🇮🇳 ଅନୁଗୋଳରେ ‘ହର ଘର ତ୍ରିରଙ୍ଗା’ ଅଭିଯାନକୁ ଜୋରଦାର କଲା ବିଜେପି

🇮🇳 ଅନୁଗୋଳରେ ‘ହର ଘର ତ୍ରିରଙ୍ଗା’ ଅଭିଯାନକୁ ଜୋରଦାର କଲା ବିଜେପି

ବଅଁରପାଳ ବ୍ଲକ୍‌ର ତୁଳସୀପାଳରେ ବିଧାୟକ ପ୍ରତାପ ଚନ୍ଦ୍ର ପ୍ରଧାନଙ୍କ ନେତୃତ୍ୱରେ ତ୍ରିରଙ୍ଗା ଯାତ୍ରା

ଅନୁଗୋଳ: ଆଗାମୀ ସ୍ୱାଧୀନତା ଦିବସକୁ ନେଇ ଅନୁଗୋଳ ବିଧାନସଭା ନିର୍ବାଚନମଣ୍ଡଳୀରେ ‘ହର ଘର ତ୍ରିରଙ୍ଗା’ ଅଭିଯାନ ଜୋରଦାର ହୋଇଛି। ଅନୁଗୋଳ ବିଧାୟକ ପ୍ରତାପ ଚନ୍ଦ୍ର ପ୍ରଧାନଙ୍କ ନେତୃତ୍ୱରେ ବଅଁରପାଳ ବ୍ଲକ୍‌ ଅଞ୍ଚଳର ତୁଳସୀପାଳ ଗ୍ରାମ ପଞ୍ଚାୟତରେ ଏହି ଅଭିଯାନ ଆୟୋଜିତ ହୋଇଥିଲା।

ବିଜେପି ମହୀଧରପୁର ମଣ୍ଡଳ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଦଳୀୟ ନେତୃବୃନ୍ଦ, କର୍ମକର୍ତ୍ତା ଓ ସ୍ଥାନୀୟ ଲୋକେ ସାମିଲ ହୋଇ ଘରେ ଘରେ ତ୍ରିରଙ୍ଗା ଉଡ଼ାଇବାକୁ ଆହ୍ୱାନ ଦେଇଥିଲେ।

ବିଧାୟକ ପ୍ରତାପ ଚନ୍ଦ୍ର ପ୍ରଧାନ କହିଥିଲେ ଯେ, ‘ହର ଘର ତ୍ରିରଙ୍ଗା’ କେବଳ ଏକ ଅଭିଯାନ ନୁହେଁ, ଏହା ଦେଶର ଗର୍ବ, ଏକତା ଓ ଦେଶପ୍ରେମର ପ୍ରତୀକ। ତ୍ରିରଙ୍ଗା ଆମ ସ୍ୱାଧୀନତା ସଂଗ୍ରାମୀଙ୍କ ତ୍ୟାଗ ଓ ବଳିଦାନର ସ୍ମୃତି ବହନ କରୁଛି। ପ୍ରତ୍ୟେକ ଘରେ ଜାତୀୟ ପତାକା ଉଡ଼ାଇ ଦେଶ ପ୍ରତି ସମ୍ମାନ ଓ ଭଲପାଇବା ପ୍ରକାଶ କରିବାକୁ ସେ ଆହ୍ୱାନ ଦେଇଥିଲେ।

କାର୍ଯ୍ୟକ୍ରମରେ ୨୮ ନମ୍ବର ଜୋନ୍‌ର ଜିଲ୍ଲା ପରିଷଦ ସଦସ୍ୟା ମୀରା ଗଡ଼ନାୟକ, ବିଜେପି ମହୀଧରପୁର ମଣ୍ଡଳ ସଭାପତି ରାଧାକାନ୍ତ ପଟ୍ଟନାୟକ, ତୁଳସୀପାଳ ପଞ୍ଚାୟତ ବିଜେପି ସଭାପତି ବସନ୍ତ ବିଶ୍ୱାଳ, ବଉଳିଗଡ଼ ସରପଞ୍ଚ ଅମରେନ୍ଦ୍ର ଗଡ଼ନାୟକଙ୍କ ସମେତ ବିଜେପି ନେତା ମନୋଜ ସାହୁ, ପ୍ରଦୀପ ସାମଲ, ରାହସ ଦାଶ ଓ ସୁଧୀର ତ୍ରିପାଠୀ ଉପସ୍ଥିତ ଥିଲେ।

ଏହାସହ ମହୀଧରପୁର ମଣ୍ଡଳ ଅଧୀନ ବିଭିନ୍ନ ଗ୍ରାମ ପଞ୍ଚାୟତର ସଭାପତି, ଦଳୀୟ ନେତା ଓ ବହୁ କର୍ମକର୍ତ୍ତା ଅଭିଯାନରେ ସାମିଲ ହୋଇଥିଲେ। ସ୍ୱାଧୀନତା ଦିବସରେ ପ୍ରତ୍ୟେକ ଘରେ ତ୍ରିରଙ୍ଗା ଉଡ଼ାଇ ଜାତୀୟ ଏକତାର ବାର୍ତ୍ତା ପହଞ୍ଚାଇବାକୁ ଆହ୍ୱାନ ଦିଆଯାଇଛି। 🇮🇳