ , ନିର୍ବାଚନ ପୂର୍ବରୁ ନିୟନ୍ତ୍ରଣ କରିବାକୁ ଚେଷ୍ଟା
ଜେ ବି ଏନ, ୧୭/୧୨/୨୦୨୦, କୋଲକାତା: ପଶ୍ଚିମବଙ୍ଗ କ୍ୟାଡରର ତିନିଜଣ ଆଇପିଏସ୍ ଅଧିକାରୀଙ୍କ କେନ୍ଦ୍ରୀୟ ପ୍ରତି ନିଯକ୍ତି ଉପରେ ପଶ୍ଚିମବଙ୍ଗ ରାଜ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାରଙ୍କୁ ନିନ୍ଦା କରିବା ସହ କହିଛନ୍ତି ଯେ କେନ୍ଦ୍ର ସରକାର ପଶ୍ଚିମବଙ୍ଗ କୁ ନିଜ ନିୟନ୍ତ୍ରଣରେ ନେବାକୁ ଚେଷ୍ଟା କରୁଛି l ଏକ ଟୁଇଟ୍ ଜରିଆରେ ମମତା ଅଭିଯୋଗ କରିଛନ୍ତି ଯେ କେନ୍ଦ୍ର ସରକାରଙ୍କ ଏହି କାର୍ଯ୍ୟ ଆସନ୍ତା ବର୍ଷ ବିଧାନସଭା ନିର୍ବାଚନ ପୂର୍ବରୁ ସଂଘୀୟ ଗଠନ ଉପରେ ଆକ୍ରମଣ।
ଗତ ସପ୍ତାହରେ କୋଲକାତାରେ ବିଜେପି ସଭାପତି ଜେପି ନଡାଙ୍କ କନଭେନ ଉପରେ ହୋଇଥିବା ଆକ୍ରମଣର ତିନି ଦିନ ପରେ ତିନିଜଣ ଭାରତୀୟ ପୋଲିସ ସେବା (ଆଇପିଏସ) ଅଧିକାରୀଙ୍କୁ କେନ୍ଦ୍ରୀୟ ଡେପୁଟେସନରେ ରିପୋର୍ଟ କରିବାକୁ କୁହାଯାଇଥିଲା। ପଶ୍ଚିମବଙ୍ଗ ସରକାର ଏହି ତିନି ଅଧିକାରୀଙ୍କୁ ପଠାଇବାକୁ ମନା କରିବା ପରେ କେନ୍ଦ୍ର ଗୃହ ମନ୍ତ୍ରଣାଳୟ ଆଜି ଆଉ ଏକ ଚିଠି ପଠାଇ ମମତା ବାନାର୍ଜୀ ସରକାରଙ୍କୁ ଏହି ତିନି ଅଧିକାରୀଙ୍କୁ ଯଥାଶୀଘ୍ର ଦାୟିତ୍ଵ ମୁକ୍ତ କରିବାକୁ କହିଛି।
