‘ବୁକ୍ ଅଫ୍ ଦ ଇୟର’ ସମ୍ମାନରେ ସମ୍ମାନିତ ପ୍ରକାଶନ ବିଭାଗ
ନୂଆଦିଲ୍ଲୀ, ୧୦ ଅଗଷ୍ଟ ୨୦୨୬: ପ୍ରକାଶନ କ୍ଷେତ୍ରରେ ଏକ ବଡ଼ ସଫଳତା ହାସଲ କରିଛି ପ୍ରକାଶନ ବିଭାଗ (DPD)। FICCI PubliCon 2026 Publishing Awardsରେ ପ୍ରକାଶନ ବିଭାଗକୁ ପ୍ରତିଷ୍ଠିତ ‘ବୁକ୍ ଅଫ୍ ଦ ଇୟର – ନନ୍-ଫିକ୍ସନ୍ (ହିନ୍ଦୀ)’ ପୁରସ୍କାର ପ୍ରଦାନ କରାଯାଇଛି।
ପ୍ରକାଶନ ବିଭାଗ ପକ୍ଷରୁ ପ୍ରକାଶିତ ‘ସବକା ସାଥ୍, ସବକା ବିକାସ, ସବକା ବିଶ୍ୱାସ, ସବକା ପ୍ରୟାସ’ ପୁସ୍ତକ ପାଇଁ ଏହି ସମ୍ମାନ ମିଳିଛି। ପୁସ୍ତକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଭିନ୍ନ ଗୁରୁତ୍ୱପୂର୍ଣ୍ଣ ଭାଷଣର ସଂକଳନ କରାଯାଇଛି। ରାଷ୍ଟ୍ର ନିର୍ମାଣ, ବିକାଶ, ସୁଶାସନ ଏବଂ ଜନଭାଗିଦାରୀ ଭଳି ବିଷୟ ଉପରେ ତାଙ୍କ ଚିନ୍ତାଧାରାକୁ ଏଥିରେ ସ୍ଥାନ ଦିଆଯାଇଛି।
ପୁସ୍ତକର ବିଷୟବସ୍ତୁ ସହିତ ଏହାର ସମ୍ପାଦନା, ଡିଜାଇନ୍, ମୁଦ୍ରଣ ଓ ଉତ୍ପାଦନର ଉଚ୍ଚମାନକୁ ମଧ୍ୟ ପୁରସ୍କାର ମାଧ୍ୟମରେ ସ୍ୱୀକୃତି ମିଳିଛି।
୧୦ ଅଗଷ୍ଟ ୨୦୨୬ରେ ନୂଆଦିଲ୍ଲୀରେ ଆୟୋଜିତ PubliCon 2026 ପବ୍ଲିଶିଂ ଆୱାର୍ଡ ସମାରୋହରେ ପ୍ରକାଶନ ବିଭାଗକୁ ଏହି ସମ୍ମାନ ପ୍ରଦାନ କରାଯାଇଥିଲା।
ଏହି ପୁରସ୍କାର ହିନ୍ଦୀ ଭାଷାରେ ଉଚ୍ଚମାନର, ଜ୍ଞାନବର୍ଦ୍ଧକ ଓ ଗୁରୁତ୍ୱପୂର୍ଣ୍ଣ ପୁସ୍ତକ ପ୍ରକାଶନ ଦିଗରେ ପ୍ରକାଶନ ବିଭାଗର ପ୍ରୟାସକୁ ଆହୁରି ଉତ୍ସାହିତ କରିବ ବୋଲି କୁହାଯାଇଛି।
